馬油

連媽媽都知道我鐘意天然嘢，又知道我好少睇副刊，見到係講馬油就剪低俾我。



原來係出自 Yoko Tsang 的專欄，不過出自哪一份報紙就唔知啦…

馬油多用途

馬油有眾多使用法：

深層嫩手 : 想解決手部皮膚乾燥、預防倒刺、亮澤指甲，建議每星期於磨砂去角質後，厚塗馬油，然後戴上手套20分鐘當作手膜。

對抗粗糙：沐浴後，把握皮膚微濕軟化之時，將馬油直接塗抺在特別乾燥粗糙的部位，如手踭及腳跟。

唇部修護：馬油天然無添加，可以作唇油使用，提供足夠滋潤助以減淡唇紋；也可作唇膜，以棉花沾上暖水拭抹軟化皮膚，然後厚塗馬油在乾裂唇上，再覆蓋保鮮紙；待三分鐘後撕走，毋須清洗。

頭髮滋潤：在洗髮前，用馬油按摩頭皮及髮絲，停留約20分鐘後，用洗髮水徹底潔淨，有滋潤妙效。

卸除粧容： 取適量馬油塗抹在乾面的化粧部份，以打圈方式配合按摩兩分鐘，再加水稀釋，然後以洗面乳把臉潔淨便可。

哇…唔講唔知，原來馬油真係有咁多用途喎!

不要以為馬油咁貴，有馬油成份的產品都會好貴。

其實一支馬油 hand cream，只不過是 12 元 ( 以前只是 10 元而已 ) 在吉吉島的 living plaza 有售。其實開頭我都不大相信12元的馬油 hand cream 可以有幾馬油…但是有用就可以了!



細佬一到冬天潮濕的日子，雙手就會甩皮，嚴重時更加會成隻手損哂… ( 但最主要係因為佢手多走去搣啦! ) 不過這一支馬油 hand cream 醫返佢呢! 因為價錢便宜，所以不需要慳住用，細佬睡前厚塗再帶手套，第二朝起身已經會好返好多。



而我呢，一直都好討厭塗 hand cream 的，因為好討厭搽完 cream 之後洗手，那種滑山山的感覺。 就算幾鐘意 J 字頭同 C 字頭品牌的 hand cream 味，我都可以三年都用不完一小支。



不過用上這一隻馬油 hand cream 後發現的確不算太油喎! 價錢咁便宜，慳妹如我都好捨得豪搽呀!



而在我認識香薰之後，就更加在 hand cream 上加了幾滴精油，出來的香味我覺得仲正過 J 字頭 $3xx 一細支的 hand cream 呀!



我就最喜歡加上數滴玫瑰天竺葵精油或薰衣草精油，這兩種味道 J 字頭都有出呢!



不過，再順帶一提，舊包裝的馬油 hand cream 是比新包裝好的。

舊裝未必經常有貨，我一見到就會入幾支做定 replenishment 呢!