今日我冇夾起前蔭，冇gel頭，再加埋一個小小病的樣子上班， 個個同事見到我不是說：哇，你啲頭髮長咗咁多嘅？
就是說：你係咪唔舒服呀？
係，係有小小唔舒服，不過係昨天嘅事，連瞓 4 + 8 咁多個鐘之後已經好咗八成，只係今日 hea 咗小小啫!
點解要頂住一個 hea 樣返工？因為放工借個頭出嚟俾大 C 上堂呀！
我身邊都有不少學化妝的朋友，所以我已經不是第一次做練妝練頭的 MODEL 啦!
放工就急急腳趕返學，今日原來係沒有指定要做的頭，是自由發揮呢! 好在大 C 昨天有乖乖練過吓，要不然今日都唔知 set 個咩頭好呀!
就在大 C 努力時都不忘話 :
你啲頭髮真係好薄呀.......
你啲頭髮好幼好軟呀........
死啦，削完好似冇削過咁嘅？
公主唔到添…
啲粟米夾完靜俏俏咁冇咗啦…
一路坐一路就冇咩嘢做，放是就拎起手機爭取時間打依篇blog， 近來真係忙到甩肺，疏懶哂呀唔好意思！
最尾，大 C 完成了兩個頭…
這個，就係我倆都好 like 的側髻，其實同我上年結婚出門時的髮型好似呀! 其實我影 post wedding 的時候都有 set 過呀，可想而知我對側髻幾有情意結…
相信到細佬結婚時你應該學有所成，到時就唔該你這個大嫂幫我這個二嫂變身啦…
加油啊!
沒有留言:
張貼留言