TOO FACED 眼影 燒著了!!!

甩POST 了,甩POST了!!!今次到我返工返學忙到無時間UPDATE BLOG,好彩有細C頂住。

係今日LUNCH等外賣的時間,又周圍睇網頁,無意中被TOO FACED的眼影燒著了!

引用: Le Coco's Petit Closet
http://coco143d.pixnet.net/blog/post/27727595


TOO FACED 出名的PRODUCT其實是EYE PRIMER,但是今次這個BLOG的試色文真的令我心動了!!!

雖然不是試上眼,但是看了好幾篇這個BLOGGER的試色,單看相片,好像顯色度不錯,而且顏色也滿百搭啊!盒內還有2色胭脂和LIP GLOSS!!!都好靚啊!!!

其實我是看中了這個BLOGGER另一篇講TOO FACED SWEET DREAMS眼影書的POST,不過已經是2011年的妝物了><

好想擁有呀!!!!!

立即上了官網逛逛,這個新出的色系好像也不錯啊!USD 22,大約港幣180....心動中!!!

有誰也給燒著了要一齊敗回家???

初學者的精油

讓大家來看一下我的精油盒吧!
之前細size就夠用，但讀香薰後對精油的認識多了，愈知得多，就每一款精油都想擁有…

真的走火入魔啦!

其實我的精油都儲了幾年的啦，有些是在初接觸時買下的低質素精油，不過我又唔捨得扔喎! 就等慢慢用完再買質素好的啦…

對於初學者，有十幾隻精油係必買而部份都唔太貴的，就同大家分享一下啦…

1. 柑橘類 - 甜橙、佛手柑
2. 花香 - 天竺葵
3. 草香 - 薰衣草、茶樹
4. 樟腦 - 尤加利
5. 辛味 - 芫荽、胡椒
6. 樹脂 - 乳香
7. 木質 - 檀香、花梨木、杜松
8. 土質 - 廣藿香

其實老實講，我自己用得最多的都是來來去去的五六種，買完這十幾款精油後，應該都玩得一段時間的啦!

去水腫美肌極品 - 檸檬水

營養學同香薰治療真的息息相關，miss 又私人醒咗個簡單食療俾我哋呢!

就係檸檬水啦，可以幫助排毒去水腫，一流呀!!

仲可以同身邊的朋友仔一齊分享啊!

先將檸檬洗乾淨，切片，放於一公升室溫水之下，檸檬可以唔篤，浸三至四小時，(唔駛加糖呀，唔係出面飲的冰檸水) 大約飲一至兩杯就可以達到排毒去水腫的作用啦! 多飲仲可以減黑斑，美白添架…

係咪好簡單呢? 兩個人 share 一個檸檬啱啱好，記得拉埋身邊的好姊妹齊齊靚齊齊瘦呀!

補氣陳皮水 & 醒目湯

哈哈, 我言出必行到啦。

想分享上次聽中西草本的講座學到的補氣陳皮水好耐架啦!

氣，係調節及推動人體新陳代謝。

夠氣，新陳代謝就自然好啦，身體自然就會好，人冇咁易攰，面色都會好啲! 人都自然靚啲啦…

MISS 教咗一個好簡單的陳皮水，性質好溫和，大部分人都會啱飲呢!

做法好簡單，用靚陳皮煲十五分鐘，焗一個鐘，平日當水飲。

媽媽生完 BB 之後可以用來補氣，仲可以加速修身添…

MISS 仲教咗另一款 advance 版的醒目湯，做法都係好簡單:
陳皮、10粒杞子(明目)、2粒紅棗/圓肉，如果怕燥就可以加小小花旗參

在網上找到類似的資料可以參考一下…

之但係，靚的陳皮唔易搵架! 我又向媽咪求救啦…

媽咪俾咗一樽仔有十幾年歷史的陳皮俾我，睇個樽就知幾咁有歷史啦…

但…如果我每日用來焗陳皮水，唔玩得幾耐架咋喎!

食完就冇架啦喎!!! 我真係唔係幾捨得食呀! 因為係公公留俾媽咪架…公公都走咗好多年啦…

不如我溝呀，買啲幾年貨仔的陳皮再溝十幾年的靚陳皮，咪可以食耐啲囉…

中醫都話我唔夠氣，可能就因為咁所以成日都冇精神，平時媽咪烋湯落陳皮我哋會嫌怪味，真係唔識寶呀!
要認真試吓 miss 講到咁勁的陳皮呀!

學頭飾

報了2個月的頭飾班,終於在上星期五開始了! 很有勞作班的感覺,又令我回想起從前中學的時候,我最愛的科目便是美術,又做得最好的也是美術,幸運的我試過拿全級第一的啊 :)

我的同事也不禁跟我說"哇,你又學新野呀???"

其實說開,又真的是化妝相關的東西才令我有繼續學習的動力,我未學化妝前,其實已經有上WEDDING PLAANER的課程,不過未至於令我有動力向結婚行業發展,是學了化妝後才不斷對其他有關的東西有興趣。

這個小製成品很快便完成,第一堂老師其實主要是教使用不同用具及不同質料的組合,我覺得也有點美學的教導,跟朋友們一起在同一張枱上整頭飾,很有做女工的感覺,哇哈哈!!!!

這個製成品還可以嗎?

談失眠

真係要讚吓我大嫂呀! 好勤力 update 出 post 之餘，仲撈埋過界講香薰呢。

本來今日應該是同大家分享陳皮水食療的，但都要打打尖，先再回應一下上一篇 post 先…
我轉了新工之後，不可以再好似以前在 office hour 跟大 C msn，真係連佢瞓得唔好都唔知添…

依家每日一人出一篇 post，好有「交換日記」的感覺啊…

薰衣草是最最常用來救失眠的香薰油，老師常常說，薰衣草應該可以放入藥箱呢，因為真係乜鬼都可以搞得掂，損傷和輕微燙傷都可以把薰衣草直接塗在患處，跟茶樹一樣，係少有可直接搽在皮膚上的精油。不過薰衣草有輕微降血壓的作用，血壓低的人就要盡量用較低的劑量啦…

除了薰衣草之外，我還喜歡溝佛手柑一齊用。佛手柑舒緩的功效仲叻過薰衣草啊! 我自己覺得兩個味簡直係絕配添呀!

除此以外，仲記得岩蘭草嘛? 其實我之前都同大 C 講依隻油好適合她，她是一個好孝順的乖女，抽好多時間照顧屋企，處處為屋企著想，其實唔多唔少，都給自己帶來了不少壓力。而且她近來一瞓低個腦就不停轉、好似有十萬樣事情等著她去處理，亦都好明顯是責任心的影響啦!

大 C 近來咁乖，等我調一支薰衣草 + 佛手柑 + 岩蘭草俾佢夜晚用先…瞓得唔好真係慘過大病呀!!

此外，曬太陽吸收維他命 D 都好重要呢! 因為曬太陽可以刺激腦分泌血清素，可以幫助改善失眠，每日曬太陽 ( 尤其要曬頭頂 ) 15 至 30 分鐘，仲可以改善情緒病呢! 有冇發現每次去曬完一大輪或遊完船河都會特別好瞓呢? 而想由外至內咁分泌勁多血清素，就要多食澱粉質啦! 包你日日都笑咪咪同瞓得好呀!

星期六真係會分享陳皮水架啦…等我!

睡眠質數下降 – 薰衣草

最近大C的睡眠質數持續下降,經常一閉上眼就不斷有不同的東西在腦子裡飛來飛去,久久不能入睡,不然便是很醒訓/發夢,半夜也會無啦啦熱醒/"咋"醒/嘈醒,黑眼圈已經夠黑,還要不斷睡不好,我的黑眼圈真的就來變黑色了,鳴鳴。

大C家裡都有好幾支香薰,最初用香薰時,只是在泰國一間SPA試過很香才買回家點,而後期的香薰全是細C放毒的!!

昨晚突然記得細C好像說過睡不好,可以嘗試在枕頭加少許香薰幫助入睡,又隱約記得好像是董衣草,所以我便滴了2滴在我的枕頭上,看看可不可以改善我的睡眠。
 
昨天晚上也花了點時間才可以入睡,不過整晚也沒有醒過,但隱約好像還是有一些夢發,但是總算可以一覺訓天光,等我連續幾晚嘗試,看看有沒有好轉先!

P.S. 細C,如果我有使用錯誤,請指正< ----

淘寶，都唔一定抵架!!

真係風水輪流轉呀!本來同大C約定，以後每個星期一、三、五佢會出post，而星期二、四、六就我，真係連內容都諗埋架啦，但我居然甩哂成個星期，真係太過份啦！

因為真係好忙…忙返工、忙返學，又要忙住網購同「實購」…哈哈哈哈！

上星期日難得我倆都在家，又一齊淘寶啦!除了糖果美衣，今次大C揀了一間好合我倆心水的新店，一買就失控啦…係我失控呀! 得兩件係大C架咋，其他都係我的!!

集運進行中，貨到了告訴大家質素如何呀吓~

之前聽講座學識了飲陳皮水補氣，一直都想買個保溫杯，本來已經在淘寶揀好一個波點的，RMB19.8，但運費卻要RMB10，都未計集運返香港的運費，都已經差不多四十蚊啦!

http://item.taobao.com/item.htm?spm=a1z0d.1.1000638.53.v6shYc&id=16078989036

好似好貴咁，於是我又放低了…

星期六行開在荃灣廣場新開的一間38蚊日系精品店，之前在銅鑼灣總店行過已經好鐘意逛…

居然俾我見到有暖水杯喎! 仲要係差不多樣子…$38 一個，即時掃咗個粉紅波點

連個蓋都一樣架呢，仲抵過淘寶買呀!

所以話呢，淘寶都未必樣樣都抵架!!

得閒再去 Doilies 淘吓寶貝先~

星期四同大家分享陳皮水這個食療，嘻嘻! 今次一定唔會甩底架啦! 信我!

久違了的好天!!!

久違了的好天!!!終於都有好天氣了,我家的2隻小狗終於都可以落街散步,之前己經想帶牠們出街順便拍些照,昨天我終於都記得拿相機了!

其實大C之前是很喜歡拍照的女仔,早幾年也有和其他女孩子拍過照,不過現在的女孩子動不動便收錢拍照,所以也令我卻步了,今次就由我家2隻小狗做我的MODEL吧!哇哈!

自己也要大叫一句,好可愛啊~~~!!!!己經成為了我的WALLPAPER :)

 

淘寶--糖果美衣

看了中幾天細C買衫既分享之後,即刻又身痕想買衫了!!

大C其實很喜歡足不出戶便可以收到貨品的,不用跟人迫又不用左一袋右一袋。而且又己經開始轉天氣,係時侯比個機會自己換季啦!!哇哈!!!!!!

我的衣著其實是偏向日韓系,所以這次介紹給大家的是---糖果美衣。這間是我經常光顧的店鋪之一,前前後後我最少都光顧過7,8次 :P

而且有時收到衣服也會有驚喜的,有些衣服是日單,日單是一些日本品牌的衣服,通常也是因為一些品質問題而被嚴緊的日本公司放棄的一些衣服,有時可能是因為顏色/車工/扭釦不是指指定等等,而偉大既人民又點會放棄賺錢既機會呢~

通常收貨前也不會知道那一些是日單,因為這間店鋪是沒有於拍賣頁說明是那一個品牌的,但是這麼多次的交易,我也沒有試過買過一些日單是不能穿著或者是真的品質問題很嚴重而不能穿著的,而且用這個價錢買到這個品質的衣服也OK啦!!!

唔知你地有無淘寶呢?剛剛又看中了一條裙,我又要去掃貨啦~~!!

http://tanguomy.taobao.com

PHYSICIAN’s FORMULA 眼線膠 試色文

繼續試新野!!今日試埋PHYSICIAN’s FORMULA既眼線膠先!!!!一開盒,就己經覺得個質地好濕潤啦!!其實一買返黎己經急不及待試左上手,盒黑色己經比我開左封啦:)

附包裝送埋眼線掃,都幾軟,好似好難畫得靚,未試上眼唔知,不過試係手好似個筆頭線條好粗咁。



今次同埋BOBBI BROWN既眼線膠一齊試,第二張加左水,第三張用手大力捽左下。
正所謂有圖有真相---睇下PF既顏色幾實...反而BB無咁實,証明左PF易推好多啦!!!
加水大力一捽其實不論BB定PF都有少少甩色,但PF只係幾十蚊貨仔嫁喎!!有咁高防水力己經好勁啦!!!

BB我都用左好耐,不過開得耐,盒眼線膠就會乾..仲會硬左好難用....
平時我用BB,大半日就會甩左上眼皮,未知PF會唔會都係咁既....?下次試下眼試下先!!!

PHYSICIAN’s FORMULA 眼影 NUDE EYES &amp; SMOKEY EYES 試色文

早幾天難得有時間，一口氣影了遮暇／眼妝／妝物的相，好讓常常因為未影相而UPDATE唔到BLOG既我無藉口偷懶。:)



今天要寫的是早幾天預告過的眼影PHYSICIAN’s FORMULA ，先介紹一下這個牌子，創辦人Dr. Frank Crandall原是一位過敏症專科醫生，他為了有過敏體質的太太而訂製出不添加香精、PABA、或其他132種過敏源的產品。(這個老公真是超好，為了自己老婆特別去研究不剌激的化妝品)

先試NUDE EYES的眼影，一盒９色的眼影，其實已於設計時為消費者配好了三個組合由淡至濃的眼影，最右手邊是最清淡至最左手邊是最深色系的眼影。盒上介紹這個眼影是可以乾用和濕用，所以２個效果我也試齊。

由上至下(上:加水濕上、中:用了EYE BASE、下:乾上)

果然真係可以濕上同乾用! 濕色好顯色,差不多是拿一次顏色便OK! 至於乾上便要多拿幾次,但都算易上色,只係NUDE EYES D色好清淡,所以好似好淺咁。
頭2個組合只合適日妝,只有最左邊那個組合比較深色啊! 但是自然妝這盒己經很OK啦!都幾靚!不過如果仲色實色既SIS,就應該唔係好仲意,因為佢都算係霧面眼影。



至於SMOKEY EYE 只試用EYE BASE(上)同乾上(下)。
不算飛粉,差不多沒有色差,不過眼影未算最幼細,不過最右的那個組合,顏色配搭好像怪怪的...?最左2個組合都幾靚




下次會有這個眼影試妝文。多多支持:)

洗衣袋

我都話我唔係一個稱職的師奶仔架啦…做家務依方面的知識，真係缺乏得得人驚呀!

話說上星期同好友去敗家 shopping 換季! 我們都好鐘意去葵涌廣場買衫，其中在頂樓，三聯書局附近的一間小店 - 衫意興隆，我更幫襯咗七、八年，幫襯咗咁多年，老闆娘都知道哂我的喜好，我一去到，佢就會一件一件拎啱我 style 的靚衫俾我。每次一邊傾計一邊敗家，每次都會一大袋地走出門口。基本上我去放完血都已經無時間再逛其他啦!

由於我買得多、又買得平，所以我都好少去講究件衫可以著到幾耐。

直至那天我同老闆娘講，我喜歡雪紡質地的衣飾，但係每一次洗幾次就爛，我覺得好心痛呀 ! 而且雪紡料的又多數偏貴，所以要認真地諗諗係咪繼續買。

老闆娘同好友不約而同地問我「有冇用洗衣袋入住件衫先放去洗衣機洗?」

我：「吓?? 冇喎! 我剩係「爸爸」會入洗衣袋架咋喎!」

他們兩個立刻同我講「吓，唔得架，啲衫最好用洗衣衫入住先去洗，唔同顏色的衫分開洗，一個袋放兩三件衫。唔落洗衣袋啲衫洗完左鈎右鈎，快殘好多架…」

我：「咁…咪要好多個洗衣袋囉?」

「梗係啦！」

好好好…敗完家就去揀洗衣袋啦…

原來啲洗衣袋都有好多 size 同形狀，而且價錢一啲都唔貴，買咗依三個，都只係盛惠 $44.3

今次先試這三個不同牌子不同 size 的，睇吓邊隻最好用再補倉。

最左手邊那一個，我覺得最抵，只需 $12.5，網身比較挺的筒型洗衣袋，感覺上好似耐用啲!
中間那一個，$8.9，我覺得係最 hea 的一個，size 比較細，但窿窿比較密，我覺得可以用來洗雪紡、或者易洗到變型要 special care 的衫，
最右手邊那一個係特大的，最貴$22.9，真係連被袋都可能入到呀! 但質地同條拉鏈都明顯地加厚，係貴得有道理架…

遲啲同大家分享吓邊隻洗衣袋最好用!

姊妹化妝

其實今次不是大C第一次出JOB ,不過經過細C同同學既提醒,我終於都記得要影返低D出JOB相做REFERENCE。

剛剛過去的星期日應該是好日 ,化完妝離開酒店時己經見到有最少3部花車等接新娘啦!!!

跟大家分享下之前既妝相^^

油拔法的守則

做了幾天油拔法，我覺得都有效果喎! 之前沒有好仔細地講油拔法的守則，依家補返，大家可以一齊油拔啊~

油拔法係咩?

古印度流傅落嚟的養生法，因為細菌係親油性，所以用油來漱口比用水更帶走口腔入面的細菌，可以改善口腔問題。而且，因為舌頭有好多穴位，可以達到令人整體上從新恢復健康! 對於慢性疾病都有改善的作用，所以就係一個養生的方法囉…對我而言，其實都只係漱口而沒有直接吞落肚，no harm 啫~ 最多都係冇效用，一試無妨呀!

咩人可以做油拔法呢?

五歲以上的小朋友，甚至孕婦媽媽都可以

幾時可以做油拔法?

其實只要係進食後四小時、飲水後一小時，都可以做油拔法。

可能有些朋友仔可能同我一樣，每日朝早趕到裙拉褲甩，又何來15至20分鐘時間來漱口呢? 咁呢，我覺得就可以改在晚飯前進行啦…

午飯至晚飯中間其實都相隔到4小時的，但就要戒餐與餐之間的零食，同埋忍住一小時前唔好飲水。

我好少食零食，對我來講我覺得晚飯前做油拔法在時間配合上仲容易呢!

油拔法點樣做?

在口中含住一湯匙冷壓芝麻油/葵花子油漱口，但唔好將油吞落肚。15-20分鐘後吐出(漱口時間過長毒素可能會被身體重新吸收.. 小心) 再用鹽水漱口。吐出來的油應該是較乳白色的，如果不是就可能係口水唔夠啦。咁就要平時飲多啲水，或在做油拔法前一個鐘飲多幾杯水，又或者可以在做前先做舌頭運動增加口水分泌。

油拔法後會有什麼反應?

會有排毒的反應，例如會有爆瘡，發燒等反應，但是應該好快就會好返。將身體入面的毒素一嘢爆出嚟，爆完就會身體好啦!

其實我自己都只係做咗幾日，都有小小反應呢!

我係一個腸胃好差的人，可以兩三日先排便一次，係完全冇便意，但這幾日都有得去喎!

而我上兩個星期病了一個星期，其實都沒有睇醫生等自己好，用咗油拔法之後，咳多咗痰出來呢

而我右眼眼底不時會似係敏感的情況，中醫話係「癬」，係血虛而引致的，已經好耐冇翻發啦，但依兩日又無啦啦起返，我都唔知關唔關油拔法事呢? 
不過我就覺得牙齒表面好似比以前乾淨，聽聞多做油拔法啲牙都會白啲添架! 

期待更多的「反應」呀! 

更詳細的解釋，可以睇依條link... 或者去睇嚴浩既文章…

http://blog.yahoo.com/_FREOEB7XBFXE27QOWQEQNC2C2M/articles/1002883

油拔法，開動!

在美國訂的芝麻油，上星期就到香港啦…但真係忙得不可開交，連拆箱的時間都沒有!

趁假期先得閒開箱，今次買咗好多新東西啊! 而最令我期待的，就係冷壓芝麻油啦!!

就由四月一日開始試油拔法…

每日朝早起身，唔駛刷牙，用一茶匙芝麻油漱口15-20分鐘，再用鹽水漱口。

第一次試，入口第一個感覺真係有小小難頂，好大陣油味呀!!

不過「浪」多一陣其實就感覺唔到油味了。

唔知係咪成晚都冇飲水呢，一路「浪」一路覺得喉嚨好乾，而且仲好似有痰咁呢!

可能因為那天不用上班，其實等十五分鐘等到有點悶呢? 點解咁耐都未夠鐘?!

到今日，長假期後的第一個工作天，昨晚同大C為個photoshop糾纏到點幾先去睡，今朝自然唔想起床啦!

每次我唔夠瞓，刷牙時都會有反胃的感覺，而今日仲要一起身就放油入口，當然亦都係好難頂啦!

不過過一陣就冇事啦!

今日那十五分鐘過得容易一點，我一邊「浪」口，一邊洗面，仲有時間敷一敷眼…接著就換衫，執嘢，十五分鐘好快就過啦…但係我居然唔記得咗「浪」鹽水就直接去刷牙啦!

之前我還一直擔心，一大朝早怎騰出十五分鐘呢? 似乎又ok喎! 我今日仲要係遲咗起身架!

暫時未睇到身邊上有什麼改善，希望我有恒心繼續落去啦!