叉電中秋假期

原來，要返工、又要返學，真係會忙到冇時間休息架! 仲何況去玩?

這四天的中秋 + 國慶假期正好叉叉電呀! 我過了一個悶悶哋但幾充實的假期。因為老公返足四日工，真係連街都冇出過呀!

假期裡去了圖書館，剛好見到大少奶的三本書喎! 即時借!

其實我沒有好深入地刨大少奶的 BLOG，只係知道她教的食譜都比較簡單易做。

原來大少奶成材前都是同我一樣對家務係零知識架!! 是名副其實的大小姐…

所以我相信我都會有一日會照顧得頭家妥妥當當架!! 等我!!

在這個假期裡面我同大 C 不停咁宅住咁放血…放到一地都係血呀! 不過我哋都深信是投票來的，加油加油!
剛好又到月頭就要好好哋做點理財功課，條數真係愈來愈難計呀…不過我深信涯多陣就會好…

到了假期的最後一日，我覺得不可以再宅在家啦!
一大朝早去了做 yoga…之後在 physical 一邊看日本雜誌一邊敷面膜…
之後又去了做師奶，在街市買毛巾買生果，回到家再悠閒地吃午飯和睡午覺。

不用趕時間，無目的地過日子，原來好 relax!
不過，一個人走在街上，我覺得有點寂寞呢…如果要做一個全職師奶應該都幾悶!

叉足電啦…明天要乖乖哋作戰啦!