敗家敗到攰

這兩個星期都好懶呀! 一個星期先出得一兩篇 BLOG!

這個星期就忙於敗家…終於都敗家敗到去美國的 CHERRY CULTURE，真係幾經辛苦呀! 真係好在有 BLOG 友仔 IDY ，運費先剛剛好 cover 到!
做咩大家的敗家指數低咗咁多?

我仲準備敗家到英國 Kobashi 買香薰添呀~~

連續星期一至四都出了街，每日都 1 點後才睡，仲要撞正每月最麻煩的一個星期 ( 女仔應該明白有幾麻煩啦.. )真的攰到不行!

不過值得的值得的，見到想見的朋友嘛!

傾計和 shopping，是最佳的減壓活動啊!

本來星期五想 Happy Friday 同老公去街，但天公不造美打八號風球

只好買東西返屋企煮飯仔等打風，老公仲要留定一大盒通粉俾我今日食…

嗚，係呀係呀! 我今日又要做剩女呀! 應該話這三天 long weekend 都係要做剩女呀!
最衰咁早就打完風啦! 如果唔係都可以做少一日/半日剩女嘛!

好…這個 long weekend，就繼續懶繼續攤抖啦…

Cherry Culture 又八折啦........

哇…Cherry Culture 上個月月尾先做完八折，昨日又收到電郵又有新一 ROUND 八折喎!

上次唔夠敗家，儲得唔夠多嘢買所以無落到 ORDER，今次再接再厲先..

一如以往，web 入面個價錢 x 8.5 就 ok 架啦…( 不過唔係八折完再 x 8.5 呀! )
可能大家唔知喺美國寄嘢返香港有幾貴，同埋用信用咭俾錢個 rate 並不是 7.8 而係差不多 8 架!

喺 beauty exchange 見到依 set The Crimson Amulet Collection 係 NXY 既 limited edition, 搞到我又想敗一SET返嚟~~~
( 但我次次都係得個買字，都唔用o既... :p)

http://www.cherryculture.com/cosmetics/makeup/nyx/nyx-the-crimson-amulet-collection-/17962&cat=0&page=14#

想一齊買可以留言架…

快啲快啲! 最遲 6/26 ( 星期二 ) 朝早就要落單架啦…
http://cherryculture.com/index.php

歎冷氣之餘記得加強補濕

這幾天天氣都好熱呀! 終於都忍唔住要開冷氣瞓... ( 係咪好勁呢? 熱到現在先忍唔住.. )

從第一日開冷氣瞓，第二朝起床嘴唇已經爆拆，可想而知，開冷氣會抽到塊面有幾乾?

歎住冷氣瞓之時，記得開加濕器呀! 還有記得塗晚霜都要塗得厚小小，搽潤唇膏先唔會一起身就變得乾巴巴啊..

AE 咭送 $100 COUPON

信用咭在我的生活消費佔住很重要的角色，有得簽咭的時候我都一定會簽咭。
一來是有免息還款期，二來有得儲積分/miles，信用咭運用得宜，其實能令理財是更方便。

大家有冇 AE 咭? 有沒有收到 AE 寄來的 email ?

登記後用 AE 在超市等地方簽賬 5 次.. 每次金額需滿 $100，就可以得到 $100 現金劵回贈。

登記網址以下
https://enroll.amexnetwork.com/HK/zh/HKFastPayJune2012/

平時見到類似的宣傳 email 都會好順手地 delete，但這個回贈上年已經玩過了，真的好容易就可以拎到 $100 現金劵。
不過我有兩張 AE，一張是 CATHAY 一張是 DBS，CATHAY 那一張登記成功，但另一張是失敗的。

但 anyway 都可以試試登記。

iherb.com 10% off until 6/19

好嘢,前幾日先 update 完個 wish list，今日就收到 iherb.com discount email，買滿 usd40，就全單九折啦!
用嚟幫補運費都好呢。

大家快快投入 iherb.com 懷抱啦! 新會員記得用 referral number TUJ677。
我自己開了一個新 account 做測試，發現除了有九折之餘還可以享有迎新優惠額外 usd5 的回贈呢!

$97.3 x 0.9 - 5 = $82.57

抵到爆呀! 舊會員都不妨可以開個新 account 來 enjoy 最多的優惠喎!

http://www.iherb.com/?rcode=TUJ677

優惠做到下星期二咋~ 把握機會呀!
( 雖然可能好快又做 promotion.. )

每日 MAIN THEME

近來感覺到生活好似好悶呢! 每天放工回到家，看一陣電視就已經累到要睡了，一天就好像這麼就浪費了!
又經常腦閉塞好想寫好個 BLOG 每日都有 update 但又沒什麼題材呢!

不如大家想知什麼，留言給我們啦!

之前講過的身體磨砂，星期六或者日就應該會做架啦! 因為星期日老公要返工，獨守空城的我應該會有時間拍照。

為了令自己每天在家的時間過得充實一點，我 design 了每日放工後的 main theme 給自己，即日生效啦!

Q2 的 schedule 打算係咁…係呀，Q2剩返2個星期而已! 之後再 review 再改良…

BEAUTY 篇
星期一 : DIY skin care
星期二 : 頭髮護理
星期三 : 敷 mask
星期四 : 休息
星期五 : 身體磨砂
星期六 : 指甲護理
星期日 : 襯好四套返工衫

家務篇
星期一 : 洗廚房+抺地

星期二 : 洗厠所+浴缸

星期三 : 執雪櫃+寫購物清單

星期四 : 休息

星期五 : 抺地

星期六 : 執書房+理財

星期日 : 換床單

係咪好充實呢?
我估每日 main theme 要花的時間應該在一小時以內可以完成。

如果大家好似我咁，每日生活都過得好刻板，不妨試試編排一下自己每日放工後的 main theme，令自己生活變得有意義一點。
而且，還會搵出好多平時自己忽略了，但應該要做的事。

我的大冒險精神

老公一向都有皮膚敏感，經常R到又紅又損。
早輪見天氣開始熱，自己都開始變成大蚊細蚊的甜品，於是就整了十幾個止痕膏派俾街坊，好讓身邊同樣被蚊咬到豬頭的朋友仔可以止止痕，
有一日肥仔老公又嗌好痕又R到損哂，我不想他經常搽奶奶不知道在哪裡買回來的大陸藥膏，就試試用我自己整的止痕膏幫他搽。

我老公超奄尖的，冬天見他皮膚太乾燥迫他搽 cream ，搽完就想立刻洗掉！但可能止痕膏有加上薄荷精油，搽完有涼涼的感覺，所以他居然沒有反抗。
（又可能因為他實在太痕了，要找點東西舒緩一下）　
但我見他的皮膚真的就快想流血的樣子，再加料直接搽上薰衣草精油！

隔天早上我起床第一件事就看看有沒有好轉，嗯…皮膚看似沒那麼嚴重了！

一連幾天老公都主動叫我幫他搽止痕膏，雖然紅腫痕癢是有改善，但是焗了一整天汗回到家還是會痕。

似乎要再加料！

星期日就用蘆薈凝膠做了一個止痕 lotion，一樣的用薄荷和薰衣草精油。
其實這個真是一個大冒險實驗 lotion，在我的角度來看，薄荷帶來的冰涼感覺很有舒緩的作用，落多一點都沒大問題。
而薰衣草就直接搽在皮膚上都無問題，又係落多一點都沒大問題。而蘆薈凝膠對敏感皮膚都好有效，就即管試吓啦!

於是我就沒有用量杯或者秤去量材料，只憑直覺亂溝！
先做了第一支，成份是蘆薈凝膠、清水、葡萄籽油、薄荷和薰衣草精油，給白老鼠試搽後，意見是好像水了一點。

好好好，再看一下他有敏感紅腫的地方，發現皮膚好像很乾似的。可能葡萄籽油太薄太清爽，可能真的不夠潤呢！
立刻再加超厚身的 oliver oil，攪呀攪！攪了第二支色澤我覺得好肉酸的出來！

這個質地 user 比較滿意了！　好啦…放入冰箱每天就可以涼浸浸地搽囉！　而且 lotion 狀比較易搽，平時搽一次要用大約五分之一樽止痕膏，而且每次搽都要清理藏在指甲繨裡的膏，超麻煩又慢呢！　好幾次搽到老公睡著了都未搽完... ( 鬼叫他的敏感面積大咩 ) 而 lotion 狀泵一下就可以了，快靚正! 早知唔駛剪短哂啲指甲啦!

user 用了兩天止痕 gel，feedback 回來說好似好過止痕膏哦! 當然啦…你知不知道用了我差不多五分一盒蘆薈凝膠呀!
就快要申請加家用，理由係多了一項「香薰治療費」!

iherb.com Wish List

近來都在找 iherb 還有什麼好東西，橫豎都不是急需要買的東西，慳家精把所有想買的都加進 wish lisy，等 iherb 做 promotion 就即訂啊!

同大家分享一下我的 wish list 啦! 歡迎跟住嚟買啊!

Wish list #1
Dr. Bronner's Magic Soaps, 18-in-1 Hemp Baby Mild Pure Castile Soap, Unscented, 8 fl oz (237ml) USD5.75
http://www.iherb.com/Dr-Bronner-s-Magic-Soaps-18-in-1-Hemp-Baby-Mild-Pure-Castile-Soap-Unscented-8-fl-oz-237ml/6980

是從 blog 友處認識的，citysuper 都有賣，但是價錢就貴好多。
這個 magic soaps 成份好天然好簡單，簡直一見傾心! 所以一定要帶它回家試試。
它有 18 個功用，如果真的不適合我的皮膚，咁平用來洗衫洗碗都不錯啊~ 因為 blog 友說每次用很少份量就夠了，今次就先買最細的 size 來試試…
其實它有很多種味，但我有search過其他味道應該是用香精而不是用精油調配的，所以寧願買原味，自己溝精油仲多選擇呢!

Wish list #2
Life Flo Health, Pure Sea Buckthorn Oil, 1 fl oz (30 ml) USD12.24
http://www.iherb.com/Life-Flo-Health-Pure-Sea-Buckthorn-Oil-1-fl-oz-30-ml/37507

沙棘油是我一直都好想買但又不捨得買的貴油，原來在 iherb 都有買喎! 是 blog 友留言告訴我的，太好啦!
徐淑敏都有在她的專欄介紹過，對傷口的愈合非常有效，
http://www.sharpdaily.hk/article/sup/20120223/57643
http://www.sharpdaily.hk/article/sup/20120224/58242
雖然要 HKD100 一支，在 iherb 裡是貴價貨來的啦，但在香港 $360 只能買到 20ml 啊!

Wish list #3
Aztec Secret, Indian Healing Clay, 1 lb (454 g) USD5.99
http://www.iherb.com/Aztec-Secret-Indian-Healing-Clay-1-lb-454-g/29363

是 Michelle Phan 的 blog 介紹過的，即管在 iherb search 一下，原來有得賣呢!
http://www.michellephan.com/post/have-you-tried-indian-healing-clay-mask

這個我估跟綠泥差不多，用來做 DIY mask 應該不錯，對黑頭、粉刺、修毛孔都有幫助呢!
不過其實我自己屬於毛孔幼細的膚質，沒有太多黑頭，但我身邊有好多好多朋友仔都有毛孔粗大的煩惱，即管就買來整 mask 送給朋友啦!

Michelle's friend - Daven ( hair stylist )

看 Michelle 的 video 看見了 hair stylist Daven，一個成身紋身的肥仔。
http://www.youtube.com/user/davenmayeda

發現他弄的髮型都幾易做喎!

大C近來上緊髮型班，真的要介紹這個肥仔給她認識呀!

就好似這個側髻，找了條「鞋帶」來幫手，就可以輕易弄一個大髻出來了。
於是我無聊用麻繩試玩一下，把辮子索上去那一個步驟真的超神奇 ( 雖然可能大家都識好耐... )
因為我的頭髮是超薄超幼超塔的，但用這個方法都可以弄出一個大側髻出來，超靚呀!!!

我將這個方法用在普通正常置中的髮髻都 ok 呢，發現原來用一條繩加一個夾弄出來的髮髻，比我平時用橡筋固定髮髻來得更好啊~
平時用橡筋髮髻不是束不穩就是太緊，扯住頭皮好痛呢! 而且我頭髮薄只能做到一個細髻，但用這個方法卻能弄了一個又有又立體的髻呢!

我試過勁 fing 頭都不會散呀!

大家都不妨試做，現在天氣熱，長頭髮有時都幾焗呢! 平時返工，或者出街束起一個髮髻都幾舒服呢!

Michelle Phan - 你識唔識佢?

我第一次看 Michelle Phan 的 video，就是幾年前大 C send 給我看她教用雞皮紙 ( 即是食雞蛋仔、公文袋那些啡色的紙 ) 弄曲髮的 video，大C試過是WORK的!


近來都有追看她的 blog，的確有好多正嘢睇…我最喜歡看 michelle 的 DIY，用的東西都好便宜、也很容易買到。

大家得閒都可以去看一下…我之後都會分享一下易做，好用的…不如就身體磨砂先啦…等等呀~

http://www.michellephan.com/
http://www.youtube.com/user/MichellePhan

保持心境年輕

又要星期五啦，現在每日都返工等放工, 星期一等星期五, 月頭等月尾，所以時間好像過得好快好快呢!

今日老公要遲收工，給自己安排了節目 : 獎自己去歎個耳燭 facial!

每一次上美容院，美容師都會同我傾閒計!

有時，都有得著的啊!



今日的美容師，她說她 29 歲，我都不以為意啦…後來講到我的黑眼圈問題，她說差不多每一個香港人都會掛住一雙熊貓眼，因為休息時間真的太少了，連她的兒子都有呢！

吓，29 歲就有兒子啦? 而且已經 5 歲了，真羨慕!

在言語之間，她知道我都有生BB的打算，她問我真的要這麼快生嗎? 不先享受一下二人世界嗎?



我說，都已經30歲了，好像要生就早一點生! 她問我，30歲很老嗎? 我答她，是哦，是覺得自己很老了!



她立刻就跟我分享，她以前一直都以為自己已經 29 歲很老了，但身邊好多人跟她說，29 歲其實還很後生呢!

如果一直都覺得自己老，心境就沒那麼年輕了，心態很重要啊。

如果你覺得自己還很後生，心境都會年輕一點。她說我的打扮還是很後生的，樣子也很年輕，為什麼會覺得自己已經很老呢?



想想好像也對啊!

由何時開始我覺得自己老的呢?

你覺得自己老，童真就自然會變少了，成個人就好像會變得很認真，連情趣都變少了，青春的朝氣都會離你而去，促使自己老得更快。



又因為我都有一段時間沒有做 facial 了，她問我是因為很忙嗎? 我說都是，而且見到自己皮膚沒有多大問題，就沒有刻意要做 facial 的衝動了。

現在我去做 facial 的目的，多數都是覺得很累，為了想 relax 一下按一下面按一下肩頸而已。



美容師就跟我說，結了婚、未生 bb 就更需要爭取時間和機會去保養，家中的老公不會想見到一個不修篇幅的老婆的，而且生 bb 之後其實更沒時間保養呢! 應該要打定底呢!

橫豎 package join 了，錢都一早付好了，就勤力少少一個月來一次啦!



好啦好啦…keep住心境年輕、keep住一個月做一次facial，我要做靚太呀!

粟米片

之前講到牛奶，又令我想起粟米片…

有些人就是不喜歡鮮奶的味道，真的不妨試試加粟米片一齊食…我現在都會用來做早餐。

我的腸胃好敏感，如果一大朝早單飲鮮奶，好大機會會肚瀉，但加了粟米片之後，好似都不易肚瀉，又夠飽之餘鮮奶又會變得甜甜的，不錯啊!
我不需要刻意減肥就會選香甜粟米片，雖然勁甜，我深信點都會健康過食一個麥噹噹早餐。

如果想 keep fit 可以選原味粟米片，但係買之前可以比較一下成份
不過我就就唔太建議盲目地買 speical k 啦，speical k 是燕麥片，雖然比較低卡但糖份高而且貴好多，其實好多其他牌子(尤其是外國牌子)的燕麥片都好健康!
得閒不妨去超市研究吓!

原來粟米片還可以用來做其他甜品，例如做曲奇…等我都搵日試試先…
http://rthk.hk/elearning/dessert/cake_cornflakecookies.htm

你飲奶嗎?

都係老生常談，要靚，先要打好個底先…所以我哋又開多咗個分類講食得好食得靚食得健康…

之前見到一個 beauty blogger 在 fb page share 過這一篇關於牛奶的生活智慧，我覺得好有用呀! 所以都跟住 share 出來先…

http://appnews.fanswong.com/?function=readnews&nid=164452&fbid=100001139793395&catid=1242

常喝牛奶對健康大有助益，不過，日常生活中我們也要留點神，有些食物是不能和牛奶一起服用的。

橘子與牛奶－－在喝牛奶前後1小時左右，不宜吃橘子
因為牛奶中的蛋白質一旦與橘子中的果酸相遇，就會發生凝固，從而影響牛奶的消化與吸收，在這個時間段裏也不宜進食其他酸性水果。
(註:原來酸和奶不是朋友.... )

果汁與牛奶－－牛奶在果汁酸性的環境裏凝集
牛奶中的蛋白質80％為酪蛋白，牛奶的酸鹼度在4.6以下時，大量的酪蛋白便會發生凝集、沉澱，難以消化吸收，嚴重者還可能導致消化不良或腹瀉。 所以牛奶中不宜添加果汁等酸性飲料。
(註:有時我都會飲生果味乳類飲品啊!)

牛奶與糖－－牛奶與糖在加熱條件下反應生成有害物
牛奶中含有的賴氨酸在加熱條件下能與果糖反應，生成有毒的果糖基賴氨酸，有害於人體。鮮牛奶在煮沸時不要加糖，煮好牛奶等稍涼些後再加糖不遲。
(註:好在我好少飲熱奶....)

牛奶與巧克力－－兩者反應影響牛奶中鈣的吸收
牛奶含有豐富蛋白質和鈣，而巧克力含有草酸，兩者同食會結合成不溶性草酸鈣，極大影響鈣的吸收。甚至出現頭髮乾枯、腹瀉、生長緩慢等現象。
(註:原來朱古力奶係會影響鈣的吸收... 這個真的值得留意呀! 其實我飲奶好大的目的是吸收鈣呀! )

牛奶與藥－－影響藥物吸收
有人喜歡用牛奶代替白開水服藥，其實，牛奶會明顯地影響人體對藥物的吸收。 由於牛奶容易在藥物的表面形成一個覆蓋膜，使奶中的鈣、鎂等礦物質與藥物發生化學反應，形成非水溶性物質，從而影響藥效的釋放及吸收。因此，在服藥前後1小時也不要喝奶。
(註:我有時食藥前沒胃口會飲奶打底啊.....>.<)

原來，鮮奶還是選原味的最安全，吸收到最多的營養。

千嬅 Vs 細 C

我都不記得由幾時開始欣賞千嬅!

千嬅和我一樣都是潮州人，都以自己是一個「潮州妹」為傲。
我們說話都是一樣的爽直 ( 難聽的講，是粗聲粗氣... :P )，都有兩脥插刀烈女的一面。

我們都一樣，先在外地註冊結婚，攤到凍哂先在香港補擺喜酒。
我們都有一個「嚴厲」但其實好錫自己的老公，所以好多無謂低能嘢都要瞞住老公「偷偷哋」做!

今日她的 RMB 出世啦! 你睇，大肚千嬅幾咁靚幾咁幸福....

Avalon，我找到你了!

有沒發現近來好似發文少了? 之前一直都可以keep住差不多每日發文，近來開始有點「無貨」的感覺!!

在這個星期日的下午，老公在睡懶覺，我就周圍 search search search…
因為我用開的底油差不多用光了，我又要去 iherb.com 訂貨啦!

除了底油，其實 iherb 還有好多正嘢呢! 真的要做吓功課，一次過買返屋企!

無意之中發現 iherb 原來有 Avalon 賣喎! 這個美國有機香薰品牌我已經留意很久了!  有洗頭水, body wash, skin care，連 baby 用的都有，使用的香薰都有我們不會陌生的薰衣草，迷迭香，依蘭依蘭、檸檬等等…

我知道近這一兩年在香港已經有得賣，而且價錢還很親民，好吸引呢! 但一直都找不到，之後就不了了之了!
我知道 355ml 的 bath and shower gel 在香港賣三十多元，但 iherb 賣 USD6.86 = HKD 55，還未計運費喎!

於是又努力去找香港 Avalon 的資料，原來有 hk facebook page。
http://www.facebook.com/AvalonOrganics.hk

而且還有 shop list，原來不是很多地方有得買，而且更不是我去開的分店，怪不得我找不到啦!!
http://www.facebook.com/AvalonOrganics.hk/app_249447498406332

以下係銷售地點，Double C 都在用千嬅做代言的 W 字頭沐浴露，其實我個人覺得陣香薰味有點假…
用完可以試用價錢一樣平民的 Avalon 啊!

九龍 Kowloon

屈臣氏 Watsons

    金馬倫道 Cameron Road
    旺角 Mongkok
    黃埔花園 Whampoa Garden
    星光行 Star House
    鱷魚恤中心 Crocodile Centre
    新世紀廣場 Grand Century Place
    綠楊新村 Luk Yeung Sun Chuen
    新都城二期 Metro City Phase II
    奧海城 OlympianCity

百佳 PARKnSHOP, TASTE, International, fusion

    又一城 Festival Walk (TASTE)
    紅磡灣 Hung Hom Bay
    荷里活廣場 Plaza Hollywood
    黃埔花園 Whampao Garden
    奧海城 (二期) Olympian City 2 (TASTE)
    麗港城 (茶果嶺) Laguna Plaza, Cha Kwo Ling

港島 Hong Kong Island

屈臣氏 Watsons

    皇后中心 Queen's Place
    萬邦行 Melbourne Plaza
    裕昌大廈 Prosperous Building
    馮氏大廈 Fung House
    信德中心 Shun Tak Centre
    統一中心 United Centre
    太古城 Taikooshing

百佳 PARKnSHOP, TASTE, International, fusion

    合和中心 (灣仔) New Hopewell Centre, Wan Chai (TASTE)
    杏花邨 Heng Fa Chuen
    赤柱廣場 Stanley Plaza (TASTE)
    和富家居庭 (北角) Provident Centre Homeworld, North Point
    香港仔中心 Aberdeen Centre
    海怡半島 (鴨脷洲) Marina Square, Ap Lei Chau
    陽明山莊 Hong Kong Parkview (fusion)

新界 New Territories

屈臣氏 Watsons

    元朗 Yuen Long
    東港城 East Point City
    粉嶺名都廣場 Fanling Town Centre
    美孚 Mei Foo
    新都會廣場 Metroplaza
    屯門 Tuen Mun
    新達廣場 Uptown Plaza
    新城市廣場 New Town Plaza

百佳 PARKnSHOP, TASTE, International, fusion

    東港城 (將軍澳) East Point City, Tseung Kwan O (TASTE)
    馬鞍山廣場 Ma On Shan Plaza
    大埔中心商場 Tai Po Centre
    屯門市廣場 Tuen Mun Plaza (TASTE)
    東薈城(東涌) Citygate, Tung Chung (TASTE)
    花城(澳門) Flower City, Macau
    青衣城 (盈翠半島) Maritime Square, Tsing Yi (TASTE)
    粉嶺名都 Fanling Town Centre
    栢麗灣 (馬灣) Park Island, Ma Wan
    第一城 (銀城商場) Sha Tin City One, Ngan Shing Commercial Centre
    愉景新城(荃灣) Discovery Park, Tsuen Wan
    新都城 (將軍澳) Metro City, Tseung Kwan O
    新都會廣場 (葵芳) Metro Plaza, Kwan Chung (TASTE)
    嘉湖銀座 (天水圍) Kingswood Ginza, Tin Shui Wai
    綠陽新邨 (荃灣) Luk Yeung Sun Chuen, Tsuen Wan (International)
    駿景園 (火炭) Royal Ascot, Fo Tan (International)

離島 Outlying Islands

屈臣氏 Watsons

    愉景灣 Discovery Bay

百佳 PARKnSHOP, TASTE, International, fusion

    愉景灣 Discovery Bay (fusion)