我得咗啦!

我要公佈喜訊呀…喜訊呀!

今天 miss 打電話給我…留言說四月時的考試出出result...叫我有時間就覆她

老實講…今次考試準備時間唔算多…信心只是一半一半。老師這樣留言給我…我覺得都兇多吉少，一直都不敢覆電話給老師!
到了下午鼓起勇氣打回去，老師說在開 party, 轉頭先覆我，問我是否想問考試成績，我話是
Miss：「哦，係呀，你pass㗎，65分！」
我即時開心到爆：「我見你留言冇講啲咩仲勁驚以為實唔合格添」
Miss：「我其實搵咗你兩日㗎啦⋯」

都怪我成日miss call…:p

IFA 考試合格了…終於都取得 IFA 香薰治療師的資格了。期待一個月後的正式証書! 也期待籌備多時的新目標。

湊住 BB 讀書考試…的確不是一件容易的事。溫習時根本就是在一堆廢紙裡找資料去溫習。真係好在合格! 可以安心努力準備九月底的 PEOT 功課和考試了。

懷住 leen leen 時報讀PEOT…身邊不少人都不停撥冷水…說我根本不會應付得到。

不過生完 leen leen 考過兩個試…兩個都合格到喎…

原來我個人都幾硬頸…我偏要做得更好…

來吧…繼續給我動力去做得更好吧。




Picture from pinterest

call me 翻譯員

X'mas 時收到 IFA Aromatherapy Times Translators Needed 的 email，IFA 希望會員可以協助翻譯雜誌內的文章。

不知從何來的心思，我居然好有興趣喎! 於是就回覆說有興趣協助翻譯的工作…

假期過後就收到要翻譯的文章了…

原來文章都幾長的呢…都真係要花點時間去譯喎! 今次分派的，係講手工皂!

噢! 其實我對手工皂的認識唔多喎! 不過我覺得這份小任務都幾有意義…

其實都睇唔少譯本的文章，總是覺得翻譯得很生硬。雖然自問文筆都不是很好，但都希望可以譯得生動一點，不要浪費好文章嘛!

希望這個星期內可以完成，亦希望有機會可以在 IFA 雜誌中看到自己翻譯出來的文章啦!

2013 年回顧

2013年的最後一日啦!

2013 年是驚險的一年…年頭被迫轉工，由一個天堂跌入一個地獄…雖然 title 有些微晉升、人工都有些少加幅，但是絕對是「有錢無命享」…轉工半個月後就飽受都唔知係中醫說的牛皮癬定西醫說的濕疹困擾，直至12月頭忍不住睇西醫搽最不願意的類固醇，病情先得到控制…

這一年裡，其實真的忙得不可開交…除了完成了香薰治療師文憑課程，還有考了 IFA 的國際試…不過好可惜呀! 解剖生理學肥佬了!

我只可以賴落老公的頭上…因為他在考試前幾日入了醫院…怕我無時間又無心機溫書.... :P

不過，我對自己的專業很有堅持!
為了考到最好的成績，我決定放棄明年三月的補考機會。忍痛等多一年，多花半年時間，重讀一次解剖生理學，明年11月才補考…我要做一個實至名歸的香薰治療師呀!

2013 年，在忙碌裡渡過了!

2014 年，我希望可以對自己好啲! 多做可以令自己開心的事…多為自己著想!
我還想花多點時間多思考、追求心靈上的滿足…而不是把所有時間花在工作上。
而且更要養好自己的身體，2013 年請醫生飲咗唔少次茶呀!

仲有，希望 2014 年我同老公都會努力實現他的 2014 願望，希望可以多一個新「title」 呀!

只剩兩星期.....

早前嘔心瀝血完成的功課和校內試成績出來了... 成績比我想像中好喎! A & P 本來諗住要補考，但居然都拿到六十幾分，立刻放下心頭大石! 

而做到喊咁口，印出來成本書咁厚的 60 個 case studies

一直都好驚會收到 miss 的打回頭電話，驚喜地 miss 俾咗個 v. good 我! 

 

超勁開心呀!!!!

反而比較有信心的 business proposal 就只是平穩過度.... 

而我一直都勁擔心的按摩試，賽後老師評語都係麻麻哋…但得出來都有 70 分，miss 仲話已經幾高分…咁我都放心啲! 在正式的考試，70分是剛好合格而已…於是成班同學就好擔心了，miss 就安慰我們說校內試的評分都比較嚴謹，mark up 10 分就差不多了!

整體上我是滿意的…分數比我想像中好.. 信心都多了不少。
雖然不是很高分，但以我的工作量而言，我可以放在讀書上的時間真的很少，不能勉強自己拿到九十幾分。原來，我對自己都要求都幾高…我把尺係咪放得太高呢?

放學後跟 miss 談了一會兒，她都安慰我，其實 pass 都已經足夠了! 不要給自己太大壓力就好了。

只剩兩星期就考 IFA 國際試啦…在日日做到八九點的情況下，真係好好安排時間溫習先掂呀!

終於搬好家了!

終於都的起心肝把 yahoo 的 blog 文都搬過來 blogspot，按下確定開始備份，yahoo 就即時變成唯讀，按下時真的有少許唔捨得呀!

而搬 blog 都無想像中咁順利，圖幾乎是人手搬的，每條 link 都要重新手動改 path，仲要reset size，好在 double c's talk 只有百幾篇文章。

難得好不容易才搞掂，我要重拾每日一篇呀!!

轉入直路

香薰治療師課程轉入直路啦！密集式的校內試已經正式開始，第一科就已經衰咗（唉...o_O）

功課，9/30 deadline 但做到今時今日都未完成到，真係做到個人好沮喪！每個weekend不是練按摩就是坐在電腦前趕功課，真係好攰呢！

有時真係好羨慕不用上班或者打舒服工的同學可以有時間溫書做功課，但我呢就考試前一日都仲加緊班！

我這個人唔見 deadline 唔流眼淚，流完眼淚就要收拾心情繼續衝！

我覺得趕香薰功課好似仲辛苦過趕 final year project! 考香薰治療師仲難過考飛機師，只得一次補考機會咋！

但諗諗吓，應該要從另一方面諗，讀香薰是為興趣，應該用享受的心態去完成功課去準備考試而不應該當是苦差事！

來吧，涯多一個月多少少，就能實現夢想，衰咗三月咪再嚟過咋嘛，怕咩啫？

重新出發吧！！

Yahoo 跟 Google, 你用邊個用得多？

我就甚麼都是以 Google 行先的，當初開 Double's Talk 都是用 Blogspot 先的呢，但無奈 Y! Blog 人氣勁好多，都只好向現實低頭，以Yahoo做基地.....

現在Yahoo 正式放棄 Y! Blog, 總算有個了斷！好多bloggers都苦惱應該搬去邊，十個我估有八個都係轉投blogspot，但我就諗都唔駛諗，非Blogspot的懷抱不投的了！

Blogspot 識用其實好好用，依篇blog在手機用返工時間打的，轉個頭就打完啦喂！

趕考試的我應該都有排先分配到時間來搬blog, 就先在這裡打啦！過去的，就遲啲再算啦！

Y! Blog 後會無期啦！雖然都有少少唔捨得，大大話話都用了六七年呀（包括我哋以前寫開的私人blog )

其實會唔會係Google塞咗舊錢俾Yahoo叫佢放棄Y! Blog 呢？

可以不上班嗎?

細 C 有時真係幾天真，日日推積如山的工作，以為每日加班，會有清完的一日。

但其實唔係呢…每日都有不同的工作堆落嚟，其實唔會有做完的一日架!

而且加班後，精神很差，第二日做嘢其實都係唔夠精神，效率都係低…

成日十一點先放工回到家，望住個升降機鏡裡的自己，就會鼻酸酸，點解會為了工作，搞到自己不似人型…
無時間返學做功課、無時間回家陪媽咪、無時間陪老公、無時間執屋屋企成個廢墟一樣、無時間讓自己好好休息、無時間打理自己殘到好似一隻鴉烏婆。

人生，唔係只得工作呢…仲有好多、好多有意義的事等住架!

今日一打開 amazon.cn，依本書彈了出來…

造物主其實真係好偉大，在你最軟弱的時候，會給你遇見一些東西令你重新爬起身繼續衝。
先唔好諗幾時可以做到「不上班」，但一睇個書名，又是一個感恩的 moment…

人，係要有夢想有目標的，沒有夢想沒有目標，同一舊木頭沒有分別…每日在公司已經係一個機械人，放工後要做返一個人呀!

明明，已經已經開始了為未來生活的部署，唔可以為了工作而前功盡癈。

同樣在工作緩衝期的大 C，她比我早一步諗通，唔再鐵人地獄式地工作。

放工後的時間真係要 ENJOY LIFE 對自己好啲呀!

我要搵返自己

人生，有時真係幾無奈呢!

每次上來 update，都要加插一個「忙」字!! 

Double C 近來都好似住咗喺公司咁，日日八九點放工都係等閒之事…

身、心…都好攰呀! 我好想放假呀! 但係…一想到放完假返嚟又要執手尾，就唔想放啦!

我倆真的很久沒有詳談過啦! 昨日迫煮煮吓飯的大 C 出來落街「交收」，我們就企了在港鉄站傾計傾到唔捨得走…

唔講真係唔知原來我倆在公司的情況真的不相伯仲，我一個人做差不多兩個人的工作，大 C 仲慘，兩個 under 佢的同事都走了，被迫一人做三個人的工作，壓力大到爆哂瘡。

我就希望在下週，因為下週起就有大陸同事幫水做日常唔需要用腦的工作了，涯多一個星期，再 fine tune 兩個星期，希望九月會好一點啦…

希望大 C 都會有「有希望」的一週…

同大 C 互呻了成個鐘之後，我覺得我真的要搵返自己呀! 真係唔可以生活中只有工作呀! 為咗工作，夢想都要擺埋一邊，好鬼唔抵呀!!

屋企真係要長備低能書調劑一下生活呀!

今日我選了新鮮熱辣的<我的低能湊B之道3>，雖然三十分鐘都唔駛就睇完，但可以睇到咔咔笑，睇完好似有返啲精神再去衝過…依幾十蚊駛得過呀!

腳傷中的細 C

哇…足足有10日沒有 update 過啦…

就在上星期四細 C 發生了小小的交通意外，右腳受傷了，有輕微的骨裂和甩較! 頭兩日右腳完全發唔到力，只能靠左腳跳住來「行」…真係攞命!

就係咁…這十日以來我就睇足咁多日跌打啦…除了星期日醫師放假有得休息吓!

唔好以為 SL 有得休息，其實我只不過係不需要回公司，但依舊要在屋企開工…
又要 work from home，又要山長水遠去睇跌打，行每一步都要 energy，其實仲攰過返工呀!

感恩康復情況比醫生預期好，這兩天見腳好了一點就照舊去做正經事…
星期四夜晚返香薰、星期五朝早去為老爺辦最後一件事、今日仲醒到去了好朋友仔仔的生日會…

最後今日被醫師發現我行得太多，休息得不夠，下令我唔准再行咁多! 如果唔係康復時間會更長、留舊患的機會更大。

好好好…我唔敢啦…

下星期就專心留在家研究一下中醫跟香薰的入門概念啦!
對自己好啲，過了六點就放低公司部電腦，專心休息!

 

pending 的 blog 文好多…在香薰堂上學了很多正嘢，好想同大家分享呀! 俾小小時間我…

超忙 Double C

過去一個星期真的忙到甩轆，只是可以勉強返到兩日奶奶屋企食飯，好在都抽到一日陪媽咪食飯…

先在星期一做大 C model，大 C 仲話，剛剛仲 take 多了另一間學校學化妝，深入研究眼妝呀!

就在上堂時 check email 發現 base formula 運費半價喎，返到屋企即時 urgent call 了個 BF 團購!
昨天落了差不多 HKD 6000 單…勁呀!

又再一次証明女人錢真係好易賺呢!

而最重要的，是上星期六先報的香薰治療師文憑課程，剛過的星期四已經上了第一堂啦!

勁充實的一堂，由坐低一直寫 notes 寫到落堂…

好多 formula 想同大家分享呀! 我同大 C 講，我依家真係可以日日講香薰，一隻香薰其實可以講三日呀! 我怕啲 blog 友會悶到嘔呀! 哈哈…

真係相逢限晚呀，上三個鐘堂好過睇三日書/在網上做 research 呀!!

而昨天我仲做到另一件我想做好耐的事…花了一晚做了依樣嘢…

希望明天就可以睇到實物啦…
等星期五搞掂就可以開估話俾大家知我做到啲咩啦…期待ing.....

跟夢想距離又近一點了....

經過個幾兩個星期的資料搜集，我終於都揀到了…

本來，我在 HKMA 和香健會兩間有開設香薰文憑課程的學校中間舉旗不定…兩間學校都各有好處和壞處…

HKMA..
1. 比較多人選讀
2. 學校比較出名 ( 不過 HKMA 在我心目中係出名呃錢.. 用錢買學位 )
3. 上課地點在尖沙咀比較方便
4. 學費比較貴

香健會
1. 密集式上堂.. 一個月的頭一個星期六和日返 FULL DAY，大約半年可以完成
2. 上堂地點在上環比較遠
3. 怕課堂太密集會吸收唔切，但係對工作影響比較少
4. MISS 都係香健會畢業的

本來我都打算報 HKMA 的了! 但突然想起 MISS 是在長沙灣的勵進教的…最後是選了這間…
1. 上課地點在長沙灣, 放工返學都唔算好遠，放學返屋企有直接車返到屋企樓下
2. MISS offer 了九折給我，學費平過 HKMA / 香健會差不多一萬，$22500 就搞掂啦!
3. 有 12 個月免息分期.. ( 其實有 500 元手續費的，但 miss 幫我出咗…老公話都係一次過付款，慳埋果 $500 好了，所以 $22000 就 ok 了 )
4. 採用循環上課形式…三年之內可以任 sit 堂，即是如果有某個 topic 想再重溫，可以等到再有開班的時候再返去聽多次。
5. 讀完的資格係 IFA, 但好似 HKMA 和香健會 IFPA 認受性比較好的呢，但MISS就話差不多，反而拎 IFA 五年後仲可以自己開學校添… MISS 手頭上只有 IFPA，佢自己都想考返 IFA 呢!

真好，雖然有點峰迴路轉，但終算選好了。

跟夢想距離又近一點了....

不過要繼續努力慳錢，因為讀學薰跟讀化妝一樣咁敗家架…

大家一齊嚟 like Le Petite Aroma 啦!

籌備多時的 Le Petite Aroma，終於陸陸續續咁出世啦!
現階段主打有 Base Formula 的蘆薈gel，和 Kobabshi 的花水和精油，之後我會陸續再發掘一些新產品，例如擴香石、香薰機等等啦，好讓大家可以由朝香到晚…哈哈…

在肥仔老公大大力的支持下…
我正式宣佈，我會正正經經讀一個香薰治療師文憑課程，做一個真真正正的專業香薰治療師…如無意外，希望今年之內可以開始。

要同自己加盡油呀!!

除了肥仔老公，身邊知道 Le Petite Aroma 存在的朋友仔個個都舉哂腳支持呢!

第一個係我最愛的薯妹........ 放心啦，雖然我真係好忙，但我依然會抽時間去做你最稱職的 WEDDING PLANNER…

之後呢…仲有睇住佢大但剛剛才正式握手仔做朋友仔的 Bearbi 妹妹，Bearbi 真係超可愛，姨姨有機會幫你按摩吓就好啦!

反而，是我自己未太 ready 去公開，不是我對 Le Petite Aroma 沒有信心，而係…我怕公司唔鐘意呀! 你知啦，我要養幾頭住家架嘛，仲要交學費學香薰添…我唔可以冇咗份工架!

來來來，大家一齊來 like, 之後會有迎新活動架!
http://www.facebook.com/LePetiteAroma

突然的外遊告示..

在星期日晚，我和大 C 的屋企發生了很突然的大事…

最終，星期一我跟大 C 一齊踏上了飛機，但，不是去泰國玩，而是去了印尼耶加達為我們的老爺做正經事。

醒起未正式介紹過我們的關係添…我們的老公是兩兄弟，大 C 年紀雖然比我小，但她老公是我的大伯，她是我的大嫂，所以就要叫大 C 囉。

詳情唔想講啦…但因為我們正在外地，要下星期一才可回港。
所以之前講開的 Kobashi 團購會順延兩星期，大家可以繼續留言，但可能會覆得比較慢，亦都唔需要擔心 join 唔切。

而 base formula 九折做到 8/12, 就要看一下 8/13 返到香港接到幾多單才決定訂唔訂啦…

總之我們現在專心在印尼做正經事，已經接近尾聲了，回到酒店依家可以用WIFI。
今日這個下午我留在酒店做應緩，可以覆一下留言。辛苦大 C 在外努力啦!

老爺，希望我們可以為你安排好一切，你放心啦…我哋會乖乖哋架啦!

千嬅 Vs 細 C

我都不記得由幾時開始欣賞千嬅!

千嬅和我一樣都是潮州人，都以自己是一個「潮州妹」為傲。
我們說話都是一樣的爽直 ( 難聽的講，是粗聲粗氣... :P )，都有兩脥插刀烈女的一面。

我們都一樣，先在外地註冊結婚，攤到凍哂先在香港補擺喜酒。
我們都有一個「嚴厲」但其實好錫自己的老公，所以好多無謂低能嘢都要瞞住老公「偷偷哋」做!

今日她的 RMB 出世啦! 你睇，大肚千嬅幾咁靚幾咁幸福....

Double C - 你們是誰?

兩個有著好微妙關係的 C 字輩女生。

一個每日醉心於化妝之中，每日不停忙於上堂、練妝、做功課、準備考試；

另一個每日沉醉於香薰精油裡面，無精油不歡，誓要以最天然最舒服的方式來過每一天。

兩個每日在辦公時間不停 msn 來 msn 去的女生，有著無窮無盡的話題。

在這個 blog 入面，乜都會講一餐，上至化妝護膚, 下至去邊度買到又平又靚的好嘢, 甚至點樣理財做慳家精儲私己錢，務求分享自己知道的，又覺得有用的…

好... 開始囉!