荃灣 Beans

相信好多住荃灣的朋友仔都有留意到 hit 了一輪的 beans…

想試好耐…但是見到條人龍就放棄了。

不知是否因為在隔離多開了一間分散人潮…今日居然只需排兩張枱大約15分鐘就到了。
終於一嘗所願試到了…順便慶祝肚子裡的囡囡明天八個月的生日…

飲品先到…我點的是黑糖薑母茶…味道好鐘意呀! 而且又唔會太甜…好啱孕媽媽在冬天裡飲用。



老公點的是凍咖啡…不過有點失望…這個我沒有試…聽聞好苦喎!

再來…是忌廉汁蟹肉蟹棒意粉 ( $78 ) 意粉煮得啱啱好…煙煙 un un 好好味…而且忌廉汁又唔會太膩…蟹肉和蟹棒都不過不失…只嫌份量少了一點唔夠喉呀! 

焦糖單骨雞翼 ( $42 ) 甜度剛好呀! 而且上碟時仲好熱辣辣…好香呀! 單骨雞翼都食得好方便…不過有兩隻雞翼size細得好過份…又係唔夠喉呀!!

再上桌的是加餐的蝦餅 ( $15 ) 好抵食呀! 好鐘意 Beans 所有食物都是熱辣辣的。

最後到的三重芝士三文魚薄餅 ( $78 ) 這個絕對是老公點俾囡囡食的…因為有芝士和三文魚…對於一個芝士狂熱份子嚟講…芝士味都算ok…但可以再濃啲! 而三文魚份量都不少…但略嫌鹹了少少，好在批底都做得幾好味幾脆口呢…

值得一提的是…全店免加一喎! 依餐只係 $213 埋單…就試到咁多款食物…都幾抵食呢。

孕期只剩低個多月…真係要多享受二人世界拍拖食飯的時光…