可以不上班嗎?

細 C 有時真係幾天真，日日推積如山的工作，以為每日加班，會有清完的一日。

但其實唔係呢…每日都有不同的工作堆落嚟，其實唔會有做完的一日架!

而且加班後，精神很差，第二日做嘢其實都係唔夠精神，效率都係低…

成日十一點先放工回到家，望住個升降機鏡裡的自己，就會鼻酸酸，點解會為了工作，搞到自己不似人型…
無時間返學做功課、無時間回家陪媽咪、無時間陪老公、無時間執屋屋企成個廢墟一樣、無時間讓自己好好休息、無時間打理自己殘到好似一隻鴉烏婆。

人生，唔係只得工作呢…仲有好多、好多有意義的事等住架!

今日一打開 amazon.cn，依本書彈了出來…

造物主其實真係好偉大，在你最軟弱的時候，會給你遇見一些東西令你重新爬起身繼續衝。
先唔好諗幾時可以做到「不上班」，但一睇個書名，又是一個感恩的 moment…

人，係要有夢想有目標的，沒有夢想沒有目標，同一舊木頭沒有分別…每日在公司已經係一個機械人，放工後要做返一個人呀!

明明，已經已經開始了為未來生活的部署，唔可以為了工作而前功盡癈。

同樣在工作緩衝期的大 C，她比我早一步諗通，唔再鐵人地獄式地工作。

放工後的時間真係要 ENJOY LIFE 對自己好啲呀!

矢車菊花水 + Melvita 會員招募

嘻嘻…一出黑眼圈的 topic 好快就有朋友仔留這分享啦喎!

對於黑眼圈，雖然都處放放棄

提到「矢車菊花水」，於是我又 google 吓啦…發現真係對眼睛護理好好架喎! 尤其對黑眼圈跟浮腫有關。

而在近來都幾 hit 我又幾鐘意的有機牌子 Melvita 有得賣喎!

又八八卦卦 like 了 facebook page…

俾有舖會員癊的我見到買夠$800就可以做會員仲有嘢送…

好吸引喎! 我又要敗家啦…近來做嘢咁辛苦，要獎勵吓自己既... 　

淡化黑眼圈

MISS 講過淡化黑眼圈的配方很多次了，材料都買咗一段時間，但係一直都係懶…懶…懶…

牛皮癬近來都係時好時壞，但就被同事取笑一邊眼底紅另一邊就黑…

哼…果然激脹法對我好有效…
趁昨日唔小心放到的一日颱風假期，動手做了!

材料
蘆薈 gel 20ml
永久花精油 2 滴
岩玫瑰精油 1 滴
薰衣草精油 1 滴
洋甘菊花水 少許



其實呢，用在眼的劑量應該是 0.5%，但係以我超嚴重的黑眼圈來講，1% 都冇問題既…

我又其實好後悔加了洋甘菊花水，真係臭到冇朋友! 最後忍唔住加了一滴薰衣草 + 少少玫瑰味的金縷梅花水調調香…

希望真係救到吓我的千年黑眼圈啦!

雖然有精油幫手，當然更加要勤力搽同配合按摩啦! 

AE 又送 coupon 啦~

愛加人工系列又停咗一輪添…因為我依個慳妹近來都好鬼大駛呀! 

今日由到AE推廣電郵，日常消費送現金卷的 promotion 又到啦…

相比上一次，今次的 target 勁易 meet 喎 ! 只需在 9/29 前累積買夠 $300 就可以得到 50 蚊 coupon，$600 蚊就可以得到 100 蚊 coupon, 如果收到 AE 的電郵就快啲去登記啦…

不過同上次一樣啦，唔係張張 AE 都可以登記到架! 上次同今次我都係只得國泰AE OK咋… 收唔到電郵都可以用 AE 信用咭號碼碰吓運氣~

https://enroll.amexnetwork. com/HK/zh/EDS2013/?cid=hk- eds2013-edmchi&source=eD0121& om_rid=Nsmovq&om_mid=_ BSCYUWB80ZCAjJ&om_lid=amex7

植物底油 + 粉底 + 保濕霜 = 無暇潤澤陶瓷肌

星期日去了大C屋企，在研究四本在香港買和在amazon買的 PONY 化妝書有咩分別時，給我看到好有興趣的 topic…



植物底油 + 粉底 + 保濕霜 = 無暇陶瓷肌




正喎! 在香薰治療中，好提倡直接用植物底油搽面。不過唔知係咪我的皮膚太乾、角質太厚，每次用完植物油都會油光滿臉，所以都只可以在夜間用油。
早上只會用蘆薈gel打底+防曬/bb cream，如果早上直接用油，直至下午都仲係油光滿面，連頭髮都會痴到油立立架。

而在 < Pony's 韓系搶眼妝 > ( 繁體 ) 或 < pony 四季美妝物語 > ( 簡體 ) 中教到，粉底+保濕霜以1:1加5滴橄欖油混合，再以化妝掃來做底妝，就可以打造出有光澤又充滿水份的皮膚，對我這個皮膚勁乾的人好啱用喎!



嗯…等我試吓用甜杏仁油 ( 落埋精油仲正喎 ) + 蘆薈 gel + bb cream 來試吓先…

而文中提到，只需加 5 滴橄欖油就 ok ，究竟我平時係咪出手太重( 我多數會泵一下 ) ，所以用完植物油後會油光滿面呢?

雙生兒

之前幫大 C 在 amazon.cn 買了兩本化妝書，但發現出事了!

依兩本書，你哋估到內容居然會是差不多…真係俾個書名欺騙了!! 

只是排版跟文字有少少唔同，但講的內容跟圖畫，是完。全。一。樣的!　

激氣呀！好似玩緊點錯處咁!

仲要兩本都係！

我之前已經中過招，買了兩本內容圖片一樣但排版不同的香薰書...

嗱，大家認住啦…

如果想買 韓系搶眼妝 其實就等於  pony 四季美妝物語

 超正女神妝 就 等於 pony 的特別彩妝書 

唔好以為佢哋係四本唔同的書呀! 佢哋只係繁體同簡體、價錢差咗個 double 咋…

不過簡體版真係的確抵買呀! 紙質同印刷都 very good 同香港買的繁體版一樣咁靚架!

而我這個唔化妝的人，拿起上手睇都愛不釋手睇得津津有味呀!

Kobashi 團購 - 下星期六(8/10)載單

我唔知道，是自己叫做有小小人緣、抑或香薰真係有一股攝人的吸引力!

在網上找我買東西的朋友仔，大多都好好傾的。
可能因為我不算是一個好 hard sell 的準香薰治療師，有時仲會倒自己米添…有時我見到有一些初接觸香薰的朋友仔，會不小心駛了冤枉錢，我會好坦白地提議她買比較便宜或任擇其一就可以。

有時我忙到甩轆或是生病了，不能及時回覆電郵，她們都會好細心地叫我唔駛急、先休息，反而她們仲緊張過我，見我耐冇覆就會善意地催我… ( 唔似得公司啲 sales 似催命符咁催呀! ) 實在係好感恩呀!

就好似幾星期前，有個請我買了幾次香薰的朋友仔，問我會唔會訂 Kobashi 喎! 我話要計一計，睇吓運費可唔可以 cover 到先決定訂唔訂，佢仲好搞笑地叫我 mark up 價錢等佢幫我 share 運費…

她問我時剛巧公司好忙，又發燒喉嚨痛，完全沒時間去計，到今日終於醒起( 唉.......)，而on and off 都有人問我除了 Florihana 其實仲可唔可以訂 Kobashi ( 因為 Kobashi 始終都平過 Florihana 架..... ) 就不如順手搞個團購大家一齊買啦…

為了方便大家(亦都方便自己呀! ) 我已經做好了 Kobashi 的 price list，唔駛左計右計，填完張 form 就自動計好要俾既錢啦…方便又清楚!

form 喺依度下載或者留言講低email address, 我都email send個copy俾你!
https://docs.google.com/file/d/0B-ujk-0edhGpUXRSVFJaU1h2X0U/edit?usp=sharing

填好之後 send 去 lepetitearoma@gmail.com，我就會覆返你 HSBC 的入數戶口架啦…

我哋 target 下個星期六 (8/10/2013) 截單，大家想買精油/花水/植物底油都OK架!

我要搵返自己

人生，有時真係幾無奈呢!

每次上來 update，都要加插一個「忙」字!! 

Double C 近來都好似住咗喺公司咁，日日八九點放工都係等閒之事…

身、心…都好攰呀! 我好想放假呀! 但係…一想到放完假返嚟又要執手尾，就唔想放啦!

我倆真的很久沒有詳談過啦! 昨日迫煮煮吓飯的大 C 出來落街「交收」，我們就企了在港鉄站傾計傾到唔捨得走…

唔講真係唔知原來我倆在公司的情況真的不相伯仲，我一個人做差不多兩個人的工作，大 C 仲慘，兩個 under 佢的同事都走了，被迫一人做三個人的工作，壓力大到爆哂瘡。

我就希望在下週，因為下週起就有大陸同事幫水做日常唔需要用腦的工作了，涯多一個星期，再 fine tune 兩個星期，希望九月會好一點啦…

希望大 C 都會有「有希望」的一週…

同大 C 互呻了成個鐘之後，我覺得我真的要搵返自己呀! 真係唔可以生活中只有工作呀! 為咗工作，夢想都要擺埋一邊，好鬼唔抵呀!!

屋企真係要長備低能書調劑一下生活呀!

今日我選了新鮮熱辣的<我的低能湊B之道3>，雖然三十分鐘都唔駛就睇完，但可以睇到咔咔笑，睇完好似有返啲精神再去衝過…依幾十蚊駛得過呀!