其實都真係用得幾快，溝咗幾次椰子油+杏仁油，已經冇咗四分之一，但應該都冇乜人會好似我用得咁狼架啦! 買細盒裝 445ML 都用好耐架啦!
有個靚女就係幫我買咗盒細的椰子油，原來又係濕疹問題喎! touchwood 自己冇濕疹問題，但係身邊有太多朋友有濕疹，所以一聽到人話有就會好變態地想了解多啲…
隔咗個幾兩個星期，我又問返靚女情況點樣，濕疹好返未…好開心佢既濕疹好返啦…不過仲好乖地keep住搽椰子油。但係，另一難題又出現啦，就係起到成面粒粒呀! 原來佢係直接搽椰子油上面，冇溝其他油呢!
咁啱上星期上堂講到椰子油，椰子油對濕疹好有用，但係佢滲透性比較低，唔夠透氣，所以就好易出粒啦!
最好就先用滲透性高的油, 例如最簡單的甜杏仁油，再 cover 椰子油上面，作植物性 Vaseline 咁用，出粒的機會就會低好多啦! 唔怪得嚴浩教要用甜杏仁油溝椰子油嚟用啦…
順帶一提，買椰子油就要買固體狀的，液體狀的椰子油係 refine 過的，無營養價值架!
我仔4歲,5日前開始試椰子油,.....個身出現有一粒粒,對腳少左濕疹,但係都有一粒粒,都係有痕..抓到損哂>_<...塊臉都有出返濕疹...一對手又係"鞋"哂..........唉..我無溝任何杏仁油或者"花士令"....因為我仔有花生果仁敏感(食唔得唔知搽得唔得)...諗緊依家繼續堅持用椰子油定係轉返之前皮膚醫生既藥...>_< 可比意見給我嗎???
回覆刪除[版主回覆03/28/2013 12:49:06]如果係對花生、果仁敏感，就真係唔好博啦…唔好用杏仁油
椰子油滲透性低，可能就係咁所以阿仔出粒粒呀! 如果想溝油落椰子油，又想止痕的話，我會提議加月見草油。而比較易買到的，就可以去啲大小小既超市, 例如 city super 買冷壓olive oil / sunflower oil
阿仔有冇甩皮呀?
咁，醫生俾既藥係類固醇?
你好! 唉...我個女都有濕疹..而且超反覆...睇西醫食藥,即冇事..停藥後即睇中藥調理,食左一星期藥..以為冇咩事咁..keep住睇第二個星期...點知突然變差左...開始脫皮,勁痕.晚上不能瞓覺..又紅,又鞋..又d皮開始硬同厚窟範圍開始擴大...睇到就心酸..現在都唔知點好....!!!試過用椰子油搽, 搽左差不多二星期到..但效果未見理想,仍然紅,同埋 "鞋 "..唔止痕..所以冇再搽...但現在睇到椰子油咁好...我又應該重新再嘗試嗎..?另外..想問月見草油除了citysuper買到之外..哪裡可以買到呢...?我最想她止到痕呢...其實坊間有好多教人點醫治濕疹..要注意嘅事項..我全都嘗試過..但效果唔太理想...唯一未嘗試是食魚油,益生菌等產品 ,因為坊間實際太多,太多牌子..都唔知邊隻係好...可否提供意見給我呢..?我真是冇晒辦法... 謝謝幫忙~~~~睇到小朋友咁辛苦..自己又幫唔到手....好心痛....
回覆刪除[版主回覆04/14/2013 10:40:56]唉呀, 真係睇到我都心痛埋…雖然我未係媽咪，但超鐘意小朋友，所以對小朋友特別憐愛。
咁我想問吓，上次你用的椰子油，係咪冷壓同未 refine 過架? 不如你 send 張相俾我睇吓係邊隻牌子? ( email address : lepetitearoma@gmail.com )
因為坊間買到o既椰子油，可能係 refine 過，冇哂營養架! 以我朋友 BB 囡搽椰子油既經驗，係好止痕架…你真係可以再試多次。
而我另一個朋友個BB都係成身敏感，損哂同好痕好痕發哂脾氣，搽椰子油都冇好大好轉。
佢就將亞麻籽油溝落奶度俾BB飲，飲得幾多得幾多，真係可以幫到喎! 你都可以試吓俾亞麻籽油阿囡試吓，我讀香薰既老師話 Barlean's 依個牌子比較好，而我都有同事係長期買依個牌子。
如果搵唔到你可以話我知，我喺美國訂嘢時買多咗兩支，可以 share 俾你。
希望以上資料可以幫到你啦…有問題可以再話我知啊... ^^
另外,想問椰子油是否有分搽同埋食二種呢..?謝謝...我個女10歲,可以食用椰子油嗎 ?我穴是好苦惱...d濕疹好困擾....
回覆刪除[版主回覆04/14/2013 10:42:43]我訂開果隻椰子油就係食得既…用嚟搽麵包都幾好味架! 椰子油係天然食物，小朋友食無問題…
你好 ! 我嗰隻椰子油係有機店買架...係綠盈坊-有機店買,http://www.ofarmhk.com/Product/KI0421.htm 係嚴浩講嗰隻牌子, 係冷壓架....現在我再一次比椰子油她搽..另外,又一早一晚比她食亞麻籽粉 , 其實之前都嘗試過嚴浩介紹嘅方法, 食亞麻籽粉加亞麻籽油,再加矛屋芝士比她食..但食到她反胃....我唔忍心比她咁食下去....再加上我睇資料話唔可以比亞麻籽油比小朋友食...唉..搞到我都冇晒辦法....見到她咁好陰公...自己都好唔開心....她好自卑..唔想比朋友見到她咁...腳同手....現在仲食緊中藥..希望慢慢有改善吧 !...好多謝你嘅幫忙....感謝你啊....
回覆刪除其實亞麻籽油好d ,一定亞麻籽粉好d呢...?謝謝你聽我訴苦....
[版主回覆04/20/2013 10:40:48]SORRY 遲咗覆你，如果亞麻籽粉，就自己磨會比較好喎, 而且磨完要即食，你食的亞麻籽粉係現成o既?
如果怕麻煩，我諗都係飲返亞麻籽油會好啲! 亞麻籽油要盡快飲用，記得放入雪櫃，所以買最細size就ok架啦…寧願買密啲!
另外..月見草油除左citysuper有得買之外, 仲有冇其他地方有得買呢..? 是否18歲以下人士都唔適合食月見草呢..? 因為聽說月見草是對濕疹很大幫助...因為我現在用冷壓椰子油甜杏仁油混合比女兒搽..., 如果月見草效果更好的話..就想用月見草替代甜杏仁油...
回覆刪除[版主回覆04/20/2013 10:51:49]月見草油喺citysuper有得買架? 我都冇為意喎! 我買既月見草就係外國訂的香薰牌子。咁citysuper有冇寫係冷壓同冇refine過?
其實點解要用椰子油+甜杏仁油呢? 因為椰子油滲透力低、所以溝滲透力好的杏仁油一齊用，如果只用椰子油會好易出粒粒架…月見草油止痕效果好好，仲可以傷口修復。不過我自己就真係未試過用嚟溝椰子油呀, 你都可以試吓呀..
我個女用甜杏仁油加椰子油搽身 (她有濕疹)...搽左一星期左右啦...搽完第二日起身..d皮膚好dry , 又脫皮...好驚喎...係唔係正常反應呀 ? 但她話止唔到痕啊...點好呀..? 可以解釋比我知嗎 ? 我應該一直搽下去嗎? 同埋d皮膚好紅呢...?係唔係又係正常反應呢..?
回覆刪除[版主回覆04/25/2013 20:42:51]甩皮係皮膚更生, 如果涯到既就繼續啦…
唉...搽極都唔止痕..仲攪到出水...現在又要走去睇西醫..因為痕到瞓唔到覺....同埋損左,傷口出水...又紅...又出水...好慘呀...D濕疹好似唔識停咁...HELP....
回覆刪除[版主回覆04/27/2013 08:05:46]噢！！我朋友個仔都試過損哂出水，佢得出嘅結論係避開致敏源！
咁你囡囡平時係著咩衫？改著全棉嘅衫都可能會有幫助
上環蘇杭街有間鋪有賣~
回覆刪除[版主回覆08/18/2013 10:53:33]好多天然食品店都有架.
棷子油在熱天是液體狀,在冷天才是固體狀,不知是不是呢?因我剛剛才買了都是液體
回覆刪除[版主回覆08/18/2013 10:53:11]係呀, 冬天係固體, 夏天係液體. 或者你可以雪去雪櫃就變返固體架啦!