金盞花浸泡油

哎呀! 又好耐都冇更新啦!

近來都係忙於返學…忙於玩…見朋友…當然仲有準備寶貝囡出世既大小事宜啦…

因為我同老公都是有皮膚敏感的人…甚至連奶奶都有濕疹! 所以囡囡都應該無可避免地遺傳到敏感皮膚的了! 所以近來都在研究有什麼可以準備定第時俾囡囡用! 還專登在台灣訂了這本書來研究呢!

第一樣想到的…就是浸金盞花浸泡油。因為浸都要浸起碼一兩個月…所以要早一點準備。

首先…在 ikea 買了一個玻璃闊口樽…

後來發現原來要買到比較高質素的金盞花都不是一件容易的事。
好在…有同學仔幫手周圍搵…好不容易才在太子才買到歐洲入口的…而且價錢亦不算貴好多…起碼用得安心啊~

再在惠康買了一支 cold extracted extra virgin 的 olive oil. 自從學了香薰…每次去超市都會跑去睇有沒有冷壓的植物油賣…

而這個品牌近來出現在我家樓下的惠康仔…其實原價一點也不便宜…但…長期有特價喎! 之前1L 特價賣 $62.9, 昨天我買 $58.9 而已。

不過真係要留意…一定要買 cold extracted extra virgin 這一款呀!

依隻平幾蚊既唔係 cold extracted 架…

材料就只有這三樣…一切準備好就可以開工了。

首先…先洗乾淨濶口樽…之後放進焗爐烘乾消毒。( 哇…原來個焗爐咁 dirty.. :p )

之後…把金盞花倒入樽。本來我仲以為兩包 30 克的會不夠裝滿一樽…但放完一包落去都已半滿了。

我又貪心多放了五分一包下去。

最後…1L的油根本連蓋過金盞花都不夠。我估…1L油加入 30 克金盞花應該就差不多了。Miss 教我…油只需蓋過金盞花多少少就可以了。而且花會索油…之後可以再加更多的油落去。

現在明顯不夠呀! 

惟有拿拿聲再去買多支油，起碼要加到這個份量呀! 之後如果油索哂…再慢慢加落去啦…

雖然…各大賣香薰底油的地方都會有金盞花浸泡油賣…但媽媽為 BB 親手浸的…始終唔同…可能療效更好架!

各位媽媽都不妨自己浸吓呀!

Saturday Tea

近來的星期六都要在銅鑼灣看舖，老公有時會過來陪我，我就會請佢食 tea，super sandwich 的 tea set 價錢唔貴但又多選擇，又坐得舒服，所以連續幫襯了幾次呢！

今日老公遲放工過唔到嚟，午餐只好自己搞掂！超難食的茶餐廳無益外賣都要成三十幾蚊，見無咩生意就對自己好啲去歎個tea吧！

平時同老公食，怕佢唔夠飽多數會叫公司三文治，不過今次自己食，叫個輕便的蜜味火腿 菠蘿 芝士飛碟 + 熱檸水就好了！

 

相比食開的公司三文治…我覺得飛碟更好味喎! 因為我鐘意比較軟身的麵包三文治…而 super sandwich 的三文治應該要烘過底所以比較硬身。 

而這個火腿芝士菠蘿飛碟更是我杯茶…半溶夠份量的芝士同火腿永遠都是好拍檔…加入菠蘿口感更見豐富…

下次要試埋牛角包 tea set 先得呀!

荃灣 Beans

相信好多住荃灣的朋友仔都有留意到 hit 了一輪的 beans…

想試好耐…但是見到條人龍就放棄了。

不知是否因為在隔離多開了一間分散人潮…今日居然只需排兩張枱大約15分鐘就到了。
終於一嘗所願試到了…順便慶祝肚子裡的囡囡明天八個月的生日…

飲品先到…我點的是黑糖薑母茶…味道好鐘意呀! 而且又唔會太甜…好啱孕媽媽在冬天裡飲用。



老公點的是凍咖啡…不過有點失望…這個我沒有試…聽聞好苦喎!

再來…是忌廉汁蟹肉蟹棒意粉 ( $78 ) 意粉煮得啱啱好…煙煙 un un 好好味…而且忌廉汁又唔會太膩…蟹肉和蟹棒都不過不失…只嫌份量少了一點唔夠喉呀! 

焦糖單骨雞翼 ( $42 ) 甜度剛好呀! 而且上碟時仲好熱辣辣…好香呀! 單骨雞翼都食得好方便…不過有兩隻雞翼size細得好過份…又係唔夠喉呀!!

再上桌的是加餐的蝦餅 ( $15 ) 好抵食呀! 好鐘意 Beans 所有食物都是熱辣辣的。

最後到的三重芝士三文魚薄餅 ( $78 ) 這個絕對是老公點俾囡囡食的…因為有芝士和三文魚…對於一個芝士狂熱份子嚟講…芝士味都算ok…但可以再濃啲! 而三文魚份量都不少…但略嫌鹹了少少，好在批底都做得幾好味幾脆口呢…

值得一提的是…全店免加一喎! 依餐只係 $213 埋單…就試到咁多款食物…都幾抵食呢。

孕期只剩低個多月…真係要多享受二人世界拍拖食飯的時光…

鈎 headband

又要講多次…生女真係好大件事呀!!

細 C 終於都考完試…同囡囡講好了…11月要多放時間陪佢…仲要好好休息一下…突然同伯娘齊齊都想學鈎嘢喎! 其實想學好耐了…鈎出來的織物真係靚過織好多架…

我已經急不及待叫同事帶我去買定了靚靚 bb 冷打算鈎被仔…

仲幫我揀好一個易鈎的 pattern 

同事好好…仲話教我添…希望快啲有得學就好啦…

今日要去檢查…朝早在家沒事做在 youtube 見到可以學織 headband 喎! 我正想敗啲 headband 俾囡囡呀! headband 又比較快完成…看似又不是太難…

又要去買啲粗冷嚟試先…


這個 bb 版用幼冷都幾靚喎!!

重返 iPhone 懷抱

近來的炒 iphone 熱潮開始減弱了…大細 C 都從中賺了一千幾百零用錢…

我倆都打算換 iphone 呀…細C就為了可以幫 leen leen 影靚相，大C就為了影 job 相…其實大家動機都好認真架…哈哈

我們之前一齊去睇過實物…都覺得 iphone 6 plus 實在太大部了…所以都打算買 iphone 6 就 OK 了…而且…銀色真係好靚呀!



不過暫時都有少少難訂喎! 我們都脫離 iphone 行列都有兩三年了…就在等機時我們溫故之新吧…

http://www.iphonenews.cc/2014/09/iphone6-tips.html?m=1

椰子油肚肚膏

自從有了囡囡之後…與身邊的孕媽媽或新手媽媽朋友特別好傾…不過呢…我同結婚時一樣…很少上 forum 找同期的 B2B 或者準媽媽交流…真係連 esdlife 和 baby kingdom account 都冇開呀!

因為我身邊的朋友都好好…知道我忙到極點…有什麼消息都會通知埋我!

不過我都有報恩的呢…就好似 leen leen 朋友仔 Dennis 的媽媽…是我的大學同學的老婆…本來都只是在他們婚禮上見過面而已…但大家都因為懷孕而變得熟絡…感覺就好似多了一個好朋友呢…

Dennis 比 leen leen 早一個月出世…所以去聽什麼講座呀…要買什麼呀…邊度特價呀…自己有什麼唔舒服呀…我們都會互相交流。

早幾日 Dennis 媽媽說肚肚好痕而且肚底勁爆紋…現在搽完 olive oil 仍是痕癢難當…

於是我就建議不如試一下用椰子油啦…對止痕有用的。不過我自己就沒有親身証實過…難得有白老鼠親身証實…yeah!

對於現在極乾燥的秋天天氣，之前 blend 給自己的肚肚油在夏天時覺得夠潤，但現在都變得太爽身了。於是我又研究了新的肚肚cream…

材料如下
椰子油 35ml
甜杏仁油 20ml
bee wax 20g
shea butter 2 匙
橙花精油 5  滴

先把所有材料隔水加熱…等 bee wax 全部溶哂就可以熄火了。

由於燒杯依然好熱…心急的我唔想等呀…就把燒杯放於在裝有室溫水的大杯上降溫。由於我是第一次用 bee wax 來整 cream…其實都沒有太大信心…但都即管試吓啦…

隔了一陣…發現開始有少少變硬喎!! 於是就用玻璃棒攪拌…真係變到 cream 狀喎!!!

極度開心呀!!!! 這是完全天然的 cream cream 呀!!
第時可以做給 leen leen 用啊…

我自己試用過就覺得好舒服又易推…所以都好滿意…
淡淡的椰子油味好香呀…不過感覺就好似蝕咗 5 滴橙花精油囉…因為俾椰子油蓋過哂啲味…

希望都可以解決 Dennis 媽媽的肚痕同爆紋問題啦…

如果有媽媽有相似既妊娠紋問題…都可以留言…睇吓我幫唔幫到你解決啦…嘻嘻…

新開始

明天…是一個新開始了。

懷孕後…繁忙的工作變得更有壓力。工作永遠做不完，做不完就要加班…日日 830 都面不改容，回家是但解決晚餐就掂了。

但現在呢…為了 leen leen 多了回奶奶家吃晚飯…多啲湯水多啲住家飯…生活健康一點嘛!

但是要回奶奶家吃晚飯…都會帶來不少壓力…雖然屋企人都好好…明白我工作忙夜收工…都叫我唔駛急…等埋我夜啲食飯都冇所謂。但是…成村人等我一個我又於心不忍…

唔 OT 又做唔哂啲嘢喎! 有時產檢放了一天半天假後…工作就開始落後了…

日積月累…日日收到很多投訴…多到老闆都嬲嬲了!

剛好公司有大規模的 job rotation…明天開始終於手頭上的沉重的工作被抽起了…
而我亦都只剩下兩個多月就放產假…公司都希望我轉戰後勤工作，放完產假回來再安排新工作。

阿Q精神同我講：我終於都享受到大肚帶來的福利了。終於都可以了放低壓力、準時收工專心養胎了。

俾著以前的我…我一定會覺得好唔開心…甚至應該會即時 resign…

但現在有了 leen leen…心態真的改變了…一切都想為囡囡設想多一點，反而覺得這個安排其實對我是最好的…提早交接工作…之後就可以無牽掛地享受10星期的產假了。放完假回來會怎樣…who knows?

等我好好安排吓未返學、又可以準時收工的這個十月…每個晚上要怎樣過呢…

近來得閒少少…又身痕痕整 skin care 啦…還在研究 leen leen 第時用的 skin care…我要重拾返自己香薰治療師的身份呀!

慳位地收好床單 + 五分鐘換被袋

細C有舖買床單癮的呢…見到有靚床單就會忍不住買…所以屋企都有好幾套床單 + 被袋呢…

開始要執屋騰出空氣迎接 leen leen…無意之中見到這個收好床單的小方法…同大家 share 一下吧。



結婚幾年…我依然不是一個稱職的師奶…

成日都覺得床單的橡筋好麻煩…成日都唔知點摺先會整齊。而且次次拿出來用時都是皺巴巴的…

而大肚之後換坐單這個工作更加不是我工作啦…

但睇完上面 video 之後…立刻把被老公洗完就塞入櫃的床單拿出來整理一下。

果真是又整齊又慳位呢…一個枕頭的空間就可以收好一張四呎半床單、一張 queen size 被袋、兩個枕袋了…

上面個 video 太快嗎? 可以參考埋下面這個…異曲同功但更加詳細簡單…尤其鐘意 video 前半part亂塞床單的片段…exactly 係我哋之前的情況呀! 哈哈…

新手師奶真係要試吓啊…慳位又整齊…可以繼續買靚床單啦…哈哈!

順手 share 另一個我都覺得好好用的五分鐘換被袋 video 俾大家…以前要同老公兩個人合力先換到一個被袋…現在我自己一個大肚婆都換到…係咪勁先?

零失敗的朱古力麵包

難得連放兩天假…都沒有安排節目…老公要返工…自己就好好在家休息養胎

昨天效率幾高呢…執好咗個廳…見返張餐枱…可以開始為月尾的補考全力開工啦…

夜晚仲好神心地用差點封塵的麵包機整了朱古力麵包呢…今朝就有早餐食了。

真係要同大家分享一下這個在 facebook 搵到的朱古力麵包食譜…

整過無數次都是成功的，麵包質感好軟熟而且可以大量加朱古力粉或朱古力釘，造出一個極朱的靚包呀。

材料 ( 1 磅 )

1. 鮮奶 180ml or 朱古力奶 190ml (因朱古力奶較杰身)

2. 高筋麵粉 2又1/4杯 (約240g)

3. 鹽 1茶匙 (約5克…我多數都用麵包機送的量器)

4. 糖 1湯匙 ( 約15克…我都係多數都用麵包機送的量器)

5. 牛油 3湯匙 ( 約45克…有麵包機送的量器都可以用就方便好多 )

6. 朱古力粉 20g ( 我會落即沖朱古力粉…一包就28克左右…有時想濃味啲仲會著兩包 ) 

7. 酵母粉 1又1/2茶匙 ( 我好 hea 架咋 落一包3克就算架啦)

9. 朱古力粒(入爐免溶) 30g (係響聲時加入) ( 想濃味啲就落多啲…今次我改了用藍苺乾)

常用的材料換算表

其實真的沒什麼技巧…先把液體放入包桶…之後再加麵粉等乾身材料…酵母就記得要盡量同鹽分開…

三個小時後香濃朱古力包就出爐了!!

今日早上一杯奶…加兩片麵包…再加多一舊雪印芝士…營養真係夠哂啦…要努力幫 leen leen 增返肥先得呀!!

​

25 週的產檢

踏入五個月後…產檢由四星期一次拉長到六星期一次…醫生話 baby 屬於不算細的 size…不過都建議我每日可以多飲一杯奶。

我不是一個很細心的媽媽…覺得自己一直都有食 Materna，五個月後更加多了鈣片…所以一直都沒有刻意飲奶…直至前幾日老公的同事提醒記得多飲奶…BB 出世會白好多…

不設實際的我…立刻有衝動要作最後衝刺飲多啲奶…我要 leen leen 出世又白又滑呀! 依家醫生叫飲都一定要飲啦!

醫生提醒…兩星期後就要開始記錄每日朝九晚九的胎動次數了! 如果少過 10 次晚上就要看醫生了! 不過 leen leen 好乖呢…就算之前我話佢郁少咗但一日都郁到10次架…隻豬仔一個兩個鐘頭應該都郁到10次了! 有時郁少咗…叫一叫佢郁就會彈兩下報平安啦!

今日仲第一次影了4D添…不過 leen leen 有點怕醜…不是在做 yoya 就是用手手遮住了面仔…

就是擰側面…只係勉強影到她的面仔，同爸爸一樣有個肥面珠仔喎…

回家仔細看超聲波的數據…之前產檢 leen leen 每次都比實際 size 大了五日…

六星期冇見醫生…25週3天的她…今次居然只得 24 週 2天…計返之前大了的 5 天…足足瘦了兩個星期呀! 陰公豬囉…怪唔得我同醫生講…QE 醫生話 BB 肚 dum 特別大…醫生話唔多覺啦…

係咪我哋笑佢大肚 dum 笑得多…leen leen 自己在肚肚入面狂做運動減肥呢? ＿

又唔知係咪因為之前病了幾日…近來嫲嫲又少了烋魚湯所以 leen leen 都瘦了呢? 

雖然我六個月既肚似人哋四個月既肚…但體重卻重得比之前多了…六星期前58.7kg…今日已經61.6kg了…重了6磅幾了! 終於都 meet 唔到每星期一磅的標準了。

還有自己開始有一點水腫…帶開的介指都開始除不出來了。

希望體重的增長是來自水腫而已啦!

在網上搜集資料…知道大肚媽媽可以烋紅豆水來去水腫…已經叫婆婆幫手買紅豆旁身以防水腫繼續惡化。

試完話俾大家知紅豆水係咪可以去到水腫呀吓…如果唔係大肚媽媽…可以飲薏仁水去水腫的…不過薏仁比較寒涼…大肚媽媽係不宜食用架…

source : http://www.nutriciaprogram.com.hk/Milestones/Article/2nd_Trimester_Pregnancy_Week_25

[試用] 一試愛上的ANNIE'S WAY 果凍面膜 (下)

遲來的下篇，因為開始年尾旺季有點忙，讓大家久等了！

前篇請到-->[試用] 一試愛上的ANNIE'S WAY 果凍面膜 (上)　

前文說到好姊妹不斷熱推，所以請她幫忙在City Super買了兩隻凍膜來試用，分別是熊果素玻尿酸淨白果凍面膜及蜂蜜深層保濕果凍面膜。

洗面後，試用前先用爽膚水拍打皮膚，提升後續的吸收效果。然後厚敷0.3-0.5mm，個人建議愈厚愈好，每次我也會敷差不多45分鐘才用附送的刮刮走餘下的果凍，刮走後鼻上一些深層的污物立即冒出頭來，超神奇。

介紹一下我的敷面子方法，這個是在網上看到的方法，可以提高效果，而實驗証明是真的，我的頑強黑頭真的有更易走出來，洗完面已經看到白色的粉刺站起來了！

爽膚水後，厚敷凍膜，其實應該在上層加上充滿爽膚水的面膜紙，不過我忘記去莎莎買回家，所以便用麗的化妝棉充面膜紙啊!

試用後用手指輕輕一推，極嘔心的粉刺油脂通通出來了↓↓↓↓↓↓看到了沒有，全部像溶解了一樣！

之前再敷個面膜，皮膚的吸收度更好！熊果素玻尿酸跟蜂蜜比較，兩者各有喜歡之處，蜂蜜很保濕，但是熊果素玻尿酸敷完真的有去黃的感覺，本來黃黃的地方，敷完後有淨白的樣子呢！

很欣賞Annie's Way的小冊子很清楚地說明了有關面膜的功能，大家可以按自己需要選擇合適的面膜！

心絲絲想試埋旗下的PAPER MASK，唔知係咪一樣咁好呢？

甜美仙子製作中

一直也很想拍一些自己喜歡的題材，剛好這次的MODEL也喜歡田園系的題材，所以拍新娘DEMO時就順便玩自己喜歡的妝容。

會設計這個妝的原因其實是因為之前需要考試，主題、用品全部也需要自備，這個頭飾自己設計完便超級喜歡，連MODEL看到也說很喜歡呢( 沾沾自喜中,哇哈!)

考試拍的相片不是自己想要的風格，所以遇到喜歡這個主題的MODEL便立即決定要拍了，而且MODEL超甜美，配搭起來超襯呢！

超期待啊！

恭喜范范和黑人喜得大小熊貓

今天早上見到范范和黑人宣佈喜得雙胞胎「大小熊貓」，真係極度開心呀!

一直都好欣賞這對夫婦對神的敬愛…還有他們的甜蜜恩愛。
追溯返他們的情史…原來我哋拍拖、結婚都是差不多時間做的…我們都是拍拖10年才結婚…同年結婚…現在連生 B 都是同年…

真係好難令我唔瘋狂愛上這對夫婦呢!

希望我們的小baby都健康成長…范范唔好再輪盡跌倒啦!

姊妹JOB @ 愉景灣酒店

要跟大家分享一下這個日出的MAGIC MOMENT，很多人覺得做化妝賺錢很容易，但其實每個化妝師在背後付出的汗水，真的不是一步登天，不過對我來說化妝不只帶來金錢，更為我帶來很多的滿足感和好朋友。

在愉景灣才可以看到這麼美麗的MAGIC MOMENT，3點多起床也是值得的，未開始工作已經很有滿足感了！

待續。。。

實習:Loving Hearts, Loving Bands勵志歌曲創作大賽(Gingko Makeup X Dick Team)

早前有幸參加學校的實習，到ATV拍攝<<Loving Hearts, Loving Bands勵志歌曲創作大賽>>的錄影節目。

自從學了化妝之後，其實真的見識了很多事物，平常人是很難沒事跑到電視台工作的，而且有機會見識一個節目的運作。

這次需要為12隊男女樂隊共6X多個成員化妝，之後再留下補妝直到錄影完畢，髮型則由DICK SIR帶領的DICK TEAM負責。難得有機會在DICK TEAM身邊學習，我也有暗暗地觀察他們做髮型。

現在新郎對化妝的接受程度已經比以前高很多，一般也希望大日子的時候，有人可以為他們做一些簡單化妝及SET頭，這次真的學了不少技巧，剛好可以在月尾的工作應用啊！

20 週的產檢

今日 Leen Leen 20 週生日了! 本來星期四的產檢因為公司臨時的會議和醫生突然要早走…被迫要改遲兩日…要足足等一整個月才能見到囡囡…知道要改期真係好失望呀!

不經不覺已經懷孕五個月了…肚肚依然不算明顯…仍然還可以著到大部分的衣服! 不過…當然有一些太貼身的著了不太舒服就沒有再穿了…

今日在醫生裡做簡單的檢查，媽媽的身體狀況都幾好…
糖尿和血壓測試都 pass…
體重 58.7kg，相比四星期前 57.3kg 重了 3 磅。從 12 週開始，每星期重1磅就最標準。我就希望現在先儲 buffer 留返之後幾個月用。

醫生再次 confirm 了…真係 Heileen 來的…九成係囡囡呀! yeah…即時同大 C 伯娘報喜…可以整定夾仔橡筋仔紮靚靚啦…Leen Leen 現在389克…屬正常 size，size 係20週6日…比第一次超聲波計算出來的週數多了5日…跟上個月情況一樣…我估即係生長穩定啦…

今次醫生醒多了好多張寫真呢…不過真係唔識欣賞呢…在照超聲波時醫生仲話阿B摸住自己個頭呢…

今次都問了靳醫生幾個問題…
1. 便秘問題依然頭痛，可以飲橙粉幫助排便嗎?
ANS : 在我掃緊電話 show 相俾醫生睇之時…醫生已經問係咪 Metamucil 了。醫生話原來好多孕媽媽都會飲這橙粉的…選 sugar free 的就無問題了。

2. 要食鈣片嗎?
ANS : 醫生就問我有沒有抽筋? 其實我未懷孕之前夜晚都不時會有小小抽筋的。醫生又問我有冇勤力飲奶? sorry 冇呀! 醫生話5個月後就可以食鈣片了…於是就開了六個星期的份量給我…盛惠60蚊…都算抵呀!

3. 食藻油定魚油DHA好呢?
ANS : 醫生問我一星期有沒有食兩次魚? 有呀! 只要每星期食到兩次1隻手板咁大的魚就可以不用補充DHA了。不過如果一星期食兩次手板咁大的魚又可能唔太夠喎! 而且醫生話食魚比飲魚湯好。不過魚湯對餵母乳有一定幫助…而且我同囡囡都鐘意飲…只要嫲嫲烋我都會繼續飲呀! 由懷孕開始嫲嫲已經一星期煲幾日魚湯過我飲…連煮個烏冬都要整魚湯底…真係飲到厭呀! 所以有一輪改煲骨湯…但係冇魚湯飲又好掛住喎!

不過我都不知道係賀爾蒙還是魚湯的功效…上圍真係進賬了不少，懷孕兩個幾月時已經跳升了 2 cup，真係不得不驚歎從未如此偉大過…但太偉大又不是我的 style 喎…

基本上踏入蜜月期了 ( 其實我都冇辛苦過…:P )
靳醫生的產檢都由之前的四星期一次變成六星期一次…
好在下次見 BB 是在中秋節那天在政府照結構性超聲波…再隔兩日就 book 了在私家照多一次結構幫阿囡留個記念。

期待ing......

source : http://www.nutriciaprogram.com.hk/Milestones/Article/2nd_Trimester_Pregnancy_Week_20?utm_source=WK20&utm_medium=eDM_Journey&utm_campaign=CEM

[試用] 一試愛上的ANNIE'S WAY 果凍面膜 (上)

我身邊總有一兩個好姊妹很喜歡毒我買化妝品、護膚品、美容用品什麼什麼，總之關於變漂亮的東西，通通也會立即跟我分享或者迫我試用，所以滿屋都是美容用品，單單還在用美容儀器已經有兩三部，汗..

今天要跟大家推介的是台灣熱賣的Annie's Way果凍面膜，介紹好物前我一定會自己親身試用了一段時間才跟大家分享的。

這個是我近來的新寵，事關我明乎其實是士多啤梨人，不只鼻子跟士多啤梨一樣，連面額也是好像士多啤梨似的，自小已經是混合性皮膚，小時候又不懂得護理，常常左擠右擠，所以長大後真的很後悔＝。＝

所以大家千萬不要好像我一樣手多多，皮膚一定要溫柔的對待啊～不要用熱水或者大力擠擦毛孔變大了想補也補不了。

廢話不多說，先跟大家介紹一下Annie's Way這個品牌。

靜乙生物科技有限公司自1982年創立, 擁有保養品專業研發, 商品規劃與高品質製造能力, 以及GMP標準的生產流程。2009年Annie Wu創立新品牌Annie's Way。崇尚自然、追求品質的風格，反映在面膜的設計上，精選天然、有效成分，並加入保養概念。為消費者創造出專屬"客製化"的面膜專賣店, 品項即將開發高達100種以上, 各式面膜包含保濕、美白、抗皺、淨痘、舒緩系列，果凍冰晶系列， 其他部位(眼膜、手膜、足膜、唇膜、腹膜、胸膜…etc)

Annie's Way的果凍面膜共有9款, 分別為：

1: 熊果素玻尿酸淨白果凍面膜

2: 意大利紅酒果凍面膜

3: 薰衣草舒緩果凍面膜

4: 蘆薈海藻鎮定控油果凍面膜

5: 蜂蜜深層保濕果凍面膜

6: Q10 滋養緊緻果凍面膜

售價：$125/250ml

7.炭元素瓷淨果凍面膜(ORGANIC)
8.金盞花親膚柔嫩果凍面膜(ORGANIC)
9.蝸牛滋潤修護果凍面膜(ORGANIC)
售價: $145/250ml

請好姊妹幫我買了蜂蜜深層保濕果凍面膜和熊果素玻尿酸淨白果凍面膜。

先給大家看看驚嚇成果，下回分享我的試用XDDDD

Bingo 攻略

慢慢 day back 返懷孕過程先…

其實有追開 Double C's Talk 都知道我一直都有生小 Baby 的意願…其實我自己講都講了超過一年了。

但是…上年轉工後，工作壓力大了很多，又一直受濕疹困擾。因為一直都想媽咪可以幫手照顧小 baby，但又奈何住得太遠…另一方面就係怕經濟上 support 不到照顧多一個人啦…

直至踏入 2014 年… IFA 考完了…只等十一月補考一科，算是清閒一點。又見到身邊好多朋友試足一年以上都沒有好消息，就真的覺得不能再拖了，自問身體又不算特別好，睇怕試一年半載都係等閒之事。

於是就開始食葉酸，但我當然沒有恒心日日食…但叫做有食吓啦…

直至四月去完日本…不知從哪來的勇氣…我們在危險 period 前所未有的隔日就「勤力」一次，估唔到就這樣…就 bingo 了…

至於危險 period 是怎樣計算出來的，其實我都是讀解剖生理學時才知道…
試舉一個例子…m到第一日叫 Day 1, Day 14 - Day 18 就是比較容易受孕的日子了!

不過…當然又不是每一個人的排卵期都這麼準確的。

因為我一直 period 都不太準，遲到十日都是等閒之事。我亦都沒有特別方法去測試自己那一天排卵，只是用 Day 14 - 18 這個 concept 去試… 點知真係試第一個月就得咗喎! 所以…我成日都話…有到 Leen Leen ，真係要多謝 IFA。

另外…婦科醫生教落，隔天「努力」比天天「努力」更容易受孕添!! 我哋不小心做到了這個攻略添…

所以…想懷孕的 buddies 都可以先用這個方法去嘗試懷孕…試兩三個月真係唔得…先再用排卵棒或紙 monitor 自己排卵的情況。不要因為自己 period 不準就抹殺用最醫學的方法去嘗試懷孕呀!

Mama's Tummy Oil + 氹小 baby 入睡的方法

細 C 真是一個懶到出汁的準媽媽…

人家一知道懷孕了就馬上勤力搽肚肚預防妊娠紋…

但我呢…老公都催了很多次問我幾時先捨得調油來幫 Leen Leen 按摩? 我的藉口就是聽說過懷孕太早期不宜太早按肚…

而且…有人話妊娠紋是天生的。當年媽咪陀我跟細佬都是什麼都沒搽的…真的是一條妊娠紋都沒有的…於是…我都覺得我是天生不會有的…哈哈~ 

來到 19 週，感覺到胎動，開始見到少少脹出來的肚肚和有時覺得肚肚有痕癢，我才捨得開始用肚肚油。

讀 IFA 時老師都講過不下幾次…其實妊娠肚皮油易整到不得了。材料只需要甜杏仁油、小麥胚芽油、玫瑰籽油、橙花精油就可以了。

我今次的比例是這樣的…

甜杏仁油 20ML

小麥胚芽油 5ML

玫瑰籽油 5ML

橙花精油 5滴

始終亦是夏天，肚子又未好大…我都以清爽行先…

因為和老公入睡的時間不一樣…好多時都是自己先睡…爸爸回來睡時就經常被吵醒…

試過就是吵醒了我…可能連囡囡都被吵醒了，這幾天開始識彈便不停在彈彈彈…

我多數都會出絕招，輕播古典音樂! Leen Leen 應該是一個好文靜乖巧的小 baby…很喜歡聽古典音樂…

每次一播古典音樂就會平靜到情緒…夜晚睡得特別好。有好幾個星期六爸爸早上出門上班前都開了音樂給我們聽…一睡就睡到十一時了。

有一次真的被吵醒後，精神到不得了…於是就叫爸爸幫手按摩肚肚安撫一下囡囡…

按摩後陣陣橙花味真係好 relax 啊…同囡囡講真係好夜一定要睡了…熄房燈一會兒我自己就真的睡著了…

每天起床都聞到衣服和被舖都是淡淡的橙香味…真係好想繼續睡，心情都好平和啊…

Leen Leen 真幸福…細細個未出世就可以享受香薰帶來的好處了。做香薰治療師的囡囡都真的幾不錯啊~ 十月媽媽帶埋你返學，可能你長大後都會對香薰好有興趣添啊…

BABY 19週的報平安

上兩個星期產檢，醫生告訴我，最快19週就能感覺到胎動。

其實我都忘了就快會有胎動的驚喜！不過爸爸早幾日朝早有摸到BB的心跳，compare 過好似跟自己的心跳是有出入，無知的父母就當係架啦！但 BB 的心跳應該快過媽媽好多，去到每分鐘 140下左右…無聊媽媽有細心數過疑似 BB 的心跳…一分鐘連100下都未夠喎!

可能…只不過是自己心跳或者脈搏而已…哈哈…

直至 BB 19 週生日的這一天…星期六的早上…懶洋洋的攤在床上…突然感覺到肚皮彈了一彈…突然驚覺應該是胎動呢!

趕緊叫爸爸摸吓…不過彈彈真的很微弱而且不規律…爸爸摸不到呢…繼續攤在床上放鬆身體…又感覺到了。

最初期的胎動應該只有與小 BABY 血脈相連的媽媽可以感覺到…連媽媽用手都未必摸不到呢…是我們的小秘密啊。

我有一個朋友仔…懷孕五個幾月小BABY突然沒有心跳…另一個朋友是七個幾月小BABY突然停止生長被迫要放棄…醫學上是找不是原因的…

原來 20% 的胎兒會不能順利出世…百分率一啲都唔低架!

而我的肚肚又一直都未有太大「進脹」…又沒有什麼懷孕的不適…在感受不到 BB 的存在下其實真的有很多無謂的擔心，擔心 BB 其實係咪真係仲喺度架?
直至每月一次的產檢時聽到 leen leen 的心跳才放下心頭大石。

不過依家 leen leen 會每日彈彈來報平安了…神經質媽媽可以放下心頭大石了。

【 ATV 我愛下午茶 - Miss Alice 示範DIY天然洗頭水】

尋日同大家講…miss 上了 atv 教整洗頭水…今日同大家分享吓…
直接跳去17:03就可以睇喇！

睇落真的好簡單…好想整呀!! 等我研究吓可以喺邊度買齊所有材料先…

https://www.youtube.com/watch?v=B8WsL0LKm3E&list=PLj6DF-lXDbzVLha14N3s5mHAMdFt2zzNq


材料有
蒸餾水 55.5g
葡萄糖起泡劑 25g
甘油 5g
玉米保濕劑 5g
維他命b5 1.5g
葡萄糖增稠劑 5g
精油 10滴
精油溶解劑 10滴
天然防腐劑 2g

你的SHAMPOO有毒，你知道吗？

還記得細 C 之前飽受濕疹困擾嗎?

細 C 懷孕後真的好驚會翻發，因為始終中藥西藥都不能亂吃亂搽…就算連香薰都要有所注意

而懷孕期間抵抗力、免疫力都會相對下降，濕疹翻轉頭的機會自然大大增加

近幾日眼皮有少許濕疹發了出來…立刻把手頭上的工作放慢少少，休息多啲! 但真的實在太忙…沒有自己調配「寶品」急救，就用了bb治濕疹的潤膚膏應應急。直至今日見到衣篇文章…我用緊的洗頭水上榜喎!! oh no!!

​

http://tw.gigacircle.com/1254786-1

請不要使用含MI和MCI/MI的產品，請廣傳！

逾60%洗髮產品　含濕疹元凶　
致敏防腐劑MI及MCI　外國籲禁用

最近被指為濕疹元凶、遭世界權威醫學組織呼籲禁用的兩種防腐劑MI和MCI/MI，據《蘋果》統計，本港四大零售連鎖店出售的573款個人護理用品中，多達六至八成洗髮水和護髮素含有該兩種防腐劑。有專科醫生指，近兩年求診病人中，有六成對MI或MCI敏感，情況嚴重，患者應停用有關產品。
記者：梁御和　梁智豪

英國皮膚科醫生協會兩周前警告，近年常用的防腐劑MI和MCI/MI，致敏比率正急速上升，恐會引致皮膚過敏或濕疹大爆發，呼籲禁用。英國皮膚過敏協會會長奧頓更指，目前已有近10%患者對該兩種物質過敏。

沙宣及潘婷有份

MI是甲基異噻唑啉酮（Methylisothiazolinone），MCI/MI（或稱Kathon CG）則是由MI和MCI（Methylchloroisothiazolinone，甲基氯異噻唑啉酮）混合而成。
《蘋果》記者分別到調景嶺的百佳、惠康、萬寧及屈臣氏四大零售連鎖店，查看573款個人護理產品的成份標籤，包括洗髮水、護髮素、沐浴露、潔手液及大眾化的皮膚護理產品。結果發現，近四成產品含有MI或MCI；三成無標示成份，如強生（Johnson&Johnson）、碧柔（Biore）等；三成不含該兩種防腐劑。
其中，洗髮用品最普遍使用MI和MCI，在133款洗髮水和79款護髮素中，多達62%含有關成份，包括大眾熟悉的品牌如Clairol（草本精華）、Head& Shoulders（海倫仙度絲）、Pantene（潘婷）、Rejoice（飄柔）、Vidal Sassoon（沙宣）等；另有17%無標示成份，即合共有六至八成含有MI或MCI。
沐浴露、潔手液、護膚用品（如潤膚露、面霜、面膜等）含MI或MCI的比例雖低於三成，但卻有四成產品無標示成份。其他日常用品如濕紙巾、染髮劑、油漆等，都會使用MI和MCI。
免疫及過敏病科專科醫生鄔揚源指，近兩年的求診病人中，有六成對MI或MCI敏感，「好多都係女士，塊面敏感，呢個情況五、六年前好少見」。他解釋，MCI其實與MI差不多，只是多了氯而已，「大部份對MI敏感嘅人，同時都會對MCI敏感」；而這兩種物質的化學結構，又與甲醛相似，故被當成防腐劑使用。

如脫皮應即停用

皮膚科專科醫生陳衍里也表示，根據臨床診斷，近年皮膚過敏患者有增加，而且不少都與護髮產品有關，「部份病人頭皮痕癢，通常係最近用咗染髮劑，或者係換咗洗頭水，不過做完皮膚測試，又搵唔到致敏源」；而現時本港的皮膚敏感測試，一般不包括MI和MCI/MI。
香港醫院藥劑師學會會長崔俊明呼籲，濕疹或皮膚過敏患者不要使用含MI或MCI的產品；市民使用後如出現脫皮或紅腫等徵狀，也應即時停用。他指，濕疹及過敏是免疫系統疾病，若人體經常接觸致敏物質，有可能激發免疫系統反應，「原本冇（濕疹）都變有」。
除了MI和MCI/MI外，鄔揚源醫生表示，還有很多不同化學物質會致敏，例如以往常用的防腐劑Paraben，自發現可令人過敏後，部份廠商才停用，更推出標榜「不含Paraben」的產品，但「其實只係用咗MCI/MI取代」。

所以DIY手工皂是对的 
白醋洗头发也对的 

嗯…我想起 miss 之前在電視教過 diy 洗頭水喎! 明天同大家分享吓…

最寶貴的禮物

闊別了幾個月…細 C 都返埋嚟了!

而且…仲多了一個新身份…天父沒讓我們等了太久…送我同老公最珍貴的禮物，請改口叫我做「媽媽」…

leen leen 喺我肚肚入面已經 18 個星期了! 如無意外，係囡囡嚟架~

而我，沒有因為懷孕而放慢工作的步伐，反而仲開多更多工作給自己…

因為 leen leen 好乖囡，沒有為我帶來任何不舒服! 沒有嘔過、沒有渴睡，只是食慾沒以前咁好…好快就飽，所以在頭三個月體重不升反跌…

因為我同老公都係敏感人，為了她的皮膚著想，我戒了大部分的海鮮…雖然不知道有沒實質的用途，但都盡小小義務啦~

還有行路行慢啲，脾氣盡量發少啲…就只係咁咋~

老公話這幾日肚肚長大了不少…

​

睇吓我個肚…nude 還可以看到有脹起的肚皮…平時一向喜歡著鬆身衫平底鞋的我…其實身邊都沒有人察覺到我懷孕了…不過我有自己爆出來…哈哈! 去BB展，有職員好驚訝「吓，你有咗架啦? 仲咁瘦既?」我當然就沾沾自喜啦

一直都擔心，會唔會因為我沒有睡得多休息得多，bb會唔會不長肉，所以一直都未見肚呢? 還有點內疚…好在上星期去產檢時…醫生說BB一啲都唔細…還比實際大小多了差不多一星期。只不過我人比較高才不顯肚…才放下心頭大石。都話啦…養兒100歲，長憂99原來係真架!

大 C 這個伯娘就唔話得啦…知道我有咗就處處關心…唔忍心我獨自開餐就陪我食…我想食心太軟又帶我同 leen leen 去食…而不細心的伯伯都幫得就幫，雖然引我食雪糕，但試過專登渣車接我已經夠窩心了!

而老公呢…表現真的令我極度驚喜！懷孕後他對我更加細心…而且處處照顧…日日切好生果只想我食多啲…知道懷孕後第二日已經去圖書館借書回來給我了…而且我沒時間看書…更先自己熟讀…一知道係女，就立刻給囡囡改了  Heileen 這個名字了！　雖然…未知道出世後會否真的選用這個英文名…但依家叫住先啦！

爸爸，你鍚唔錫 Heileen?

好鬼錫!

咁你錫唔錫我?

好Q鍚!

咁你錫邊個多啲?

EQUAL既…因為依家鬼節…所以要用好鬼錫

不過依然不失無聊…:p

以後要好好記錄一點一滴的珍貴回憶…

自然療法：奇異果醫痱滋?

以前十多歲的時候生痱滋，只要過幾天，飲多幾杯涼茶便可以埋口。

但是現在人大了，沒有兩星期痱滋是不會有埋口的一日。（其實同十多歲也不是相差太遠，修復能力下降得太快了吧？=.=）

可能智慧齒生得不好，所以很容易在智慧齒邊長痱滋，而且不論說話吃東西通通也會痛，所以這幾天零食慾啊！試了幾天鹽水漱口，好像是好了一點，但是還是會痛呢。

剛剛看到一個醫痱滋的偏方，就是一次過吃五個奇異果。

其實我是不太喜歡看奇異果的，不過因為每次生痱滋都很痛，而且維持的時間最少也有十日，生痱滋連帶進食也沒有胃口，話也不想多說。

既然是生果多吃也沒有害吧？網上教打成泥直接吃，所以我決定今晚要試試這個偏方，聽說吃了五個奇異果第二天便會好，嚴重的可能要多吃一天。

材料：
獼猴桃5個。

做法：
1、獼猴桃洗凈，對半切，用勺子挖出果肉，放入料理機。
2、啟動料理機，把果肉打成果泥，如果酸就加一些糖、蜂蜜之類的調和下。

首先說下哈，直接吃或打成泥是一樣的效果。
只是現在這個季節的獼猴桃口感比較酸，直接吃我是吃不下啊。
所以打成泥，加了點無糖的果糖喝下去了。
如果正好是獼猴桃成熟的季節，直接吃就好了。
不過當然了，打成泥肯定比直接吃吸收的更好。
就算是反季節的獼猴桃也有效哦！
被口腔潰瘍困擾的朋友不妨試試


Source from 口腔潰爛一次治愈的神奇食療方法！ 必看！看了請分享！不要自私！謝謝！
http://tw.gigacircle.com/504149-1

荷爾蒙失調之暗瘡大爆發(三)---月見草油的成效

終於都吃了兩個月月見草油，最有恆心就是要每日吃一粒勁大粒既油丸！

先說說服後感，剛開始吃的時候，選擇了晚上飯後服用，但不知道是不是腸胃不習慣，隔天早上總會是排油，其實最初沒有發現是油，還以為自己拉肚子，但是又沒有平時拉肚子的感覺，後來看清楚才知道原來是排油。＝。＝

 我想自己是差不多沒有吸收就直接排走了後，就改為早餐後服用，而且也開始沒有再排油了！

首兩星期其實是沒有太大感覺的，又大又硬的瘡還是有的，只是開始沒有一些酒米呀粉刺走出來（因為之前是連額頭這些也會出酒米粉刺再變成暗瘡），原有的硬瘡也沒有再不斷發大。

過了兩星期後，開始感覺到油脂分泌少了，面比較乾爽，而一個月後暗瘡也開始減退了！！！！！ 連我身邊的朋友也說我的暗瘡情況好像有受控制的感覺呀！！超開心啊！！ 給大家看看服食兩個月後的相片啊～！大粒瘡已經回覆平滑了，開始只見到暗瘡印，又因為面油少了，所以再沒有之前的油光滿面啊！

 現在我是繼續每日吃一粒，偶然會忘記要吃，但是只要隔幾天也一定會吃的，沒有停藥啊。

之前試過因為去旅行，又因為肚瀉而連續２星期沒有服用，那些粉刺和白頭好像又有再靜悄悄回來的感覺。嚇得我立即又繼續服用，而另外吃了月見草油後，親戚到時有比較舒服的感覺，而且血塊也有減少了，因為會比以前比較稠啊。

 補充：吃月見草油之前，我有不斷上網看看其他姊妹的FEELBACK，有的說沒有用，也有人跟我一樣是有好轉的，也有的吃完之後可以停藥。所以效果可能是因人而異啊！