muji 無印香薰加濕機

忙到暈的日子，我又再一次冷落這裡了!

剛過的結婚週年紀念+生日，收到老公送的 muji 香薰加濕機，真係超級開心呀！

真心推介這部加濕機，霧化效果極佳，而且香薰味都好出！

之前有同事買完用過已經極力推介我買這部加濕機，去門市睇過實物後真係好心動，但真係好貴呀，100ml 要 $490, 而 350ml 係要 $790 呀!

霧化效果真係好好…以我這個有濕疹 ( 係呀, 西醫話我唔係牛皮癬只係濕疹咋... 遲啲再開一篇新 post 詳細講... ) 的人，保持空氣濕潤真係好重要!

雖則我係一個讀香薰的人，但真係好慚愧，我買極都係 cheap 雞香薰機，或者直接把精油滴在枕頭、衫等使用…一直都唔捨得買部似樣的香薰機…其實買一個 cheap 香薰機都要百幾二百蚊，用幾個月就要換，又或者唔可以用純精油，如果買細 size $490，兩部 cheap 嘢都回本架啦喎!

老公依份禮物真係夠哂貼心! 抵錫! 等我每晚都用唔同香薰，大家都瞓得好啲，心情都好啲!

不過唯一唔好在，係買蒸餾水都買到窮呀! 哈哈!