把家裡打掃得亮晶晶

作為一個師奶仔，心情唔好，最好的減壓活動其實是做家務，把家裡打掃一下。



一邊做家務，心情會不自覺地變得平靜! 心情自自然然就會舒暢不少!



我是一個很懶惰的師奶仔，而且忍耐力很強，我試過兩個星期才拖一次地呢!!



近來潮濕，眼見厠所某些地方有霉菌，都可以視而不見。



昨晚又拾起<拳頭舉上天>這本書，這本書其實我前前後後溫習很多次了! 我的壞習慣很多，經常都想改掉，但經常都半途而廢，真的要好好反省一下!!

看到第四篇 : 擦拭會發亮的東西

我明白為什麼打掃後心情會變得舒暢不少了!



以我兩星期才拖一次地的習慣來說，地板一定很不會乾淨啦。我和老公以前都不喜歡在家裡穿著拖鞋，但家裡的地板不乾淨，腳板經常都會黏著塵，所以反而養成了著拖鞋的習慣 ( 唉.... )



每一次的得起心肝拖完地，就算赤著腳走來走去，腳板都不會鞋恰恰的，其實心裡都不其自地有一絲絲的滿足感!



我這個無香薰不歡的人，也有把精油運用在家居上。



有時我會在拖地水裡加上精油，一邊打掃一邊聞，relax 呢! 甜橙精油價格便宜，是一個很好的選擇，而且氣味非常討好，也很清新!
甜橙精油揮發性高，滲透力佳，尤其對付油性污垢效果很好呢! 此外，檸檬都是很好的選擇，檸檬的洗淨能力都好好呢，同樣可以令家中變得很清新。



我家種了很多花草 ( 不要問我是誰種的...好難估得到…哈哈... )
所以夏天時造成蚊蟲滋生，點起薰衣草、香茅、檸檬、薄荷作驅蚊之用，好有效呢!
或者將精油以精油乳化劑乳化，再加入水中，就能簡單地做成驅蚊噴霧，周圍噴，帶埋出街噴就冇蚊埋身啦! 或者拖地時加進拖地水都是可行之法!



新手師奶第一次見到家裡有霉菌真的很不知所措，朋友說以白醋來對付很有效! 我們可以自製一支防霉水，白醋、清水以一比一的分量，再加入茶樹、尤加利和檸檬精油，倒入噴樽裡，打掃後噴在易有霉菌滋生的地方，聽聞很有效呢! 試完再報告!

KATE 三义眼線筆

眼見細C都行過界，大C又再次良心受到遣責，但. . .但. . .人家要返學呀MA!!!

連續上了２日髮型堂，累，但很滿足。我好像已經看見了自己未來的路(好誇張呀XDD)

不多說廢話了，今天想跟大家介紹眼線筆，沒錯，又是眼線筆。哈哈！

細Ｃ說起她不懂用眼線筆已經很久了，終於她的起心肝學了。等我介紹一支超方便的內眼線筆給她啦，繼續放毒本色，哇哈哈！

這次想介紹是KATE的三义眼線筆，聽名字好像有點怪怪吧？

但沒有形容錯，它真的是由三义式擦頭組成的眼線筆，官網的相片好像不能看清楚，且看我今晚放學後有沒有精力放照片上來！

為什麼是三义式呢？　原因是方便畫內眼線時使用的，有畫內眼線的姊妹便會知道，多數畫內眼線時，也會給自己長長的眼睫毛阻礙，要不斷好像填空格地把內眼線給填滿，眼睛敏感一點的姊妹便會出晒眼水，搞不好眼線不乾便溶了一半！

而這個三义式的擦頭就可以很方便地一次過填滿幾條眼睫毛中間的空間，而且可以加快完成內眼線的時間，減少跟眼睛接觸的機會，嗯，單是聽我說，是不是也覺得不錯呢？

不過畫內眼線的朋友，記得卸妝要乾淨一點，其實化眼妝的也應該小心卸妝，因為真的會有很多殘留物會入了眼睛，如果常常卸妝後也覺得眼矇的話，就要小心了！

希望今晚我可以更新試用圖啦～XDDD

 

敗家敗到去美國 - Cherry Culture

Double C 成日都夾份喺美國買嘢，買得最多次的，可算是 Cherry Culture，已經買咗幾年啦。

Cherry Culture 是一間好似香港 Sasa 卓悅的化妝品店，最出名的品牌就是 NYX。
NYX 這個品牌在好多化妝學校都有用，不過就賣得好貴。在美國訂就抵好多啦!

雖則貨價是低，但是運費好貴呢! 好在 Cherry Culture 不時會有限定全場八折，可以幫補吓運費。
而且我們會夾其他朋友同事一齊買，買得愈多，運費相對就愈平。同淘寶原理一樣，首重舊錢就最貴。因為化妝品都不會太重，如果只買幾支唇彩，除開出來的運費就當然貴啦…

所以我們有一次買到咁~~

昨天收到電郵，Cherry Culture 又做八折啦…做到 5/28 我們忍手了很多個月, 今次忍唔住又「團購」啦…


大家都可以睇吓, 有嘢想買可以留言架… web 入面 show 的貨價 x 8.5 就應該 cover 到架啦!
http://cherryculture.com/index.php

下次同大家講吓喺美國 Bobbi Brown 的戰利品。

精油比例

有朋友知道我會在 cream 或者底油中加入精油作護膚，第一個反應就是 : 吓, 會唔會la面架?

其實呢，又不需要太擔心的! 只要不要落太多就ok了!

咁.. 點為之不要落太多呢?

比例是 50g cream / 蘆薈 gel 或 50 ml 的底油裡，加入的精油總數不多於 10 滴為限。

(好好記住呀!)

而值得一提的，是大部分未經過稀釋的精油都不能直接塗抺在皮膚上，除了薰衣草和茶樹精油。( 又係要好好記住呀! )

不過，話就話可以直接塗抹在皮膚上，但都不可以把精油當精華咁大面積地塗抺，點小小搽在一小部份好啦。例如茶樹可以對付暗瘡，就剩係點小小在暗瘡位置好啦!

最穩陣就先在手臂內側 test 一下有沒過敏情況先塗上面..

遲啲再分享吓精油王薰衣草的功效啦! 真係好萬用架!

DIY 止痕膏

上次講完驅蚊噴霧，今次就講吓止痕膏，俾蚊咬完的痕還是敏感要 R 的痕都 OK 架…

要準備的材料有 bee wax 和植物底油…植物底油可以用 Oliver Oil, 甜杏仁油或荷荷巴油。


精油我用了薰衣草和薄荷…
薰衣草是超級精油王，有很好的驅蚊作用，對傷口的愈合都好有幫助，直接搽在皮膚上都得；
而薄荷就有涼浸浸止痕的舒緩作用。


Step 1 將 bee wax 倒入植物底油中，記得要用玻璃容器! 如果用玻璃燒杯就最方便啦!

Step 2 隔水加熱…見唔見到 bee wax 變得細粒咗? 一路攪直至所有 bee wax 溶哂就可以熄火啦!

Step 3 我習慣會稍為放涼再加入精油，之後再倒入樽仔!


Step 4 等一陣之後就會凝固，就完成啦!


這個方法還可以用來做 lip balm, 加上甜橙、柚子、檸檬等果類精油都好適合搽上嘴。

送禮自用都啱呀!

對皮膚的一點小堅持

在化妝班都有講一下保養皮膚，講到就算沒有化妝，只搽了防曬，夜晚都應該用卸妝油落妝。

Miss 還說試試早晚都用卸妝油，堅持兩星期，黑頭毛孔問題都會有顯注改善。

屋企的卸妝油用極都用唔完，即管試吓堅持兩星期早晚都用卸妝油來潔面，算是對皮膚的一點小堅持吧！

DIY 驅蚊噴霧

今日同大家講吓上次提過的驅蚊噴霧。

因為身邊有好多大肚媽媽和小baby, 所以我想弄一個安全的驅蚊噴霧。所以放棄了用酒精，改用做蘆薈凝膠做精油介質，就算小朋友不小心噴到落眼都不會敏感嘛！

做法好簡單。

Step 1 將適量蘆薈凝膠倒入容器內

Step 2 加入甘油和精油。大人我會用檸檬香茅，天竺葵，雪松的配方。大肚媽媽和小baby鐵腳都是驅蚊驅蟲一流的檸檬香茅，再尤加利，十分安全的配方。

Step 3 加入蒸餾水攪攪攪！見到一舊舊未溶的蘆薈gel嗎？

 

 

Step 4 攪到開始清就ok啦!


Step 5 倒入噴樽就完成啦！就係咁簡單！

這個驅蚊噴霧可以噴在皮膚上，或隔空周圍噴！用在寵物上還可以驅蚤呢！真是放狗必備！

我親身試過，好work呢！無噴的那一晚必定會被蚊針！

新手學畫眼線 - Solone 防水眼線膠筆

休息咗幾日，今日我居然可以撈過界講埋化妝?.... 大 C 你幾時出手呀?

買了學化日系 OL 妝的團購都好幾個月了，前兩日終於 book 到時間去上堂。

這個化妝班其實真是一個很 foundation 的化妝班，不過對我來說就啱啱好，令我化到一個妝去見工其實都夠啦…

最大收獲，就是我學會了畫內眼線…哈哈…不要笑啊，我想學畫眼線很久了，有畫眼線對眼即時放大呀! 但一直都不知道該買那一支眼線筆好。
那天我帶了大 C 幫我買的 NYX 眼線筆去，在紙巾上畫是完全出到色的，但就硬是畫不到上眼，點解呢吓? Miss 來看了一下，就說太硬了，不會畫得到的。
於是就借了一支給我，哇…一畫就畫到啦，而且好快就完成了，miss 說畫得不錯，只是眼尾畫差了一點點…
我問 miss 哪裡有得買，她說他們有現貨賣，只不過$80.. 我就當然落搭了啦! 哈哈.. 不過我返嚟 seach 返啲 blogger 介紹，原來出面賣得更平，上年的價錢是 $39, $45 這些價錢。中計添...下次醒目啦.. 但一支應該夠我用很久了。

防水能力應該不錯，回家卸妝前用水潑濕塊面，條眼線依然健在，但用卸妝油一卸就OK啦…真的如 miss 所講，這支眼線筆平靚正呀!

fb 上得越多壓力越大

無可否認，自從出了 iphone 之後，簡直好似住了在 FB 裡面，一得閒就心癮起入去碌吓!

看到這篇剪報，不知不承認情緒有時真的會受 FB 影響到呀!

例如有好多女仔朋友都喜歡 post 相 update status 來哂命，我都試過架! 有邊個未試過?
情人節個個 post 男朋友老公送的花，但我又冇喎! 即時就會覺得人家哂幸福，好叻咩?
跟住埋怨隔離果個…
但有無諗吓明明自己唔係太好收花架咋喎! 你公司同屋企有花樽咩?
而且在情人節買花比平日貴幾倍，好無謂啫.. 用筆錢做其他事仲好啦! ( 但情人節果時又唔見你咁識諗喎! :p )

而且又有些港女以為自己有什麼新鮮蘿蔔皮，鐘意 set limit，當你知道人家睇到的，你自己俾人 set 了 limit 睇唔到，個心自然又會暗罵一句 : 好叻咩? 好想睇你啲嘢咩?

而近來好興的 LinkedIn，其實都算係害群之馬來的。
我有開到 account，不過真的不敢活躍地用。眼見身邊的朋友原來已經係 senior, supervisor, 甚至 manager，你話冇羨慕和嫉妒就呃你啦! 如果有 post 埋人工就更加死火!
所以，都係少掂為妙!

大家每日都會花幾多時間在 FB 上? 其實我覺得，早午晚各一次都好夠啦!

http://www.sharpdaily.hk/article/news/20120511/88975

【本報訊】facebook（fb）幾乎已成為港人不可或缺的社交渠道，浸會大學工商管理學院調查訪問了105名fb年輕用戶，然後分析使用fb對他們情緒的影響。結果發現，上fb越多，越易導致嫉妒和不快，並增加壓力。

負責調查的教授彭嘉諾說，fb用戶應考慮減少每日瀏覽時間，以減低壓力和負面情緒，特別是女士。

因為數據顯示，女性比男性多花兩倍時間瀏覽fb，表示女性在心理上更易受fb影響。家長亦應盡量避免小孩使用fb，因為他們尚未成熟，難以辨別網上資訊真偽。


近來真的好多怨氣，要自閉一下努力在調整心情…
戒 FB 同我話戒 MSN 一樣咁難，但我會努力!

MI＄＄：「男人唔係要嚟依靠係要嚟開心」

過了工作不太順心的一週…所以這個星期都圍繞在「愛加人工」系列裡面。
見到爽報上星期的一篇副刊，覺得都幾有意思，POST 出嚟同大家共勉之…

似乎我一直由畢業到現在的投資方向都幾正確喎!
安慰自己，依家儲錢儲得辛苦少少，過多幾年就有回報的啦!

http://www.sharpdaily.hk/article/sup/20120511/88796

「男
人唔係要嚟依靠，而係要嚟開心!」當「剩女」的終極人生目標被認定是搵個老公的時候，欣然承認自己是「剩女」的張佩儀告訴大家，她的「剩女攻略」是盡早為
自己打算及保障自己，男朋友是用來談情說愛尋開心，「尤其係𠵱家男女平等，甚至掉番轉頭，女人可以叻到養番個男人!」「剩女」，其實是「盛女」，有錢有
樓傍身，活得比「有人認頭」的更豐盛。

記者:陳承龍　何凱兒

張佩儀認為，沒有甚麼人啟發她熱衷投資，一切皆是自發。

第一桶金來自磚頭

「以前係做玩具廠買手，都做到身居要職，就係因為嗰次賺到第一桶金後，有朋友叫我買進取型泰國基金，咁我又唔識，於是索性入埋理財顧問呢一行，實行由低做起，希望做到自己嘅目標，金錢係為我工作，唔係我為金錢工作!」她的第一桶金與很多香港人一樣─來自磚頭。
「90
年代初期，有次機緣巧合同朋友去睇示範單位，計過數又負擔得起，於是每人夾12萬做一成首期，買咗粉嶺蔚翠花園800方呎240萬嘅單位，揸咗幾年，97
樓市高峯期嗰陣以480萬賣咗，扣埋使費，淨袋100萬。」除此一役，她在2005年高價買入紅磡海名軒，她不肯披露作價，但該屋苑在這個樓市升浪中持續
向上，她持貨至今，至少賺一倍。基金是她另一強項「97至2007年期間，投資基金最少都有一倍回報，尤其係2000年科網熱嗰陣，是旦一隻科網基金都升
一兩倍...」

波動市 iBond可發圍

不過，觀乎現在時勢，似乎很難造就投資英雌!「𠵱家咁波動嘅市況下，都係買番保本型基金，又或買一啲息率穩定嘅債券，例如iBond咁，買樓?自住無問題，最緊要係睇有冇需要，係自己供得起...」

Denise教路：女性各階段理財策略

在學階段

先在事業訂下目標，努力爭取工作及賺錢機會，就職以後開始有穩定收入，儘量避開物質誘惑，盡早建立理財概念

初入職

有收入後應做儲蓄，以備不時之需，考慮自己的保障（如人壽、醫療、危疾）是否足夠

工作4年或以上

有一定的積蓄及生活要求，例如置業、持續進修，可按短、中、長線目標建立不同的投資組合，落實自己的人生計劃

已婚

有了家庭及孩子，開支必定大增，故要為未來預算有更好的準備，必須妥善管理家庭財政

張佩儀 （Denise） 個人檔案

年齡：30 plus
婚姻狀況：未婚
學歷：浸大經濟系學士、英國愛登堡大學工商管理系碩士
現職：美國萬利理財亞太區總裁
嗜好：投資、旅遊、行山、參與慈善團體活動
著作：自資出版《30歲做百萬富女》，收益用作慈善用途

投資心法

(1) 定回報目標─做中長線投資，有一倍回報已經好理想，如果貪心再博，最終或會衰收尾

(2) 唔了解唔做─如當初賺到第一個100萬元的時候，有朋友叫我將呢筆錢買專攻泰國的進取型基金，但我唔知係乜，咁點買得落手呢？

(3) 太高風險唔做─例如窩輪、期權等，因為無得守，投資成本會化為烏有。

(4) 唔借錢做─唔計買樓，我都有試過借錢投資，但計過條數，啲息都唔係好化算，如果市況逆轉，一個浪打埋嚟，真係無得走！

(5) 運氣─好似我嘅第一桶金，唔可以唔承認唔關運氣事囉！

環保先鋒

我同老公都算是環保分子，平時家居垃圾都會盡量循環再用，其他的垃圾都會分類再回收。

屋企每日都收好多宣傳單張，而老公的職業更加搞到成屋都係 documents!
所以廚房有個大箱儲廢紙，儲到一定數量就會拎去回收!

今次儲了很多個月都懶搬去回收，有成 22kg 呢! 勁!
但可想而知幾鬼阻地方!

但大家又估吓現在廢紙回收幾錢? 其實個價一啲都唔高，啲公公婆婆每日執紙皮同問人拎免費報紙，都不知道可以賺到幾多錢....

我家樓下的廢紙回收只係 $0.9/kg .. 今日老闆娘收順了，給我們 $20。

食到一個麥噹噹早餐。哈哈!

其實錢事少，環保意識事大呀!

椿花油

第一次用上油在臉上就是椿花油。



最搞笑的是，是在商務印書館購得的。



價錢十分平民，$100 有找！每次只需泵一嘢，就可以用上全臉，所以好耐用！



我覺得早晚用，應該都可以用上幾個月！



初次接觸油，放在臉上始終有點擔心，所以開始時我只在晚上使用。先把適量的椿花油滴在化妝棉上，用以清潔，其實我結婚當晚都是以椿花油來落濃妝，防水眼線都落到，重覆做兩三次已經乾淨哂啦！其實卸妝效果同一般巿面上的卸妝油不相伯仲呢！



之後用清水把臉洗乾淨，再把椿花油按壓上臉！大致上不需再做其他護膚程序的啦！



其實椿花油有防曬作用的，如果不化妝，早上用清水洗完面再用椿花油，其實可以出得門口㗎啦！



而如果要化妝的，塗完椿花油後等一分鐘，就可以化妝了。我是一定要遮眼圈才出得出門的，發現用椿花油打底再上遮暇，會更易推開，乾紋都較少，而且面會變得很有光澤，但不是油光滿面那種光澤啦！



椿花油更可用作髮尾油！一物多用！平靚正呀！

拍一拍、拍走痘痘印 - Annecy body water

大家有冇留意 Mannings 出的護膚品牌 - ANNECY 呢?

其實這個品牌都出現出現了一段時間，我記憶之中，它的產品好多都標榜有透明質酸成份。我一向都好 buy 透明質酸來保濕，所以特別留意，而且它的產品價格都偏低，所以一直都有留意但一直都沒有買過。

今日，我就給大 poster 上的一句 : 拍一拍 拍走痘痘印 吸引住!

大大支 400ml 特價 $36.9，好抵喎! 成份還有好名貴的玫瑰果油，對消除疤痕和防止皮膚乾燥的確很有幫助，仲有我最喜歡的透明質酸做保濕，成份咁有 sense，點抵擋得住唔買呀?

希望我會乖乖哋用啦…冬天我都懶搽 body lotion 的呢!
用一排再分享一下用後感啦!

炒外幣初體驗

我成日都講，現在 keep 港幣是最蝕抵的!

現在的股市真的不是人人識炒，所以呢，我開始留意外幣! 貪外幣穩陣之餘也比較容易入場。

雖然你可以話買仙股咪得囉! 但是，仙股大上大落，隨時血本無歸! 相比而言，外幣就其實低至幾百蚊都ok喎!

上年一月因為要在銀行開人民幣戶口，買入了一千元人仔。一直都沒有理會這一千元，星期日突然心血來潮想賣掉，set 了星期一放，星期一就大跌市啦!! ( 咁其實係咪意味住我不宜投機呢? )

幸好我賣的是人仔，賣的是澳元就真的血本無歸啦! 澳元已經跌破 8 啦! 上兩個月我在 8.1 入了幾千元! 同事叫我再跌一跌就係時候溝淡啦!

收到銀行過數時，發現原來這一年四個月以來，這一千元人仔幫我賺了 HKD 44!

嗯…其實只是好少錢，但我心裡卻有點興奮。

如果我買一萬蚊，就可以賺到四百幾元囉!

不過我今次在獅子銀行買人仔，其實 RATE 會比較差的。兩個月前在 CITIBANK 做了二萬元人仔的半年定期，保證利息已經有四百多元了!
同事教我在中銀試試…即管找天在中銀又買 1000 蚊人仔，看看一年四個月後可以有幾多錢賺啦!

今日加了 $44 人工.. :P 繼續留意澳元先!

我的目標 - Aromatherapist

我的目標，等我!!

努力儲錢，香薰治療師課程，半年後我來啦!

原來有 PART TIME 的香薰治療師，邊個話讀香薰治療搵唔到食架?

杰到似精華的化妝品 - 用法示範

我一直都覺得，搽幾靚幾貴的保養品都係假，胡亂塗上面只是嘥料…

如果配合正確的手法加了按摩， 一定可以令保養品發揮到最好的功效…





昨日立刻試了用拍打的方式用專科化妝水，平時用完再上完 BB cream，總會覺得好似乾乾哋! 但今日明顯地貼面好多，塊面好有光澤，而虎紋亦都不太起眼， 掂呀掂呀!





不過其實我都不知道是否因為昨日拍打得唔夠耐， 化妝水未完全吸收就趕住上 BB cream 呢? :p不過對我這個乾人來說又好似係錯有錯著喎!





大家不妨試吓!

出處

http://blog.yahoo.com/_ ZSVHSOJBRLPNTIQ7EBH3WLONVY/ articles/596364/category/%E7% BE%8E%E5%AE%B9

化妝水多用法 美容專家柳燕示範

2012年 02月24日

近年來化妝水愈來愈多質地與功能訴求， 甚至在廣告上強調平價化妝水只要使用時多加拍打， 也能增加肌膚彈性，甚至可媲美精華液效果， 對於資本不雄厚的年輕女孩們是一大福音，本次由負責多家品牌教育 訓練的柳燕老師分享多種化妝水加分用法， 包括用化妝水搭按摩手法，幫助填補細胞間縫隙，達到飽滿效果， 還有用拍打方式將化妝水注入表皮層，達到醒膚活化作用， 及螺旋按摩、搭化妝棉等按摩方法。



報導╱解光芸　攝影╱楊明龍

用法1 按摩導入法

一般人用化妝水多半只是塗抹讓肌膚濕潤， 針對市售愈來愈多質地濃稠的高機能化妝水而言，柳燕建議， 其實可以像擦乳液一樣搭配按摩手法，幫助肌膚吸收， 按摩後可迅速填入角質細胞間隙， 使肌膚短時間就能看起來彈性倍增。 

Step1

選擇質地濃稠的高機能化妝水，直接倒在掌心， 份量約大於50元硬幣大小。 將化妝水均勻塗抹全臉至濕潤但不滴下程度。 

Step2

雙手包覆臉頰，以眼頭下方、鼻翼側邊為起點， 由內往外滑至臉頰側，力道由下往上，將肌肉向上托提。重複2~ 3次。 

Step3

針對眼下易有乾紋及鬆弛的眼袋處， 用中指與無名指腹從眼頭往太陽穴滑動拉提，勿過度往上， 以免出現細紋。重複2~3次。 

Step4

容易出現抬頭紋的額頭， 先利用雙手指腹由眉毛上緣往髮際線輕彈拉提，有助減緩抬頭紋。 

Step5

接著雙手指腹從額頭中心沿著髮際線往兩側太陽穴滑開， 有助化妝水均勻深入肌膚紋理，步驟4~步驟5可重複2~3次。 

Step6

中指指腹置於眉頭，無名指指腹置於眼頭下方的眼眶骨上為起點， 可稍加用力，有助舒緩眼部疲勞。 

Step7

接著手指沿著眉骨以及眼眶骨往外滑動輕拉至眼尾處，重複步驟6~ 步驟7約2~3次。 

Step8

雙手握拳置於下巴兩側，指節沿頷骨往耳垂下方滑動， 按摩咀嚼肌同時有助拉提臉頰輪廓。可重複2~3次。 

Step9

雙手十指張開，指腹輕觸法令紋及笑肌， 像彈琴由下往上畫弧線輕彈兩頰，助肌膚更有彈性。重複數次。 

Step10

雙手食指與中指做出剪刀形狀，輕夾兩頰笑肌最高處， 並沿顴骨往太陽穴滑動拉提，幫助笑肌看來更豐潤。 

Step11

以雙手手掌包覆兩頰並稍微施力， 感覺像是將保養成分深按入肌膚底層，停留3~5秒。 

Step12

接著右手手掌覆蓋額頭、左手手掌包覆下巴，同樣稍微施力停留3~ 5秒，利用掌溫幫助肌膚吸收。 

用法2 拍壓注射法

如果來不及進行整套按摩手法， 也可用拍壓方式幫助化妝水成分吸收。柳燕建議， 拍打力道約2公斤重，感覺像迅速的深深按壓而不會有拍打的痛感， 想像像是注射點滴般將成份拍打入表皮層，有助醒膚活化作用。

做法：

全臉同樣使用約50元硬幣份量、質地濃稠型的化妝水， 塗抹全臉後，可雙手也可單手交替，像迅速深按的方式拍壓全臉， 柳燕建議，拍壓次數約是自己年齡的2倍， 例如30歲就可拍壓至少60次，愈趨近熟齡，拍打次數愈多， 可幫助刺激肌膚維持良好彈性。 

用法3 面膜加分法

質地夠濃稠的化妝水，只需厚塗，不使用面膜紙也能達到敷臉效果， 柳燕建議，厚塗化妝水後停留約1分鐘，待肌膚稍微吸收， 再以指腹做由下往上的螺旋狀按摩，就能達到加分效果。

做法：

將質地濃稠的高機能化妝水厚塗全臉至濕潤但不滴下程度， 靜待1分鐘，以指腹由下往上畫圈做螺旋狀按摩，助剩餘成分吸收， 簡單也能達到敷面膜的滋潤感。臉上厚塗一層化妝

杰到似精華的化妝水

其實 double C 的皮膚都不算太差，基本上我倆最大的問題都只是皮膚偏乾和眼圈問題比較嚴重。

所以我們花在護膚上的金錢和時間都不用太多。
我呢，就持住咁，而且很少化妝，我是可以懶到睡前只用清水洗面，一支洗面膏都不知可以用幾耐!

不過呢，我是好勤力去做防曬的，朝早一定會先塗精華，再上防曬 lotion，有時間 + 心情好，會用 BB cream 令面色看來均勻一點，如果趕頭趕命，輕輕遮一遮眼圈就跑出門口了!

我是比較懶而，而且近來更懶，用右手邊那一支專科化妝水，之前天氣比較凍，我選滋潤型來用! 嚟緊的夏天應該用清爽型就夠啦!

這
一支很好用，價錢又便宜…原價 $88/200ml，已經夠抵，我更在 2 支 75 折的時候買! 只需 $66
一支。我在屈記見到時太興奮，因為我捕了很久都從來沒有見過做特價，一直幫襯開萬記的我 ( 因為信用咭長期有折 ) 又怕那邊沒有做這個
promotion，於是拿拿聲買定兩支!

之後在萬記見到都有一樣的 promotion，下次撞正 extra 九五折的日子再入貨!! 有見過做 2 支 75 折之餘，同時仲有 mann 咭 10 倍積分添! 果時買更抵呀!

我多數朝早用化妝棉倒小小化妝水，抺勻全塊面，可以順便去一去角質，抺完真的好似塗了精華呢! 我試過用完化妝水再塗精華，我覺得好似反而有點"立"，於是又可以慳返，精華只是夜晚用就夠啦…

到左手邊這一支韓國牌子 ecopure，主要是因為特價和打住 collagen 而手痕買回來的，原價 $180/180ml 特價 $130，在幫襯了很多年，專賣韓國化妝品的 apple club 買。

雖然這一支比專科那支稀一點，但都是類似的質地，也是不錯的選擇!

自從學會 diy 整 skin care，用完的樽都會留低重用，韓國化妝品的包裝一向都好有誠意，這個包裝設計簡簡單單，仲非常墜手! 好樽嚟架!

專科之後還出了美白補濕版。

又美白、又補濕、仲要重點擊退斑點、預防雀斑及黑斑，開正我果瓣喎!

不過要忍手呀，用完家裡的那兩支先買，但好像仍未有太多 beauty bloggers 出用家感想，等埋再比較埋兩隻的 pros & cons 再決定買都未遲呀! 

近來發現原來這一類杰到似精華的化妝水， 原來都有好多用塗，在網上找到了相關的剪報，好有用喎! 明天 post 出嚟同大家分享一下!

美妝智慧王

相信好多女仔都好鐘意在 facebook join 各大化妝品牌的 page，咁就可以睇到最新的資訊!

我近來就 join 了一個有好多美容冷知識的台灣 page -  美妝智慧王。

http://www.facebook.com/MakeupKing


例如教怎樣束唔師奶o既馬尾

http://appnews.fanswong.com/?function=readnews&nid=155886




教防曬度數點計...

http://appnews.fanswong.com/?function=readnews&nid=149827




用 mask 時注意的地方..

http://appnews.fanswong.com/?function=readnews&nid=149334




擊退眼袋的方法...

http://appnews.fanswong.com/?function=readnews&nid=146267



大家不妨一齊嚟 join 呀! 又唔駛錢o既.. :p 而且每篇都很短，最啱一路睇一路消磨乘車時間..

鼻敏感? 無有怕!

好多香港人都有鼻敏感，以為我無架! 可能因為由細到大都住在空氣好的沙田，但一搬走就開始有輕微的鼻敏感啦!

其實鼻敏感真的好麻煩，鼻經常塞，經常流鼻水，經常打噴嚏…

不過香薰可以幫助舒緩的，尤加利和薄荷幫到你!

方法好簡單，如果屋企有香薰機的話就只需要把精油落入機內擴香就可以。

如果沒有香薰機，可以試一下蒸氣吸入法 : 即係好似蒸面咁...

在一盆熱水中加入尤加利和薄荷各兩滴，用大毛巾蓋住頭+盆吸入從蒸氣中釋放出來的香薰精華，好快個鼻就會通哂!

再簡單啲，用直接吸入法啦 ! 把尤加利和薄荷各兩滴滴在紙巾上直接吸入，最適合在公司用呀! 直接方便得來又不會影響其他同事，所以我在公司枱面長期都有這兩款精油的。又或者可以把精油滴在枕頭套四隻角，第二朝起身包你不會打噴嚏。

天氣已經好熱啦，相信我的肥仔老公好快會忍不住開冷氣，我的鼻敏感好快就會返嚟搵我。
要拎定兩支精油入房戒備先!

講起天氣熱，大家開始俾蚊咬未? 下次教大家 DIY 驅蚊噴霧，超易做但勁有效!

CANMAKE 遮暇膏

踏入五月，我終於的起心肝上黎UPDATE下我地個DOUBLE C ，哈哈！說來慚愧，係細C寫左十幾篇BLOG後我才姍姍來遲UPDATE我第一篇BLOG。(別怪我啊. . .細C，哈哈！)

化妝堂初班已經結束了，試已考完及成績已出，說實話，自己不太滿意，雖然是合格，但自問跟成功的距離還是很遠。很認同老師的說話…”失敗者是看到成果才去堅持，成功者是堅持後自然看到成果＂

好了，不再離題，今次是想分享黑眼圈，DOUBLE C也是黑眼圈的受害者，其中我的鼻敏感型黑眼圈由其嚴重，化妝班老師第一個便是找我來做示範，可想而知我的黑眼圈有多嚴重。＝。＝

我的家裡最多的化妝品是遮暇用品，不論…膏、液、條狀通通也試過，基本上很多牌子也試過，連最出名的BOBBI BROWN也可以在我的化妝袋找到！但其實也只能遮去大部份，有時手重更會出現白了一圈的後果….

學習化妝後，算是對自己的眼圈多了點了解，像我的重型黑眼圈，單用一個色是不能遮掉，黃及紅的遮暇也需要用上，才能自然地遮掉我的黑眼圈。

最近試過覺得不錯的遮暇膏….CANMAKE！想不到70元的化妝品會有不錯的表現！

雖然它是支裝膏狀，但對比起其他支裝膏狀的，它是補濕度算是不錯了！而且有很多顏色選擇，BB的MUA介紹我買的CONCEALER及CORRECTOR也不能完全遮掉我的眼圈，反而

CANMAKE的顏色好像比BB更適合我。

由於現在是偷偷在公司打BLOG，所以等我遲些放上照片再分享我的使用心得！

買雨靴

每次落大雨，就會好想買雨靴。

講了好多年，每次講到雨季都過了都未買到!

踏入五月，決定今年一定要買到呀!

先上淘寶尋吓寶先…

心水1
依款應該幾易襯，其實冬天都著得... 我梗係揀波點款啦…

心水2
短款... 勁抵... rmb$33 咋..

心水3
田園碎花款... 至愛!!

不過單買一對運費好貴呢…要積極問吓身邊有沒朋友一齊買...
你呢? 想一齊買嗎?