蘋果醋當護髮素?

我們用洗頭水洗完頭之後就會用護髮素洗多次，咁點解要用護髮素洗多次呢?

因為洗頭水的 ph 值大過正常頭髮的 ph 值，洗完頭後，ph 值就會升高，頭髮表層的毛鱗片就會因頭髮 ph 值升高而張開，在毛鱗片內的污垢先可以清潔到。

但當毛鱗片打開時，頭髮摸落就會覺得好「鞋」，所以就要用護髮素平衡頭髮 ph 值，令毛鱗片閉合起來和令頭髮保持在微酸性的最住狀態。

其實依個用護髮素依個 step，可以用蘋果醋來代替，頭髮一樣能更柔軟滋潤。

蘋果醋、或新鮮檸檬汁的微酸性就可以好天然地令頭髮保持在微酸性的最住狀態。因為 Double C 的頭髮都比較扁塌，我們的髮型師都建議唔好用咁 creamy 的護髮素、甚至用好似依啲免沖洗的護髮噴霧。

而DIY微酸性「護髮素」又點整呢?

材料有
蘋果醋 5ml
清水 1杯
檸檬/檀香/依蘭精油 3 滴

依個「護髮素」可以在洗頭後用來清洗頭髮一次，或者用噴樽入住噴落頭髮。

好方便易整呢! 真係要試吓…

DIY 精油洗頭水

在 WHO'S unscented 的洗頭水和護髮素，加上精油，就可以變成最適合自己的精油洗頭水和護髮素

因為 blend 好的洗頭水要盡快用完，所以一次溝 20ml …加入二至四滴精油就夠了!

而用咩精油呢? 如果只可以揀一種精油，迷迭香一定係不二之選呀! 因為無論乾性、中性、油性髮質都ok，可平衡頭皮的油脂分泌。用來按摩頭皮，更可減少掉髮和刺激頭髮生長，增進頭髮光澤。

所以，溝洗頭水時可以以迷迭香做鐵腳，再以不同的特別需要再加多一至兩滴其他精油…

如果想頭髮保持濕潤，可加入甜橙精油。
如果想染過的頭髮更靚，可以加入檸檬。
如果頭髮稀薄或者想減少脫髮，可加入快樂鼠尾草 / 薰衣草 / 雪松。
如果有頭皮或頭痕，可加入茶樹 / 雪松 / 廣藿香。
如果頭痛開叉受損，可加入檀香 / 依蘭依蘭。

如果覺得洗頭水太乾，可以加少量底油，其中椰子油對頭髮就最好啦!

SLS / SLES 有咩害處?

上一篇咪講到去咗 who's 買 SLS / SLES free 的洗頭水! 咁究竟依兩樣嘢係咩? 對人體有什麼害處?

SLS ( Sodium lauryl sulfate ) / SLES Sodium laureth sulfate 都是去脂力很強的界面活性劑，之所以廣泛被應用在洗面/淋浴露/洗頭水上，所以洗淨力和起泡能力好，而且最重要係價格便宜。

之但係，有 SLS / SLES 成份的洗頭水會過度去油，易洗去頭皮天然脂質，而令頭皮好乾，鎖水力下降，而且刺激性比較大，所以洗頭水咪會好 la 眼囉!

我屋企用開的 head & shoulder 同 Rejoice 洗頭水，都係 SLS / SLES 都有齊的呢!

而護髮素是沒什麼泡的，果真係冇 SLS / SLES 喎!

為了減低洗頭水對頭皮的刺激性，都係用返 SLS / SLES free 的洗頭水比較好，但就要先克服「少泡=唔乾淨」的觀念先啦..

Who's 全場七折(最後四日)

其實真係有啲 out 啦…who's 七折其實由 6/25 已經開始做，until 7/22，但我星鈅三行過見到延長至 7/31，即時又去睇吓啦!

其實我沒有試過who's的香薰油，因為好多人講who's係大陸出品來的。而且我識 who's 的年資比較短，要買的香薰油其實都買得七七八八。唯一我會買的，是很多人都讚的 SLS free 洗頭水和護髮素。

正價時已經忍唔住買了，其實正價都只不過是 $38/200ml 都唔算貴。不過呢，撞啱有7折, $26.6/200ml 就勁抵啦!都未輪到開嚟用，見難得特價都要掃定呀!

我自己就選擇了無味，因為可以自己溝香薰油，嫌麻煩的話，我記得 who's 都有加了茶樹的洗頭水賣呢!

不過早在兩星期前在九龍塘店護髮素已經斷貨了，反而洗頭水就仲有好多貨。好在星期三俾我在荃灣見到最後三支，即掃哂三支啦!

雖然只剩四日，但大家都仲可以把握最後機會勁掃呀!

下次講吓有咩精油可以加落無味洗頭水度啦!

粟米片外的選擇

之前咪提過粟米片既…( 回顧可參考引用.. )但其實食得多粟米片都幾悶架呢…

屋企不是經常有買奶，有一次好想食粟米片，於是拿了原味的乳酪來食，原來勁好味的呢! 令我想起去旅行時的 buffet 早餐呢…

近來在百佳看到這一款 blueberry cereal，一見到 blueberry 我就雙眼發光啦!

不過價錢都幾貴，特價完都要 $52.5，相對老虎仔粟米片只是二十幾蚊，最後都係唔捨得，買返 cheap 嘢食算啦!

上星期 jusco 感謝日，俾我見到減價減到 $38.9 仲有九五折，好開心呢! 即時買了一盒。2013 年 2 月先到期，雖然才剛買了一盒老虎仔，但買定都 ok 呀!

上次去百佳超級廣場見到勁多類似的 cereal，超吸引。
但一時間點食得咁多，先影低之後再一隻隻買來試啦…


這一款，本來就已經放了入購物車啦…蘋果+玉桂，好好味的配搭呢!

喜歡食香蕉的，這個士多啤梨+香蕉的配搭應該都唔錯。

這個雜果+nuts的配搭應該都不會太差，應該幾有咬口，價錢亦都不錯好貴，值得一試。

這個標榜 no added sugar，減緊肥的話應該都啱食…

真希望吸引的早餐可以令我戒到唔食早餐的壞習慣啦!

給精油最合適的家

大家知道精油應該存放在哪裡嗎?

一般的精油放在陰涼、曬不到太陽的地方就可以了。而揮發性高的精油，如檸檬、甜橙精油我會放在雪櫃延長保存時間。

最簡單直接呢, 就是放在抽屜裡。



不過，我就試過放檸檬精油在公司的抽屜裡，不為意地打翻了。精油從滴管裡揮發出來，一打開抽屜就聞到超香的檸檬味，但就只剩低一個只剩十分之一的精油的樽，好肉痛呢! 所以以後我都把放在公司的精油放上枱面以保安全，抽屜經常開開關關，精油樽真的好容易打翻呢。

近來我就專登買了一個木盒仔來放我的寶頁，好精美呢!



這個是木盒仔，聲稱是松木的。這個是最大SIZE, 有23格。

哇…可以放得好整齊呢!

之但係…唔夠放哂我啲寶貝入去呢! 惟有放棄層隔…



雖然冇咁整齊，但總算可以一盒搞掂!

一百幾十蚊可以給精油寶貝們一個最合適的家，精油保存得好，保質期亦都可以延長，慳妹都話依啲錢投資得過呀!

懶人用花水的方法

我一向都對玫瑰花水情有獨鐘，又香又保濕。Kobashi 是我的首選，大大話話都 keep 住用了兩三年啦!

我會用來做 toner、沾濕在化棉棉敷面、整 cream 時代替清水加入 cream 裡加強保濕。

Miss 教了我們兩個好簡單方便又啱哂懶人用花水的方法。

方法一
噴花水在手心，滴1滴基底油，就可以做成保濕精華，超方便又保證新鮮呀!

方法二
將10ml 花水倒入容器中，再放入一粒面膜紙，一張超天然的 paper mask 就做好啦!
不過最好不要敷多過15分鐘，感覺到就快乾就要除落嚟啦!

夏天把花水雪凍敷上面真的涼透心添呀!

飲花水?

在分享會中，MISS 準備了好正的花水給我們試飲…

花水帶一點荔枝味(?!)... 原來 MISS 在1公升水中加入了 10ml 白玫瑰花水…

一路聞住好清香的玫瑰+荔枝味，真的好 relax 呀!

但我真係唔係幾捨得呢!

敏感肌 - GLA 亞麻籽/亞麻油酸

上星期去了聽 MISS 講關於敏感肌的分享會。

等我 summarize 一下當日學到的新知識啦! 因為我都怕我之後會忘記呀!!

今日先講一下GLA 亞麻籽/亞麻油酸

含有最多GLA 成份的，一定是琉璃籽苣油 ( Borage oil ) 含有 22% GLA 呢! 其次就是月見草油 (Evening Primrose oil)。

不過這兩款油都比較油，建議用量 10% 就夠啦…

即係點?

如果要做最簡單的10ml 面部按摩油，份量就要咁配…
9ml 荷荷巴油 (夏天) / 杏仁油 (冬天)
1ml 琉璃籽苣油 / 月見草油

真係好簡單呢!!

而另一條好正的抗衰老 formula 就係咁...

琉璃苣油 2%
玫瑰籽油 10%
甜杏仁油 80%
小麥胚芽油 5%

 而香薰精油方面，敏感肌可以用1滴羅馬洋甘菊 / 德國洋甘菊，如果頂得順的，德國洋甘菊功效是比較顯著，但真係好鬼難聞…

亞麻油酸對敏感肌和抗衰老都有好好表現，我發現原來媽咪食開的 OMEGA 3 6 9 都有喎!!
等我跟佢食先…內外夾攻，一定掂。

恭喜，我拎到 AE 送出的 $100 COUPON 啦!

上次講起登記完 AE 的新推廣後，在超市簽賬5次就可以收到 $100 COUPON 回贈。

事隔一個月，我已經簽夠 5 次 $100 以上的簽賬，前幾天收到電郵確認，10 星期後就可以收到 coupon。

仲未登記的, 把握時間啦…
https://enroll.amexnetwork.com/HK/zh/HKFastPayJune2012/

真係勁防水!!

實在係超低能勁白痴。
之前講過在化妝學校買了支眼線筆。
http://blog.yahoo.com/doublec-talk/articles/589680/category/Double+C+%E6%84%9B%E5%8C%96%E9%9D%9A%E5%A6%9D

不過，我畫過一次返工就怕怕啦…其實是我對化妝實在太無知，當天只塗了防曬，在眼周塗了遮暇，碎粉都沒上就直接畫眼線了，到了中午已經變了熊貓眼，從此支眼線筆就在我的手袋暗格偷偷跟住我，但我卻完全漠視它的存在! ( 對, 我是沒有用化妝袋的習慣呢，因為我根本連潤唇膏都唔帶出街的~)

今朝在公司做做吓嘢，發現電話殼和枱面都有黑色的污垢! 我立刻想起昨天見過支眼線筆在袋底。

=.= 果然不出我所料！眼線筆蓋甩咗！

於是我就嘗試用水抺甩手機上和枱面上的污垢，發現抺到紙巾就快爛都沒有半點起息喎！

真係好防水！

即是我要把卸妝油回公司抺枱啦！OMG!

HK$19.9 換購 Avalon 350毫升迷迭香沐浴露

早幾日喺 Avalon Organics 個 FB page 度見到沐浴露又做特價啦…好在做到7/19，仲有時間去掃貨!
不過邊啲係「醫學美肌產品」呢? 一聽到依個名，就覺得好似會好貴咁呢!

優惠情報﹕ 凡於指定屈臣氏購買任何醫學美肌產品，即可以HK$19.9 換購350毫升迷迭香沐浴露(原價HK$34.9)；數量有限，換完即止。優惠期至7月19日。快D去指定屈臣氏入貨，迎接夏天的來臨啦!

IHERB 到貨了!

哈…今次好快呢! 用 international airmail 6/18 落單，6/30 就貨到啦…

今次的確係超抵，用到盡所有的優惠! 用了一個全新的 account 去落單，可以減 USD5, 而我第一個 account 都有回贈 USD2.x…
折實貨價 over USD40，不超過 4kg，用 international air mail 的優惠運費只是 USD4，變相免了運費之餘還有 USD1 賺喎!

今次買到好盡的 3.9KG，所以有咁大盒!

一開箱發現都包得幾整齊幾靚仔呀...但啲一樽二樽都幾大得幾誇張喎!

點解會有個雞蛋盒o既?

原來，係入住支洗頭水，好細心呢!

我好傻仔忘記了選 free sample，好在都送了包茶給我，還有一包軟尺…

今次就買了這些…其實跟我的 wish list 好大出入喎!

下次再 details 講我買的是什麼東東...

瞓覺的學問

好多年前已經聽過大S講過的美容覺 : 11點就上床瞓覺。

其實我的中醫都有 force 過我要盡量 11 點前瞓，身體才能養得好。我當然反駁話太早啦…咁樣即係我每日返到屋企就係瞓?
中醫話 : 結咗婚，身體就唔係只屬於自己一個架啦，係成個屋企都有份架啦! 我唔理你有幾多嘢要做，11 點一定要爬上床休息，就算瞓唔著，都要熄哂燈瞓低平靜落嚟等身體休息。你啲嘢未做完，咪早啲起身囉，總之 11 點至 5 點就一定要休息。

不過，我依啲夜鬼，十二點瞓到都偷笑啦!
好多時食完飯回到家都已經 9 點幾，要趕 11 點前瞓就真的要一回家就立刻準備瞓，真的好困難呢!

近來見到這個「人體器官夜間工作時間表」，又諗返起中醫跟我講的說話，跟這個表講的都幾吻合。


感覺近來身體又開始變差了，真的應該要重新再注意一下。

但…要把晚上的黃金活動時間，shift 至第二朝早上，我應該會變咗一個阿婆!
嗯…不如試吓一個星期試三日先啦!

預告 : 大C中香薰毒

大C近來生了大大小小的暗瘡在面上，

於是我就提議用茶樹精油直接搽在暗瘡上。剛好又 join 到 Kobashi 團購，就幫她買了一支茶樹一支薰衣草精油, 自己就買了一支想買很久但唔捨得買的杜松精油， 減肥去水腫一流架!


香薰星期四到咗大C公司，於是她就急不及待拿出來試，效果超快， 而且正式可以宣佈 : 大C都中埋香薰毒啦! 耶~~~~~

有幾勁? 等當時人自己講啦…有說服力好多呀!!

等你呀大C~ 你會救返好多有暗瘡煩惱的姊妹架!

上次我過界講化妝，今次到你過界講香薰啦…