來浸腳吧!

久違啦…我真係忙到甩哂轆，好在大C見勢息唔對都連出咗幾篇正嘢。

其實我三月份有三個星期不用上班的，(重點來啦…無返工但有糧出，Double C 的奶奶知道後都不禁話：乜你份工咁筍?)

但係無返工的日子仲忙過返工，日日都有十萬樣嘢等住我做咁…

快活的三個星期轉眼就過啦…做完一日姊妹第二日即時上新工，年紀大真係唔涯得，成個星期都拖著超疲倦的身軀返工返學，真係人都癲呀!

雖然新工暫時都仲未有正式的 duties…但剛換工作環境，自己始終都仲要小小時間去 fine tune…希望新工作可以好快上手啦…

面對疲累同壓力，relaxation 真係好重要，浸浴係一個好好的方法。

不過呢，我自己就覺得浸全身浴比較浪費食水，所以我會比較喜歡足浴。在我腳傷時睇跌打，醫師都叫我有時間就浸吓腳，可以幫助血液循環，對身邊百利而無一害啊~

只要將5-7滴精油加落1-2匙的海鹽中，再溶入水中，就可以享受足浴啦…一邊浸腳，一邊聞住香薰，開埋音樂或者睇吓書，想唔 relax 都幾難啦!

大家有冇聽過 Epsom Salt ( 硫酸鎂鹽 ) ? 其實我都係剛剛上課時才認識它。原來佢好利害呢，有排毒，吸微量輻射和治療肌肉痛等之功效。

好啱日對夜對住電腦的上班族架! 而我一直都知道自己毒素積聚，腸胃唔好，試吓用 Epsom 浸腳都應該幾好喎!

順帶一提，因為 Epsom Salt 可以幫助排毒，加精油一齊用就會有啲嘥料，就咁用就得啦!

在我在想邊度有得買 spsom salt，原來喺 iherb.com 都有得賣喎!!
教我如何不愛 iherb ??? 但係.... 缺貨ing 呀~ 惟有等吓啦…

http://www.iherb.com/Aaron-Industries-Epsom-Salts-Magnesium-Sulfate-U-S-P-Saline-Laxative-1-lb-454-g/27651

Cinthia Trong Hair Tutorial

大C周不時都上YOUTUBE睇片，最近又睇到一個教自己DIY髮型既VIDEO不錯的，所以要介紹給大家！

我想Cinthia Trong 這個blogger未必有太多人睇，她沒有Michelle Phan update得咁密，不過佢教既頭有ｄ都幾容易自己整，如果需要出席宴會或者去飲，其實都可能用得著啊！大家可以睇下再自己試下做，遲下大C都會招募下BLOG友練妝同SET頭，如果大家有需要化妝SET頭，可以問下我有無時間啊^^

Physicians Formula NUDE EYE/ SMOKY EYES/ GEL LINER 開箱文

繼續介紹美國化妝品，這次是PHYSICIANS FORMULA的眼影眼線膠，看了不少評語，也說這個牌子的眼影不錯，見眼線膠又幾平，所以順便一次過訂回家！
收到後便急不及待要開箱，一見到盒NUDE EYES，好靚呀！個盒係真蕾絲黎嫁！超靚！！^_____^

２盒眼影Ｄ色都好靚，試上手都幾滑！

至於GEL LINER呢....肉眼睇好濕潤，唔知係咪真係佢所講咁LONG LASTING呢? 遲下試完話比大家知:)

平價化妝掃 REAL TECHNIQUES (下篇)

之前簡單介紹過不同SET裝裡有些不同功能的化妝掃，這篇會比較下不同的化妝掃的分別。

我會將大約同功能的化妝掃一起作比較。以下會以系列名短寫為名。

碎粉掃（左起私伙掃、POWDER
BRUSH、CC的BUFFLING BRUSH）胭脂掃(左起BLUSH BRUSH、私伙掃)

先說碎粉掃，單看相片，其實POWDER BRUSH同我支私伙掃有得比，毛算多而密，但當然同我支私伙掃既密度都仲差少少！至於BUFFLING BRUSH，就毛較短而少，不過因為呢支掃係用於上濕粉、粉餅、胭脂呢類既化妝品，所以佢細支Ｄ都好正常，如果好似POWDER BRUSH咁大，用黎上胭脂就會好得人驚!!!
至於胭脂掃,可以看到RT的胭脂掃比我的大，其實我覺得RT的用來上胭脂更好，因為SIZE同面形比岩岩好!哈哈,可能我臉大!!

濕粉掃(左起:私伙掃、CC的Pointed Foundation brush及遮暇掃(左起:BOBBI BROWN 、CC的Detailer brush)
可以看到濕粉掃是大小之分，其實大小問題也不大，只是影響塗粉底的範圍，不過好像ＲＴ那支用得更少粉底液。
至於遮暇掃呢..對我來說，大的遮暇掃絶對是方便我這些大黑眼圈的人，小的那支反而不太適合我遮黑眼圈啊！

陰影掃及光影掃(CC的Contour Brush、陰影掃、MAC的光影掃)

其實我是不太喜歡用同一支化妝掃做陰影及光影的，因為光影和陰影是對比的東西，用同一個掃不會有點DIRTY嗎?!而且對比我的陰影掃，它又太細，如果做光影掃反而好像更適合！

前３支是大中細碼的眼影掃，第四支是眼線掃，最後是眉掃

眼影掃其實都不錯，不算太飛粉，而眼線掃也不錯，都算易畫，反而眉掃始終無人能及我支MIOGGI眉掃，因為太軟畫出來的眼眉不夠線條，RT的我覺得不夠硬，未能畫出好的線條啊!

總括來說，其實以這個價錢，可以買到這麼多支化妝掃其實很抵呢!!!整體表現其實不俗，雖然應該不是真毛，但都幾滑，同毛量都算多啊!!!

平價化妝掃 REAL TECHNIQUES (上篇)

大C未學化妝時，投資於化妝掃中最貴的便是BOBBI BROWN的遮暇掃，直至現在也一直在用:)

其他的化妝掃其實也是朋友於生日時送我的護膚品送的一套掃,一直用到我學化妝後，才真真正正買了一套化妝掃，之但係學化妝，最緊要係不時試用新既產品，所以我又做白老鼠啦!!（又比藉口自己買野，哇哈!!!!）

之前買了美國的REAL TECHNIQUES化妝掃回家，看了很多Samantha Chapman的示範短片，覺得這個品牌大路上都係SELL方便同多功能既化妝掃，如果對於一般的試用，其實是很好的，因為不用投資很多錢便可以做到不同的化妝需要。^^

看了很多網評都說RT有MAC/SIGMA的平價掃之稱，自己沒有買過SIGMA，但MAC都有支係手，只是買了支光影掃，已經承惠3XX大元，如果要買齊就真係破產了！！所以一口氣買了RT的CORE COLLECTION（面部）、EYE STARTER（眼部）、TRAVEL ESSISTIALS（面及眼）、POWDER BRUSH、BLUSH BRUSH、STIPPLING BRUSH回來試用，先來介紹一下它們的成員。

RT的化妝掃其實用顏色分類出它們是屬於那一個功能，像金色的便是用於面部粉底／底妝／遮暇，紫色的是用於眼部包括眉及眼影，而粉紅色的便是主要功能用於胭脂。

欣賞RT的化妝包設計，於使用時可以打斜放，方便使用。

CORE COLLECTION一套4支分別係:  Detailer brush 用於遮暇、 Pointed Foundation brush用於濕粉、Buffing brush用於 碎粉及 Contour Brush 作陰影或HIGHLIGHT。

EYE STARTER一套5支分別係: Base Shadow Brush 用於眼影打底或作bleeding、 Deluxe Crease Brush 作大面積或眼窩眼影、Accent Brush 作重部化妝,如下眼線/highlight眼頭 、Pixel-Point Eyeliner Brush 眼線掃、 Brow Brush眉掃 。

TRAVEL ESSISTIALS一套3支分別係:Essential Foundation Brush 濕粉掃 、Multi Task Brush 可用於碎粉/胭脂/陰影/HIGH LIGHT之用 、Domed Shadow Brush 眼影掃 。這個系列如其名是方便去旅行使用，所以有一些掃是作多功能使用。

左起: POWDER BRUSH碎粉、BLUSH BRUSH胭脂、STIPPLING BRUSH粉底/胭脂等功能。

毛質方面，其實RT都幾滑,但至於係用什麼毛做呢..我也不知道，官網無寫，盒面也找不到明確指示，但是我的感覺應該不是真的動物毛，下篇會DETAILS同我D化妝掃比較下!!

[專欄分享] 薰芳滿溢：芝麻油防曬排毒 ( 爽報 3/7/2013 )

除咗老公好支持我讀香薰，其實媽咪都一樣…
知我少睇報紙，見到啱我睇的都會剪低俾我，上星期就拎咗一張講芝麻油的剪報返嚟…其實我自己知道用芝麻油排毒好耐啦…

但一直都未的起心肝去買冷壓芝麻油，又驚朝早邊有15-20分鐘空閒時間來漱口呢吓?
不過，媽咪都好有興趣，就做吓乖女陪媽咪試啦…

都順便同大家分享吓喺爽報的專欄…其實我唔知慧雅係唔係香薰治療師，專欄係新的，逢星期四有得睇…

http://www.sharpdaily.hk/article/sup/20130307/179617/%E8%96%B0%E8%8A%B3%E6%BB%BF%E6%BA%A2-%E8%8A%9D%E9%BA%BB%E6%B2%B9%E9%98%B2%E6%9B%AC%E6%8E%92%E6%AF%92

薰芳滿溢：芝麻油防曬排毒

芝麻油抗氧化能力高，故可延緩衰老，女士們可用作日常護膚，具防曬作用。

上星期提及過使用芝麻油（Sesame Oil，Sesamum indicum）漱口排毒，朋友都有疑問並要求詳細說明。
首先解釋一下排毒的步驟：一早起來牙不要刷水不要飲，口含約一湯匙的有機冷壓芝麻油，讓油在口腔內遊走。漱口15-20分鐘後，將油吐出再用鹽水漱口。用後你會發現口腔清潔了，還有口腔或牙齦問題亦得到緩解。
芝麻油含亞麻仁油酸、油酸，抗氧化能力高故可延緩衰老，女士們用作日常護膚實在不錯。它還具防曬作用，我已很久沒買防曬產品了。
芝麻油之所以可排毒，因其附着性高，細菌又是親油性，故可降低微生物的數量。更重要的是可排汞（俗稱水銀）毒，口腔內有補牙銀粉或女士們因常用化妝品，體內積累重金屬，使用這方法可有效排減。
還有肺內的頑痰，用後明顯減少，主要因為芝麻油含鎂的化學成份，能夠改善肺部和支氣管不適問題。
既然可排毒，天天用它嗎？
使用21天後停一星期後再用，或轉用椰子油排毒，因排毒的療程為21天，在排毒期間要注意身體或會出現排毒反應，如大腿內側、背部或臉上會出現小紅疹（因人而異），別怕！這是排毒反應，很快會消失。

桂格美味大燕麥片 - 黃金火腿玉米

又係講早餐好選擇呀!

好多人都知食燕麥對腸胃好，仲可以降膽固醇添…但係，食落真係食到人反哂胃，想 keep 住食，有咩計呀?

而肥仔老公因為工作關係，成日都會拎到新產品試食。我一見到依一隻粟米火腿味的大燕麥片就即時雙眼發光啦…

我一向都鐘意食醎多過食甜，但奈何比較方便的即沖早餐都多數係甜居多。今次出的，仲要係我最喜歡的粟米火腿味，大燕麥片的纖維仲要比較多，雖然粟米火腿味係比較大路冇新意，但我勁 buy 喎，真係要拍手掌讚吓桂格呀!

一倒出來，已經聞到好香的粟米味啦… like!!!

沖熱水落去，火腿就出嚟啦…但…唔似麥片喎!

包裝上寫住要靜置三至五分鐘，咁好啦…去梳洗先…

幾分鐘之後發現真係杰咗喎!! 哇…一睇個樣已經急不及待要試食啦!

味道果然係唔錯喎! 好似落咗罐粟米火腿湯去煮麥片…

雖然，食這一款已經調好味的即沖麥片，比起要煮的即食麥片貴好多，但係總好過食其他或者唔食早餐啦…

推介呀推介呀!

大人的濕疹 - 椰子油+杏仁油都幫到手呢!

有人問我上一篇 post 出嚟果隻揶子油喺邊度買喎! 喺美國訂的呢! 因為我預計自己係高用量，所以買咗大盒 1.6L…

其實都真係用得幾快，溝咗幾次椰子油+杏仁油，已經冇咗四分之一，但應該都冇乜人會好似我用得咁狼架啦! 買細盒裝 445ML 都用好耐架啦!

有個靚女就係幫我買咗盒細的椰子油，原來又係濕疹問題喎! touchwood 自己冇濕疹問題，但係身邊有太多朋友有濕疹，所以一聽到人話有就會好變態地想了解多啲…

隔咗個幾兩個星期，我又問返靚女情況點樣，濕疹好返未…好開心佢既濕疹好返啦…不過仲好乖地keep住搽椰子油。但係，另一難題又出現啦，就係起到成面粒粒呀! 原來佢係直接搽椰子油上面，冇溝其他油呢!

咁啱上星期上堂講到椰子油，椰子油對濕疹好有用，但係佢滲透性比較低，唔夠透氣，所以就好易出粒啦!
最好就先用滲透性高的油, 例如最簡單的甜杏仁油，再 cover 椰子油上面，作植物性 Vaseline 咁用，出粒的機會就會低好多啦! 唔怪得嚴浩教要用甜杏仁油溝椰子油嚟用啦…

順帶一提，買椰子油就要買固體狀的，液體狀的椰子油係 refine 過的，無營養價值架!

BB 奶癬濕疹，椰子油幫到手呀!

之前有朋友 ( 仲要唔係香薰朋友呀! ) 同我傾開自然療法，一講自然療法就好自然會諗起嚴浩。

我對嚴浩的自然療法都幾有興趣，但始終都無行動去試。

直至好姊妹生咗小 baby，剛滿月 baby 就出奶癬，baby 的面仔又紅又痕，痕到瞓唔到覺，搽乜都冇用，連我依個姨姨都心痛到暈咁滯。

好，我哋就置之死地而後生，決定試吓嚴浩教的冷壓椰子油 + 甜杏仁油!
身為一個 small heart 的準香薰治療師，雖然明知香薰可以幫到手，但 baby 真係太細啦，三個月之前都唔用香薰油，用植物油就最啱啦。
之前契女用開的香薰油等佢大啲先試啦! 而且嫲嫲都一定唔會批 baby 咁細個就用香薰啦…

大鄉里呀! 原來室溫下的椰子油，係固體狀架喎!

好不容易，先「筆」到一盒仔出嚟…

之後再加入甜杏仁油…攪攪攪…居然變咗 cream 狀o既質地呢!

再無聊裝飾吓個盒…可愛呢~~~~~

過咗幾日，爸爸打俾我，問唔知點解 BB 會突然甩皮 + 發紅，駛唔駛停用呢? 我回應應該係好轉既反應…

不過我自己都冇乜用過椰子油，於是就將 case 攤開同 miss、同學討論吓! miss 都認為，甩皮係好轉的反應，一段 BB 的皮膚癬都會喺三個月內自己退， 只係用咗椰子油，加速咗皮膚更生。

不過呢，嫲嫲一見 BB 甩皮就唔敢再用椰子油，改返用 Vaseline…情況都好轉起來。
後來再同媽咪傾返，原來 BB 搽完椰子油的第二天，面仔已經明顯地有好轉，而且真係有止痕的作用，對於一個媽媽嚟講，幫到 BB 止痕，已經好幫到手啦!
所以媽咪話依家對我、同埋嚴浩好有信心呀！

咁啱契女面仔又有少少濕疹起咗，不過我調的香薰油始終都有 BB 不太熟悉的氣味，所以搽腳仔佢聞唔到冇反抗，但搽面仔就唔係幾開心啦!
Sorry 呀囡，繼洋甘菊花水之後，契媽又俾啲臭嘢你搽啦…但苦口良藥嘛!

於是呢，椰子油 + 杏仁油 又再一次 apply 喺另一個敏感 B 身上…

兩日之後，我收到契女的最新消息，係開始甩皮啦! 我叫媽媽唔駛驚，繼續勤力搽，係好轉的反應，好快會無事…

唔好以為濕疹得 BB 先會有喎! 其實好多大人都有呢!
而大人的濕疹，有可能係情緒所影響，係一樣咁煩惱的。

明天我再同大家分享吓，另一個大人濕疹既 case 啦…

加強版安睡配方

前幾日有個女仔漏夜成十一點幾十二點 whats app 我，話病咗有冇啲咩精油可以幫到佢哋?

於是我就追問係咩病啦…佢只答，感冒、周身骨痛。

於是我又問，咁你病咗幾耐呀?

佢先話，係爸爸媽咪病咗成個星期，爸爸冇胃口，媽咪就有咳。

佢似乎唔係好識得表達得詳細啲喎! 因為佢主力係想我調安睡配方俾佢，所以我就估，佢爸媽應該都係瞓得麻麻哋。

我都好老實同佢講，精油用於初起既唔舒服係有用的，但係已經病咗成個星期，精油既效果其實真係冇咁快可以幫到佢呢…現階段，可以用比較溫和的茶樹去幫佢增強抵抗力同免疫力令佢哋快啲打嬴場仗，免得用過份強烈 (例如尤加利) 而引致瞓唔到啦…

於是，佢就決定要10ml既安睡複方精油，加玫瑰擴香石。

我見依個妹妹咁孝順，都想佢爸媽快啲好返，本來安睡配方只有薰衣草+佛手柑，我就將佛手柑份量減半，改為加入茶樹，在有限的 budget 裡都可以幫到吓手啦! 

第二日立刻就約交收，真係不出我所料，真係一個著住校服的小女孩，當我話佢知，有加咗茶樹落條複方精油但又冇收多佢錢，她笑了! 分手之後，仲 whats app 講多次多謝!



幫助自己，幫助身邊的人，其實就係我讀香薰的理念。Miss 都有跟我們分享過，她說親戚們都說她讀完香薰之後，更識得去關心身邊的人。身邊的人有唔舒服，就會好主動地去問發生咩事，之後就會走去調油嘗試用香薰療法去幫佢哋。

其實我都係呀，每次用完我調的香薰 feedback 回來說真係有效，或者有啲咩進展，個心真係不知幾開心呀!

雖然距離以香薰治療師作職業的路還很遠，好多時仲係義務貼材料出嚟添。
但係幫到身邊愛錫的人，真係唔會計得到咁多。得到他們的意見和評語，還有鼓勵和認同，在我的學習路上其實係有好大幫助呢!
( 不過我覺得都有朋友仔係好盲目地喜歡我的「功課」囉... )

有機會實踐點都好過咪書呀!

DIY 止汗香體噴霧

就快夏天啦…其實都唔係好關夏天事，肥仔老公一年四季都習慣噴止汗劑的。

其實我都覺得噴「香香」真係一個禮儀來的。

不過呢，肥仔噴開的都勁大陣味，佢仲要噴勁多。有時佢噴完果嘢，真係要行開啲…成日搞到我咳!

咁啱平時大量入貨的止汗劑用完，但又忙到冇時間去買。但你都知啦…習慣噴開止汗劑的人冇得噴有幾咁周身唔聚財......

好，我又發揮準香薰治療師的小宇宙，親手為老公準備最貼心的日常用品先…

材料好簡單…

99%酒精
純水
精油有 :

絲帕
檸檬
沒藥

先量 20ml 99%酒精，之後再加入絲帕、檸檬、沒藥

我自己就會落多啲絲帕，因為有收歛的作用。
檸檬味道宜人、而且亦都有收歛的功效，仲加埋清潔、抗菌的作用，殺哂!
沒藥有殺菌、抗菌的功效，而且用嚟做香水，仲有清醒頭腦之用添…不過懷孕期唔可以用，正常劑量都要少

今次我就落咗 6 滴絲帕、10滴檸檬、4滴沒藥

之後，溝入80ml純水，再入落噴樽，就完成啦!

我真係要多謝肥仔老公，某程度上，佢真係好願意去做我的白老鼠，而且仲好捧場添，每次都給我意見去改進，仲會主動要求 encore。
其實我係一個好懶的老婆，我唔係成日得閒去用精油幫身邊最親密的老公，學完按摩，按咗幾分鐘就會嫌佢個身勁吸油成本高而放棄。

成個精油盒咁多精油，真係要用多啲、用多的、用多啲呀!!

女仔一定要旁身的東西

大家有冇見過這支在吉吉島 12 蚊店的「女性專用洗劑」呀?

我覺得每一個女仔屋企都要有這一支洗劑 ready 在屋企呀!

相信每一個女仔都會試過 m 到時整污糟衫褲床單的經驗吧! 以前細個唔識，都係用梘液清洗，雖然都仲會用洗衣機洗多次，但其實有時會洗得不撤底，衣服曬乾後都會有個印，之後件衫就會被打入冷宮

自從用咗依枝洗劑，血蹟比用梘液/洗衣液易清理，幾乎不費吹灰之力就搞掂呀! 有時範圍比較大，我就會先倒少少洗劑喺衣服表面，再浸一陣 ( 多數一個沖涼時間 ) 沖完涼啲顏色大致上都會退哂落水度，再用洗衣液洗一次再過一次清水就完成，真係方便又快捷呀!

唔知點解今日在家樓下的12蚊度全場九折喎! 即係全場 $10.8，抵抵抵!!