解剖 FAITH IN FACE MISS INVISIBLE PORE MASK + 自家研製蘆薈 gel mask

冇呀, 我冇哦大 C 哦到樹葉都落架! 以前在公司都會同大C用電郵傾計，但依家日日俾電郵長期夾擊，見到電郵都怕怕，吹水電郵都無時間睇呀!

日日由朝早九點一直坐、密密手做到晚上八九點都係等閒之事…仲邊有時間哦人喎!

好…勞so完啦…講返正題先…星期日閒逛萬寧，終於見到大C舉哂腳推介的 Faith in face Mask 做特價

正想報料之際，拎起手睇包裝背面的小故事…

oh! 我見到我啲朋友喎! Witch Hazel & Peppermint…香薰治療師又上身啦…

於是就仔細咁睇睇 Ingredients…有好多我唔識的化學物質之餘，居然有我依家日對夜晚的香薰拉丁名喎!

除了有 Witch Hazel ( 金縷梅 ) 和 Peppermint ( 薄荷 ) ，仲有 Grapefruit ( 西柚 / 葡萄柚 )

即時覺得這個 mask 化學得嚟有啲 sense 喎!

容我曬吓命先…我同大 C 剛好相反，我是沒有毛孔的煩惱的，面上的毛孔比較細緻，面上的油脂分泌亦較少。不過有辣有唔辣啦，缺水缺油的皮膚雖然毛孔細緻，但乾紋卻較易出現，即係易老囉!

毛孔較大的皮膚，多屬較油性或暗瘡的膚質! 在 mask 入面的 Witch Hazel ( 金縷梅 )、Peppermint ( 薄荷 )、Grapefruit ( 西柚 / 葡萄柚 ) 都係對暗瘡皮膚有好處的呢!

金縷梅有很好的收歛作用，對收細毛孔有很好的效果。
薄荷呢，在 IFA 裡就不會用在面上，不過對發炎、暗瘡皮膚都有作用。
西柚就是相對比較弱光敏的柑橘類精油，特別啱油性和暗瘡皮膚，不過用在面上就比較刺激喎!

雖然，依款 mask 都唔算好貴，但都要二十幾蚊塊喎!
我又幫大 C 諗到慳錢又天然的方法啦…

好簡單，既然覺得依款 mask 好用，就照參考返它的成份…

由於薄荷 + 西柚精油都比較刺激，用在面上劑量建議頂盡 0.5% 就夠啦! 即每樣一滴加入 10g 蘆薈 gel 入面，厚敷上面…

再以金縷梅花水浸濕壓縮 paper mask，敷在蘆薈 gel上，敷 10 - 15 分鐘，剩低的蘆薈 gel 唔好洗掉咁浪費，可以順手用來按摩吸收埋。

我相信這個「自家研製蘆薈 gel mask」功效應該有過之而無不及呀!
有毛孔煩惱的朋友仔可以試吓…

FAITH IN FACE MASK 韓國面膜試用(超好用!!!)

大C最近又不斷起粒粒,本來初用這個面膜時己經覺得很不錯,但早排應該敷錯MASK,第二日即時面上起勁多粒粒,有的更變成含膿的樣子

過了一日我便立即用AFTER SHOWER LOOK,訓醒後立即減退了不少,所以我要立即上來介紹一下!!!

當初會買這2盒面膜的原因是,粉紅色包裝很對我的口味,哇哈!!

於萬寧看見後,想了一會己經把她們帶回家了,最初買的是AFTER SHOWER LOOK,其實買時沒有抱太大期望,畢竟我也是以貌取人,好不好用我是不知道的,看了包裝後的介紹,其實沒有也沒有太大期望,因為其實好像是在講故事一樣,就是說為什麼會有這個面膜的出現,而不像其他的面膜會說自己有些什麼什麼的專利所以效果超凡等等的說話,而AFTER SHOWER LOOK,就正正是如名稱一樣,沖完涼皮膚係最靚,飲飽水一樣。

打開包裝,是兩塊凝膠啫喱狀的面膜分上下2塊,建議使用時間為半小時,但有時我會敷一小時,除下面膜也不會像平時的PAPER MASK因為敷太耐而面部更乾。

而且敷完的面膜真的會薄了,就好像真的把面膜的精華吸了一樣啊!!敷完直接搽面便可,最重要是第二天早上起來,都仲KEEP到!!!

大C面頰毛孔較粗大,但是敷完有收細了的效果,可能是吸飽水的關係,毛孔是有明顯收細了,平時第二天早上起來鼻翼位一定會出油,但敷完後鼻翼位幾乎沒有面油出現,可見補濕效果真的不錯啊!!



至於MISS INVISIBLE PORE,之前試過一張,效果也不錯,不過最近大C皮膚不太好,所以KEEP住都會用AFTER SHOWER LOOK的補濕面膜,遲些好一點再試用MISS INVISIBLE PORE吧。

萬寧售價大約6X元一盒有三塊。

上了官網 http://www.faithinface.com.hk/ 看過,好想試眼膜呀!!!為什麼萬寧只有AFTER SHOWER LOOK/MISS INVISIBLE PORE/BLACK AND WHITE FILM STAR賣嫁!!!!!

超想試眼膜!!!!!

P.S.其實佢地個官網都好多野睇,而且我都好仲意,好女仔呀!!!

黑眼圈遮暇教學示範

最近很忙,忙得又荒廢了這裡...記得很久以前我說過要寫一個黑眼圈遮暇教學嗎?對...我回來還債了..我再不還債我相信我會比細C哦到樹葉都落!哈哈!

以下會有嚇人相,大家請有心理準備,因為大C的眼圈不是非一般的小,連上課老師也叫我出來做MODEL你便知道了。

欠大家的,我要還了!!!不多說,立即示範我是如何遮我的眼圈!

由於我的黑眼圈是天生(看見未遮眼圈前像一個阿婆吧?),如果那一天不夠訓會更深色,所以有時用到的產品也有所不同,這天的眼圈不算太太嚴重,所以可以只用一隻CORRECTOR->深的時候要用2隻,基本上BB及OCTARD都是我的必用產品,PAUL & JOE我比較少用,因為是以前未懂化妝時,櫃姐幫自己試,好像是真的遮到才買,但學會後便知道用在自己身上唔WORK!所以現在PAUL & JOE只會用於 MIX膏狀遮暇用,令遮暇膏好推少少或用於黑眼圈較淡的人身上。



OCTARD於草莓巴黎有售,好像是有5隻色,我買的是肉色盒那個,白色盒那個我印象中是比較濕潤,但顏色沒有我那麼深,所以我選擇了肉色這個的S52色號,其實這個遮暇真的不錯,MADE IN JAPAN但只是大約七十元,遮暇度又高!!BB的CORRECTOR出名貴,大C有黑眼圈,但是一點眼袋也沒有,所以更易起眼紋,BB用在我的眼圈上,夠濕潤,用一整日回到家,才出現少少眼紋,所以我都要繼續用佢囉.....BB我用的是PEACH,這是帶點橙色色系,如果更深時我會再用到BISQUE帶粉紅的色系再用於眼底部分。

遮眼圈時請由眼角下落第一下遮暇膏,原因是這個位置通常是色素最深的地方,由這裡落筆,再用筆上餘下的遮暇膏向眼尾帶開,由下而上遮好眼圈,不是由上而下,原因是眼珠位應只用少許遮暇(即筆上差不多用完的在眼珠位輕掃)因為使用過多會變得不自然。

另外,請在面的那一個地方作遮暇也必須輕力,因為太大力,什麼也會推走了,結果便不能達到遮暇的作用。

好像我那實實在在真的是一個圈的眼圈,其實是很難遮的,會於眼圈邊位有深至淡擴散開的會比較好遮,像我的眼圈便要像圖4一樣,於眼圈和面之間的明顯圈位畫一條斜線,再沿線位向左及右推開漸淡,我的斜線位大約會畫到面珠(眼珠對下的位置)再左右推開,做到膚色一致既效果。

如果你的眼圈沒有像我一樣,只是深至淡擴散開的,則只需要用腰果位畫法,記得,不論什麼的眼圈,也請於眼頭也有少少遮暇再用指尖輕按,以達到膚色自然的效果。
最後,必須上碎粉定妝,如果你發現自己上碎粉不久便立即出現一條條有遮暇膏的眼紋,或不消一會己經又變會黑眼圈,那便是碎粉不夠,眼紋則有可能是自己的眼真的太乾。

最後放上遮暇後的眼妝相,看到我的眼圈由有變無的效果嗎?PS我沒有痴假眼睫毛的啊!!遮了眼圈,眼睛即時亮晶晶啊!XD
因為只化了半邊面,所以只放半邊面相啊,大家自己幻想下啦~哈哈!

(號外) BASE FORMULA 3 for 2 summer offer

今日收到 base formula 3 for 2 summer offer 的 email…

哇…勁吸引呀! 計返條數，其實有成六七折呢! 但係上個月先同同學仔趁有八五折 offer 時入了一次貨…

買了幾年 BF 都好似未見過咁抵呀! 真係揼心呀!

順帶一提，有同學仔剛去完沙灘暴曬，用綠泥 + 蘆薈 GEL 做面膜，敷完即時覺得白返呀!


辛苦完一個星期，等我今晚都對自己好啲，開個綠泥出嚟先…

死亡六月終於涯過了

不經不覺，已經係七月啦!

過去的六月，無數個睡不安寧的晚上…好多事令我好擔心呀!

最擔心呢，當然係每週一測啦!

好在，頭兩科都測得幾好，但月尾測的那一科，就麻麻哋lu...

因為月尾請唔到假，大拿拿要記成 24 個佢識我我唔識佢的拉丁文，唔夠時間溫書就只有半夜起身溫啦!
但係到測驗時好多都唔記得啦! 不過盡了力就算 lu，考完就唔再諗，要學識放低呀，人生還有大把其他事情值得去花時間關注 ... 

有幾多年未試過三點起身溫書呢? 對上一次應該係讀 degree 時的考試啦!

最慘係隔離果個肥仔有得瞓我冇得瞓呀嘛!

返工前睡了兩個鐘，返完工再去測驗，哇，真係眼瞓到暈低咁滯呀!

只係測驗已經咁慘，11月考試時點算呀?

老實講，當初決定讀香薰治療時我冇諗過咁辛苦架! 不過，既然洗濕咗個頭，就硬住頭皮 gogogo 啦!

七月，我要對自己好一點…起碼都要好好休息一個星期…
過去的六月我真係連鏡都唔係太想照，臉上牛皮癬的情況時好時壞，真係令人好鬼困擾呀!

七月第一日就係假期，注定七月是一個 hea 月呀!
趁仲有小小「本錢」，真係要好好咁 relax 一下，做喜歡的事、看喜歡的書、見喜歡的朋友!

第一樣要做的事，係執好屋企呀!