Double C's Talk: 10月 2013

2013年10月31日星期四

媽媽肚皮油

契女的媽媽完成了餵奶奶任務都有一段時間，開始要的起心肝減減肥。

我當然要用行動來支持啦，雖然她有生第二個的打算，但是減肥是女人一世都做不完的任務，所以點都要減的!

當我問她，想要減肥按摩油還是減肥按摩 cream 呢? 她說陀 B 的時候都是用按摩油，近來天氣乾燥用 Baby oil ，對油的接受程度好高，咁就當然整按摩油好啦，快靚正+天然!!

原來她陀 B 時是用 clarins 的去妊娠紋油的，不過價錢真係唔平, $490 / 100ml...

這一支...

成份含玫瑰, 天竺葵和薄荷的天然精華油: 散發香氣，調和身心, 爽膚和活化皮膚榛子油: 滋養, 保持皮膚的水分

其實都好天然呢…雖然我沒有試用/聞過，但我相信味道應該都幾香。

不過點解有玫瑰? 昨天先講玫瑰唔好掂喎!

唔駛怕，其實現在有一些玫瑰精油寫明懷孕期間都可以用的，之但係坊間買到的，應該都不會特別寫明孕婦適用，既然有這麼多精油選擇，就唔好博啦!

如果都係驚，咪唔好用精油囉…

好簡單的甜杏仁油 + 小麥胚芽油 + 玫瑰籽油，已經是很好的媽媽肚皮油啦…加埋橙花 / 柑就更 prefect 而已，對傷痕皮膚好有療效呢!

除了肚肚，記得要搽肚底、大脾、pat pat 等等易爆紋的地方，預防勝於治療呢…

一爆就好痛的啦!

哇…講到自己爆過肚紋咁喎! 哈哈...

因為身邊太多人催我生又太多人同我分享陀 B 同湊 B 的經驗，聽埋聽埋知道啲咁啦…

2013年10月30日星期三

大肚婆可以用精油嗎?

努力溫書ing....

溫書之餘都同大家分享上課時學到的資料吧，順便溫吓書嘛!

溫書時見到筆記上老師講過孕婦可以用的精油，我覺得好有用呀，所以點忙都同大家分享一下!

好多人都以為懷孕期間要避開所有精油，其實不是的啦! 只要用得得宜，精油可以的幫到孕婦呢!

不過，就真係有某一些精油是唔掂得的! 就係玫瑰和苿莉啦…茉莉都係等到臨盆時才拿出來啦，有催生作用的啦! 在懷孕期間，所有有催情作用和通經作用的精油都唔好用啦! 而基本上柑橘類的精油都可以放心使用的

孕期分三個階段
第一階段 : 1 - 3 個月
第二階段 : 4 - 7 個月
第三階段 : 8 - 10 個月

在第一階段，因為胎兒都仲未陀得好穩陣，都係只用植物油會安全啲!
在這個階段，好多大肚媽媽都會作嘔作悶，正氣的薑就可以放心聞，對止嘔有用的呢…或者更直接地飲薑水都可以止嘔呢!

到了第二階段，就有好多精油可以用啦，如下.....
** 柑 ( 極度安全呀! bb 都可以用呢!)
天竺葵
橙花
苦橙
乳香
檀香
廣霍香
甘菊
薰衣草
西柚
檸檬
芫茜
黑胡椒
松
絲柏
薄荷
甜橙

孕媽媽要繼續留意呀! 幫你慳唔少買肚紋膏/油的錢呢!

2013年10月29日星期二

Matte 磨砂甲

在 she.com 見到這個 post 教用粟粉加入top coat 整 matte 指甲，好好玩呢！

為了按摩考試我已經放棄了美甲好多個月啦，有時工作忙碌對手不停打字，見到靚靚指甲都可以令自己開心返

唔得唔得，下星期三考完試一定要試玩！

2013年10月28日星期一

血虛 = 貧血?!

之前上按摩堂時，有一個助教問我，有冇驗過自己有沒有貧血，因為見到我的嘴唇好白。

我回答說，我應該沒有。

她就問為什麼這麼肯定呢?

我回答：因為我捐到血，不過，中醫話我血虛

她就好有自信地說：血虛咪即係貧血囉!

天真的我真係信以為真。但我真的沒想過，貧血會跟自己拉上關係的，因為每次 body check 或者看醫生，都沒有一個醫生話過我有貧血 / 血壓問題。

我有一個同事，久病成醫，只需看一看中醫的藥單，就大約知道每一隻藥的功效。
我跟她說，有個老師說我血虛即是貧血。

她就說，不覺得係囉…好多女仔都血虛的啦!

到星期六去看中醫，順手叫醫師幫我量一下血壓，得出的數字連醫師都超級滿意，大讚數字勁靚仔!

我就同醫師講，有人問我有冇貧血…醫師即時一臉疑惑而且沒好氣地同我講，貧血跟血壓其實係兩件事..而且我應該係沒有貧血的…

但都叫我放鬆，翻開我的眼底檢查一下…觀察很出亦是超級滿意…他笑說我血多得滯添呀…貧血的人眼底會很白的…

事實證明，血虛 唔代表一定係 貧血，但我唔排除有人會又有血虛又有貧血的。

我個嘴唇白，只因為我懶搽潤唇膏而已... :p

p.s
我發現自己觀人都有啲準喎，那位助教，其實我一見到她已經覺得她「識少少扮代表」，本來我都有一點期待她在我的身上作按摩示範，但發現一點驚喜都沒有，同 miss 相差好遠喎!

2013年10月27日星期日

處之泰然吧!

近來公司勁爆忙碌，加上就快要考試，其實情緒真係好差，成個人都超級燥底，每日教育唔生銹的 sales 時順手的發脾氣，已經是唯一的發洩途徑！

每日放工都是帶著沮喪的心情離開，工作永世都做唔完，日日做到八九點，回到家已經攰到虛脫而死，考完校內試後都冇乜溫習過。雖然校內試都只係考之前一日先溫都 pass 到，但係這樣應付考試，不是我所追求的。以前讀書，是為了個學位去讀，臨急抱佛腳去讀情有可原，但是讀香薰是我的興趣，我不想馬虎過骨了事呀!

情緒差的後遺症…就係牛皮癬發得好壯烈!!! 下星期日老公的堂妹結婚，咁樣衰既二嫂點見得人呀? 上星期貪方便，在公司附近看了一個老中醫，但係老中醫好似真係太老啦…我講乜佢都好似聽唔到，只係話我皮膚敏感，食完三日藥仲嚴重了…真係救命。

最終昨日返完公司打完仗，( 係…忙到星期六都要返工呀! 好想死... ) 都抽時間去幫襯睇開的中醫急救…中醫好睇夾唔夾的，難得找到一個夾的，媽咪話幾貴都要俾架啦! 就好似我跟細佬小時候就只夾到一個好出名的兒科，就算收得幾貴、要排幾耐都要睇。

中醫同我講，牛皮癬係冇辦法根治的，但多數都關情緒、緊張事。你可以話係關基因事，有些人，可以承受到好大壓力，但我，就明顯係承受唔到太大壓力啦…

不過佢都安慰我，我的情況唔算好差啦…雖然長在眼周，有點礙眼，但有些人長在好尷尬的位置，真係有苦自己知。

他亦見過一個女病人同樣有牛皮癬，同樣長在眼周，結婚前情緒好緊張，就自然發得好嚴重啦…我就笑言好在結婚時未有牛皮癬囉…哈哈...

壓力管理，是一門很高深的學問。

我選擇，事事盡量處之泰然，其他的 leave it to GOD!

請多祈禱、多接近神! :)

2013年10月26日星期六

韓國模特兒變漂亮飲水方程式

前兩日一起身就見到美容 blogger share 韓國模特兒變漂亮飲水方程式。

我覺得時間編排得都幾好喎，好容易就可能飲到八杯水，雖然我自己好鐘意飲水，但多數集中在辦公時間，回到家差不多不會飲水。近來在公司忙到發癲，回到公司就即時開工密密做，試過下午三點先去洗杯飲第一杯水。又或者因為太忙，想飲水但係個杯冇哂水都冇時間去茶水間拎，情況真係不太健康呀!

而這個時間表我覺得就幾啱工作忙到冇時間拎水飲的我，同大家分享一下吧... 我試了兩日，work 呢…不過我自己 fine tune 咗少少

第一杯 : 朝早起身

第二杯 : 出門前 ( 避開一返到公司就密密做的壞習慣…不過我返工車程只係半小時…車程遠的朋友仔可能都係返到公司先飲，免得在返工途中要找洗手間呀... :p )

第三杯 : lunch 前

第四杯 : lunch 後

第五杯 : 放工前

第六杯 : 返到家

第七杯 : 食飯後 / 沖涼前

第八杯 : 瞓覺前

當然，在想飲水時我依然會繼續飲水啦…但就一定會在 set 好的時間飲一杯，所以我一日一定可以飲到超過 8 杯水呢…

記得一日要飲超過八杯水，身體裡所有器官都需要水份，飲得水少隨時會變蠢呢!

而且飲水一定比其他飲品健康得多，雖然話就話有人連飲水都會肥，都係相比飲可樂同水，肥的機會一定係可樂大啦。

近來天氣很乾燥，更要多飲水補充水份呀!

2013年10月23日星期三

只剩兩星期.....

早前嘔心瀝血完成的功課和校內試成績出來了... 成績比我想像中好喎! A & P 本來諗住要補考，但居然都拿到六十幾分，立刻放下心頭大石!

而做到喊咁口，印出來成本書咁厚的 60 個 case studies

一直都好驚會收到 miss 的打回頭電話，驚喜地 miss 俾咗個 v. good 我!

超勁開心呀!!!!

反而比較有信心的 business proposal 就只是平穩過度....

而我一直都勁擔心的按摩試，賽後老師評語都係麻麻哋…但得出來都有 70 分，miss 仲話已經幾高分…咁我都放心啲! 在正式的考試，70分是剛好合格而已…於是成班同學就好擔心了，miss 就安慰我們說校內試的評分都比較嚴謹，mark up 10 分就差不多了!

整體上我是滿意的…分數比我想像中好.. 信心都多了不少。
雖然不是很高分，但以我的工作量而言，我可以放在讀書上的時間真的很少，不能勉強自己拿到九十幾分。原來，我對自己都要求都幾高…我把尺係咪放得太高呢?

放學後跟 miss 談了一會兒，她都安慰我，其實 pass 都已經足夠了! 不要給自己太大壓力就好了。

只剩兩星期就考 IFA 國際試啦…在日日做到八九點的情況下，真係好好安排時間溫習先掂呀!

2013年10月22日星期二

Argan oil hand cream

實不相瞞，我是一個好粗枝大葉的女生，除非乾燥到爆拆，我都唔會搽 hand cream 的。

所以在手袋裡都好難可以找到 hand cream 的踪跡…

就在訂 iherb 時，見到有免費 hand cream 送，當然就唔執輸啦… 而且這支 hand cream 是 unscented，仲有 argan nut oil…更得我心…

不過，包裝又真係「平實」咗啲!!

Argan Oil 其實就係近來好 hit 的摩洛哥堅果油，髮型屋經常都推介的髮尾油。

hand cream 試用後發現都幾潤呢! 我不喜歡塗 hand cream，除了因為懶之外，另一個原因是因為塗完 hand cream 之後洗手會有「滑山山」的感覺，這支 hand cream 是繼 12 蚊店的馬油 hand cream 後的另一好選擇呀!

不過，這支 hand cream 的出口位比較細，滴唔到精油入去呀! 要諗諗計一邊潤一邊香先....

2013年10月21日星期一

肚肚按摩

說來真的好慚愧，由細到大都跟住我的便秘問題一直都離開唔到我! 我的便秘問題是可以幾天完全沒有便意，坐幾耐都冇便意，真的好恐怖呢…

每次按摩，按摩師給我的 comment 都要肚子很硬，叫我注意排便。

我的同學仔 YM 近來 post 出一個很易做的腹部按摩，我就即試啦!
http://ym-aromatheraphy.blogspot.hk/2013/10/blog-post_7202.html

都同大家分享一下…

我試做時其實只係跟住做，連底油都沒有塗上肚肚，而且只係記 step，每個 step 都只是做兩嘢…

但係…奇蹟地過了一陣就有便意…

對於一個經常冇便意的人來講，真的好驚喜呢!

在 video 中的三個 step，其實都有少少跟我們學的整全按摩有異曲同功之效，有便秘的朋友仔可以試一試做呀!

至於按摩油呢，可以用上芝麻油幫助排毒，精油可以用西柚/甜橙、黑胡椒、茴香。

祝大家便便暢通...

2013年10月20日星期日

買花茶壺買到去美國

契女的 BB 零食又食完了，我這個契媽又去 iherb 幫佢補補倉先…

BB 好鐘意食這一款 Gerber 的 Yogurt，媽媽今次選了四個口味給她…

聽媽媽講，香港好似冇得賣架! 就算有，都賣得比較貴，所以一買就每款買兩包啦!

http://www.iherb.com/Gerber-Graduates-Yogurt-Melts-Peach-1-oz-28-g/32034

未計運費，大約 hkd35 一包… ( 原來 BB 零食都唔係平架喎..... )

更多 Gerber product...

http://www.iherb.com/Gerber

提提大家…10月在 iherb 買夠 usd 60 可以免運費，referral code 係 TUJ677，入埋仲可以減 $10 添…

我這個敗家精，又點會只買 BB 零食呢…哈哈...

估下我買咗咩?

記得我結婚時，契女媽媽送我一對很精美的日式茶杯，一直都想買一個花茶壺! 給我看到 iherb 有特價...只係 $22...
http://www.iherb.com/Just-a-Leaf-Organic-Tea-Tea-Infuser-Glass-Tea-Cup-with-Strainer-8-oz-Tea-Glass/47364