自家製茶包

之前睇中醫, 醫師說我根本是肥，是體內水份比較多，著我可以多飲紅豆水，加些薏米焗水飲! 一向都是炆燒杯fans的年媽，就用茶袋入好一包包的材料，每天朝早拎一包仔去焗, 下午就飲得!

很方便呢!

之前睇書，mark 低了幾個茶包配搭，同大家分享一下, 可以根據自己體質再 fine tune 呀!

桂圓+冰糖=改善手腳冰冷、鎮靜神經、促進血液循環

玫瑰花+蜜糖=驅風強身

黃茋+丹參+山楂=養腎茶

黑木耳+紅棗=潤肺止咳、改善氣虛、頭暈、眼花、面黃

紅棗+茶葉+白糖=恢復血氣、紅潤面色

麥冬+石斛+綠茶=滋陰潤肺

龍眼肉+花旗參=提高記憶力

杞子+花旗參+冰糖=補氣養陰 （陰虛體質）

嬰兒沖涼泡泡

每一個媽媽都有些小堅持…就是小寶貝的所有東西, 都想親手為她們準備。

我都是一樣! 年妹還未出世時…我同其他媽媽一樣…去到一年一度的BB展…都大手大手地買嬰兒沐浴露、cream、pat pat 膏等等。

但是買完的一刻…突然清醒! 點解我唔自己做呀?! 我根本就識整!

可惜可惜…錢都乖乖付上了才突然驚醒。

存貨…除了自己買的…還有朋友送的…用到今時今日終於都差不多用完!

終於…可以用自家製的啦! 第一炮是:嬰兒沖涼泡泡!

這個真的不得了! 好簡單容易啊!

材料:

洋甘菊花水 

椰子油起泡劑

甘油

防腐劑

起泡樽

材料就是咁簡單…把所有材料倒入起泡樽即成…兩分鐘內一定完成得了。

椰子油起泡劑 ( Cocamidopropyl Betaine ) 由椰子而成…強清潔力和起泡力, 用量5 – 40 %, 濃度愈高、皮膚愈乾、刺激性亦相對愈高。

除了用椰子油起泡劑…也可以用氨基酸起泡劑 ( Sodium Cocoyl Glutamate ), 同樣地有強清潔力和起泡力…而且相比地比較溫和…好適合做面部清潔用品…當然做小寶貝的沐浴泡泡都非常適合啦! 用量大約15-40%就好了!

配合起泡樽, 就能做出沖涼泡泡啦! 年妹超愛玩這個沖涼泡泡! 每次沖涼都會伸出小手要我泵少少泡泡給她…泡泡一到手就立刻摸在肚腩仔或頭髮上…超好玩呀!

除了用洋甘菊花水，用其他花水都可以的呢! 我還會一物二用用來當潔面泡泡呢! 旅行帶一支全家力來沖涼洗面都完全冇問題呀!

如果想做成杰身的梘液…可以加10%葡萄糖增稠劑, 以後大人都唔駛買梘液啦喂!

坐月必備 - DIY 乾洗頭粉

我真是一個無聊的媽媽…生囡我唔擔心唔緊張呀…反而擔心埋一啲無謂嘢

阿囡會唔會唔夠靚女呀? 啲衫仔夠唔夠靚夠唔夠著呀? 坐月無得洗頭無得日日沖涼咁點算呀? 幾時可以著返以前啲褲呀? 幾時可以染返靚個頭呀?

真係有幾無謂得幾無謂…哈哈…不過好多朋友都話…其實我這個心態都是一件好事…起碼不會太緊張…產後抑鬱的機會可能都會少啲。

其中…無得洗頭係我最最最大的 concern。我終於鑽研到點樣做乾洗頭髮粉啦。

其實坊間都有得賣乾洗粉…但是價錢都唔平呢。趁仲有幾日…測試一下係咪真係 work 先。如果到真係坐月時才試…發現唔太有效但係又洗唔到頭就大件事了。

材料好簡單:

1. 一個碎粉盒 ( 或者用一個平時放胡椒粉的小樽都ok )

2. 粟粉

3. 小梳打粉

4. 精油 ( optional la )

其實我都只係小試牛刀…所以用了1:1的粟粉+小梳打粉溝埋就撥上頭了。

沒有秘技…只係需要一小忽一小忽頭髮分開撥上粉在頭皮上…搞定再撥和梳一下頭髮…覺得不夠鬆或還是覺得有點笠就繼續撥粉上頭皮

放心不會變白髮魔女的。

平時我隔天一定要洗頭。我習慣早上洗頭，其實洗頭後第二天晚上已經開始笠+有頭皮+頭痕。這幾天我在做實驗…涯到今日已經第四日都未有好笠的感覺…而且頭皮都只是一兩粒…和平日之前一天洗過頭的情況差不多。

意外地發現…平時我的頭髮都很貼很塔…用了這個乾洗頭粉反而有點改善…頭頂頭髮冇咁貼呢!

不過我覺得逄鬆的感覺只能維持約幾小時…但好過無啦…頭皮唔笠唔痕已經好好啦…

唔知台灣的逄鬆粉係咪都係咁上下原理的呢?

我覺得這個乾洗頭粉不是只是坐月要用…平時頭髮太塔或是趕不及洗頭都可以用呢…

金盞花浸泡油 - 用咩油好呀?

連續講了幾日孕產婦的恩物…我哋今日又講返之前浸的金盞花浸泡油吧。

曾經我都有疑惑過…金盞花浸泡油應該要曬太陽嗎?

有疑惑就當然問吓老師啦。

老師話其實曬唔曬太陽取決定我們用什麼基底油來浸。

如果用比較便宜的基底油…例如我今次用 olive oil…就可以曬曬太陽了。植物的有效成份先可以落到油到，不過基底油的營養就可能沒保存很那麼好了。大約一個月就可以收成啦!

但如果用比較貴的基底油…如用 jojoba oil…亦想要埋基底油的營養…就可以放在陰涼地方…用較長的時間約兩個月去浸油…植物和基底油中的營養都可以拎得到了。

記得每天都要上下搖晃一下啊…植物有機會會索油…如果見到油沒有全部蓋住植物時就要多添基底油了。

延伸閱讀
金盞花浸泡油

金盞花浸泡油

哎呀! 又好耐都冇更新啦!

近來都係忙於返學…忙於玩…見朋友…當然仲有準備寶貝囡出世既大小事宜啦…

因為我同老公都是有皮膚敏感的人…甚至連奶奶都有濕疹! 所以囡囡都應該無可避免地遺傳到敏感皮膚的了! 所以近來都在研究有什麼可以準備定第時俾囡囡用! 還專登在台灣訂了這本書來研究呢!

第一樣想到的…就是浸金盞花浸泡油。因為浸都要浸起碼一兩個月…所以要早一點準備。

首先…在 ikea 買了一個玻璃闊口樽…

後來發現原來要買到比較高質素的金盞花都不是一件容易的事。
好在…有同學仔幫手周圍搵…好不容易才在太子才買到歐洲入口的…而且價錢亦不算貴好多…起碼用得安心啊~

再在惠康買了一支 cold extracted extra virgin 的 olive oil. 自從學了香薰…每次去超市都會跑去睇有沒有冷壓的植物油賣…

而這個品牌近來出現在我家樓下的惠康仔…其實原價一點也不便宜…但…長期有特價喎! 之前1L 特價賣 $62.9, 昨天我買 $58.9 而已。

不過真係要留意…一定要買 cold extracted extra virgin 這一款呀!

依隻平幾蚊既唔係 cold extracted 架…

材料就只有這三樣…一切準備好就可以開工了。

首先…先洗乾淨濶口樽…之後放進焗爐烘乾消毒。( 哇…原來個焗爐咁 dirty.. :p )

之後…把金盞花倒入樽。本來我仲以為兩包 30 克的會不夠裝滿一樽…但放完一包落去都已半滿了。

我又貪心多放了五分一包下去。

最後…1L的油根本連蓋過金盞花都不夠。我估…1L油加入 30 克金盞花應該就差不多了。Miss 教我…油只需蓋過金盞花多少少就可以了。而且花會索油…之後可以再加更多的油落去。

現在明顯不夠呀! 

惟有拿拿聲再去買多支油，起碼要加到這個份量呀! 之後如果油索哂…再慢慢加落去啦…

雖然…各大賣香薰底油的地方都會有金盞花浸泡油賣…但媽媽為 BB 親手浸的…始終唔同…可能療效更好架!

各位媽媽都不妨自己浸吓呀!

鈎 headband

又要講多次…生女真係好大件事呀!!

細 C 終於都考完試…同囡囡講好了…11月要多放時間陪佢…仲要好好休息一下…突然同伯娘齊齊都想學鈎嘢喎! 其實想學好耐了…鈎出來的織物真係靚過織好多架…

我已經急不及待叫同事帶我去買定了靚靚 bb 冷打算鈎被仔…

仲幫我揀好一個易鈎的 pattern 

同事好好…仲話教我添…希望快啲有得學就好啦…

今日要去檢查…朝早在家沒事做在 youtube 見到可以學織 headband 喎! 我正想敗啲 headband 俾囡囡呀! headband 又比較快完成…看似又不是太難…

又要去買啲粗冷嚟試先…


這個 bb 版用幼冷都幾靚喎!!

椰子油肚肚膏

自從有了囡囡之後…與身邊的孕媽媽或新手媽媽朋友特別好傾…不過呢…我同結婚時一樣…很少上 forum 找同期的 B2B 或者準媽媽交流…真係連 esdlife 和 baby kingdom account 都冇開呀!

因為我身邊的朋友都好好…知道我忙到極點…有什麼消息都會通知埋我!

不過我都有報恩的呢…就好似 leen leen 朋友仔 Dennis 的媽媽…是我的大學同學的老婆…本來都只是在他們婚禮上見過面而已…但大家都因為懷孕而變得熟絡…感覺就好似多了一個好朋友呢…

Dennis 比 leen leen 早一個月出世…所以去聽什麼講座呀…要買什麼呀…邊度特價呀…自己有什麼唔舒服呀…我們都會互相交流。

早幾日 Dennis 媽媽說肚肚好痕而且肚底勁爆紋…現在搽完 olive oil 仍是痕癢難當…

於是我就建議不如試一下用椰子油啦…對止痕有用的。不過我自己就沒有親身証實過…難得有白老鼠親身証實…yeah!

對於現在極乾燥的秋天天氣，之前 blend 給自己的肚肚油在夏天時覺得夠潤，但現在都變得太爽身了。於是我又研究了新的肚肚cream…

材料如下
椰子油 35ml
甜杏仁油 20ml
bee wax 20g
shea butter 2 匙
橙花精油 5  滴

先把所有材料隔水加熱…等 bee wax 全部溶哂就可以熄火了。

由於燒杯依然好熱…心急的我唔想等呀…就把燒杯放於在裝有室溫水的大杯上降溫。由於我是第一次用 bee wax 來整 cream…其實都沒有太大信心…但都即管試吓啦…

隔了一陣…發現開始有少少變硬喎!! 於是就用玻璃棒攪拌…真係變到 cream 狀喎!!!

極度開心呀!!!! 這是完全天然的 cream cream 呀!!
第時可以做給 leen leen 用啊…

我自己試用過就覺得好舒服又易推…所以都好滿意…
淡淡的椰子油味好香呀…不過感覺就好似蝕咗 5 滴橙花精油囉…因為俾椰子油蓋過哂啲味…

希望都可以解決 Dennis 媽媽的肚痕同爆紋問題啦…

如果有媽媽有相似既妊娠紋問題…都可以留言…睇吓我幫唔幫到你解決啦…嘻嘻…

女仔的每月之苦

真係不知道關長期休息不夠的事嗎? 剛剛的那一次「每月之煩」突然變成了「每月之苦」。

好慶幸我一向都沒有太多經痛問題，只是經常 delay，有時嚟到自己都不知道…

但今次真的好辛苦好辛苦呀! 先係正式開始前幾日，肚肚脹得好緊要，心想真的肥了這麼多?!

到正式開始的第一日，成身凍冰冰起雞皮…肚肚又悶悶的脹痛…真的幾趕時間出門口都要調支油救救自己呀! 如果唔係一整天都不知怎過…

在這個情況下真的好想快啲有 BB !

不過，調油真的不能急…勁輪盡地先後換了三次樽和蓋先出得門口…

底油我主力用了甜杏仁油，因為時間真的太趕啦…家中隨手就可以拿到杏仁油。此外，我也加了少許月見草油…可調節雌激素改善 PMS…

精油方面呢…其實一講到 PMS，一定會想起快樂鼠尾草。快樂鼠尾草可以促進雌激素和止痛…但係孕婦媽媽千祈唔好掂呀!

此外我還加了天竺葵，亦是 PMS 的好幫手…有調節荷爾蒙和止痛的功效…當然唔少得薰衣草這個百搭朋友啦…亦有通經和抗痙攣的作用…不過有低血壓的朋友仔就可以 tick out 薰衣草啦…

最後，就要解決周身凍冰冰的問題…要暖和大家都應該想起薑啦…薑除了可以令人有溫暖的感覺…而且都有催經、舒緩經痛之效…怪不得坐月都要勁食薑啦…

調好之後，急不及待要搽在肚肚上按摩一下…真的即時覺得感覺好了不少。回到公司已經沒有凍冰冰起雞皮的感覺…肚脹的程度都改善了不少! 第二天已經不用再搽了!

到幾日後，有同事苦著臉來找我求救，叫我摸摸她脹脹的肚肚…

真好，有人接收我那支只用了少許的每月之苦按摩油…她搽了之後也說明顯地得到舒緩! 仲立刻 share 了半支也經常受每月之苦困擾的同事旁身

再一次証明…香薰真係 work 架! 我又幫到人啦!

我覺得，這支油簡直要常備在巾巾袋以備不時之需呀!

媽媽肚皮油

契女的媽媽完成了餵奶奶任務都有一段時間，開始要的起心肝減減肥。

我當然要用行動來支持啦，雖然她有生第二個的打算，但是減肥是女人一世都做不完的任務，所以點都要減的!

當我問她，想要減肥按摩油還是減肥按摩 cream 呢? 她說陀 B 的時候都是用按摩油，近來天氣乾燥用 Baby oil ，對油的接受程度好高，咁就當然整按摩油好啦，快靚正+天然!!

原來她陀 B 時是用 clarins 的去妊娠紋油的，不過價錢真係唔平, $490 / 100ml...

這一支...

成份含玫瑰, 天竺葵和薄荷的天然精華油: 散發香氣，調和身心, 爽膚和活化皮膚 榛子油: 滋養, 保持皮膚的水分

其實都好天然呢…雖然我沒有試用/聞過，但我相信味道應該都幾香。

不過點解有玫瑰? 昨天先講玫瑰唔好掂喎! 

唔駛怕，其實現在有一些玫瑰精油寫明懷孕期間都可以用的，之但係坊間買到的，應該都不會特別寫明孕婦適用，既然有這麼多精油選擇，就唔好博啦!

如果都係驚，咪唔好用精油囉…

好簡單的 甜杏仁油 + 小麥胚芽油 + 玫瑰籽油，已經是很好的媽媽肚皮油啦…加埋橙花 / 柑就更 prefect 而已，對傷痕皮膚好有療效呢!

除了肚肚，記得要搽肚底、大脾、pat pat 等等易爆紋的地方，預防勝於治療呢…

一爆就好痛的啦! 

哇…講到自己爆過肚紋咁喎! 哈哈... 

因為身邊太多人催我生又太多人同我分享陀 B 同湊 B 的經驗，聽埋聽埋知道啲咁啦…

Matte 磨砂甲

在 she.com 見到這個 post 教用粟粉加入top coat 整 matte 指甲，好好玩呢！

為了按摩考試我已經放棄了美甲好多個月啦，有時工作忙碌對手不停打字，見到靚靚指甲都可以令自己開心返

唔得唔得，下星期三考完試一定要試玩！

解剖 FAITH IN FACE MISS INVISIBLE PORE MASK + 自家研製蘆薈 gel mask

冇呀, 我冇哦大 C 哦到樹葉都落架! 以前在公司都會同大C用電郵傾計，但依家日日俾電郵長期夾擊，見到電郵都怕怕，吹水電郵都無時間睇呀!

日日由朝早九點一直坐、密密手做到晚上八九點都係等閒之事…仲邊有時間哦人喎!

好…勞so完啦…講返正題先…星期日閒逛萬寧，終於見到大C舉哂腳推介的 Faith in face Mask 做特價

正想報料之際，拎起手睇包裝背面的小故事…

oh! 我見到我啲朋友喎! Witch Hazel & Peppermint…香薰治療師又上身啦…

於是就仔細咁睇睇 Ingredients…有好多我唔識的化學物質之餘，居然有我依家日對夜晚的香薰拉丁名喎!

除了有 Witch Hazel ( 金縷梅 ) 和 Peppermint ( 薄荷 ) ，仲有 Grapefruit ( 西柚 / 葡萄柚 )

即時覺得這個 mask 化學得嚟有啲 sense 喎!

容我曬吓命先…我同大 C 剛好相反，我是沒有毛孔的煩惱的，面上的毛孔比較細緻，面上的油脂分泌亦較少。不過有辣有唔辣啦，缺水缺油的皮膚雖然毛孔細緻，但乾紋卻較易出現，即係易老囉!

毛孔較大的皮膚，多屬較油性或暗瘡的膚質! 在 mask 入面的 Witch Hazel ( 金縷梅 )、Peppermint ( 薄荷 )、Grapefruit ( 西柚 / 葡萄柚 ) 都係對暗瘡皮膚有好處的呢!

金縷梅有很好的收歛作用，對收細毛孔有很好的效果。
薄荷呢，在 IFA 裡就不會用在面上，不過對發炎、暗瘡皮膚都有作用。
西柚就是相對比較弱光敏的柑橘類精油，特別啱油性和暗瘡皮膚，不過用在面上就比較刺激喎!

雖然，依款 mask 都唔算好貴，但都要二十幾蚊塊喎!
我又幫大 C 諗到慳錢又天然的方法啦…

好簡單，既然覺得依款 mask 好用，就照參考返它的成份…

由於薄荷 + 西柚精油都比較刺激，用在面上劑量建議頂盡 0.5% 就夠啦! 即每樣一滴加入 10g 蘆薈 gel 入面，厚敷上面…

再以金縷梅花水浸濕壓縮 paper mask，敷在蘆薈 gel上，敷 10 - 15 分鐘，剩低的蘆薈 gel 唔好洗掉咁浪費，可以順手用來按摩吸收埋。

我相信這個「自家研製蘆薈 gel mask」功效應該有過之而無不及呀!
有毛孔煩惱的朋友仔可以試吓…

(號外) BASE FORMULA 3 for 2 summer offer

今日收到 base formula 3 for 2 summer offer 的 email…

哇…勁吸引呀! 計返條數，其實有成六七折呢! 但係上個月先同同學仔趁有八五折 offer 時入了一次貨…

買了幾年 BF 都好似未見過咁抵呀! 真係揼心呀!

順帶一提，有同學仔剛去完沙灘暴曬，用綠泥 + 蘆薈 GEL 做面膜，敷完即時覺得白返呀!


辛苦完一個星期，等我今晚都對自己好啲，開個綠泥出嚟先…

學頭飾

報了2個月的頭飾班,終於在上星期五開始了! 很有勞作班的感覺,又令我回想起從前中學的時候,我最愛的科目便是美術,又做得最好的也是美術,幸運的我試過拿全級第一的啊 :)

我的同事也不禁跟我說"哇,你又學新野呀???"

其實說開,又真的是化妝相關的東西才令我有繼續學習的動力,我未學化妝前,其實已經有上WEDDING PLAANER的課程,不過未至於令我有動力向結婚行業發展,是學了化妝後才不斷對其他有關的東西有興趣。

這個小製成品很快便完成,第一堂老師其實主要是教使用不同用具及不同質料的組合,我覺得也有點美學的教導,跟朋友們一起在同一張枱上整頭飾,很有做女工的感覺,哇哈哈!!!!

這個製成品還可以嗎?

大人的濕疹 - 椰子油+杏仁油都幫到手呢!

有人問我上一篇 post 出嚟果隻揶子油喺邊度買喎! 喺美國訂的呢! 因為我預計自己係高用量，所以買咗大盒 1.6L…

其實都真係用得幾快，溝咗幾次椰子油+杏仁油，已經冇咗四分之一，但應該都冇乜人會好似我用得咁狼架啦! 買細盒裝 445ML 都用好耐架啦!

有個靚女就係幫我買咗盒細的椰子油，原來又係濕疹問題喎! touchwood 自己冇濕疹問題，但係身邊有太多朋友有濕疹，所以一聽到人話有就會好變態地想了解多啲…

隔咗個幾兩個星期，我又問返靚女情況點樣，濕疹好返未…好開心佢既濕疹好返啦…不過仲好乖地keep住搽椰子油。但係，另一難題又出現啦，就係起到成面粒粒呀! 原來佢係直接搽椰子油上面，冇溝其他油呢!

咁啱上星期上堂講到椰子油，椰子油對濕疹好有用，但係佢滲透性比較低，唔夠透氣，所以就好易出粒啦!
最好就先用滲透性高的油, 例如最簡單的甜杏仁油，再 cover 椰子油上面，作植物性 Vaseline 咁用，出粒的機會就會低好多啦! 唔怪得嚴浩教要用甜杏仁油溝椰子油嚟用啦…

順帶一提，買椰子油就要買固體狀的，液體狀的椰子油係 refine 過的，無營養價值架!

BB 奶癬濕疹，椰子油幫到手呀!

之前有朋友 ( 仲要唔係香薰朋友呀! ) 同我傾開自然療法，一講自然療法就好自然會諗起嚴浩。

我對嚴浩的自然療法都幾有興趣，但始終都無行動去試。

直至好姊妹生咗小 baby，剛滿月 baby 就出奶癬，baby 的面仔又紅又痕，痕到瞓唔到覺，搽乜都冇用，連我依個姨姨都心痛到暈咁滯。

好，我哋就置之死地而後生，決定試吓嚴浩教的冷壓椰子油 + 甜杏仁油!
身為一個 small heart 的準香薰治療師，雖然明知香薰可以幫到手，但 baby 真係太細啦，三個月之前都唔用香薰油，用植物油就最啱啦。
之前契女用開的香薰油等佢大啲先試啦! 而且嫲嫲都一定唔會批 baby 咁細個就用香薰啦…

大鄉里呀! 原來室溫下的椰子油，係固體狀架喎!

好不容易，先「筆」到一盒仔出嚟…

之後再加入甜杏仁油…攪攪攪…居然變咗 cream 狀o既質地呢!

再無聊裝飾吓個盒…可愛呢~~~~~

過咗幾日，爸爸打俾我，問唔知點解 BB 會突然甩皮 + 發紅，駛唔駛停用呢? 我回應應該係好轉既反應…

不過我自己都冇乜用過椰子油，於是就將 case 攤開同 miss、同學討論吓! miss 都認為，甩皮係好轉的反應，一段 BB 的皮膚癬都會喺三個月內自己退， 只係用咗椰子油，加速咗皮膚更生。

不過呢，嫲嫲一見 BB 甩皮就唔敢再用椰子油，改返用 Vaseline…情況都好轉起來。
後來再同媽咪傾返，原來 BB 搽完椰子油的第二天，面仔已經明顯地有好轉，而且真係有止痕的作用，對於一個媽媽嚟講，幫到 BB 止痕，已經好幫到手啦!
所以媽咪話依家對我、同埋嚴浩好有信心呀！

咁啱契女面仔又有少少濕疹起咗，不過我調的香薰油始終都有 BB 不太熟悉的氣味，所以搽腳仔佢聞唔到冇反抗，但搽面仔就唔係幾開心啦!
Sorry 呀囡，繼洋甘菊花水之後，契媽又俾啲臭嘢你搽啦…但苦口良藥嘛!

於是呢，椰子油 + 杏仁油 又再一次 apply 喺另一個敏感 B 身上…

兩日之後，我收到契女的最新消息，係開始甩皮啦! 我叫媽媽唔駛驚，繼續勤力搽，係好轉的反應，好快會無事…

唔好以為濕疹得 BB 先會有喎! 其實好多大人都有呢!
而大人的濕疹，有可能係情緒所影響，係一樣咁煩惱的。

明天我再同大家分享吓，另一個大人濕疹既 case 啦…

DIY 止汗香體噴霧

就快夏天啦…其實都唔係好關夏天事，肥仔老公一年四季都習慣噴止汗劑的。

其實我都覺得噴「香香」真係一個禮儀來的。

不過呢，肥仔噴開的都勁大陣味，佢仲要噴勁多。有時佢噴完果嘢，真係要行開啲…成日搞到我咳!

咁啱平時大量入貨的止汗劑用完，但又忙到冇時間去買。但你都知啦…習慣噴開止汗劑的人冇得噴有幾咁周身唔聚財......

好，我又發揮準香薰治療師的小宇宙，親手為老公準備最貼心的日常用品先…

材料好簡單…

99%酒精
純水
精油有 :

絲帕
檸檬
沒藥

先量 20ml 99%酒精，之後再加入絲帕、檸檬、沒藥

我自己就會落多啲絲帕，因為有收歛的作用。
檸檬味道宜人、而且亦都有收歛的功效，仲加埋清潔、抗菌的作用，殺哂!
沒藥有殺菌、抗菌的功效，而且用嚟做香水，仲有清醒頭腦之用添…不過懷孕期唔可以用，正常劑量都要少

今次我就落咗 6 滴絲帕、10滴檸檬、4滴沒藥

之後，溝入80ml純水，再入落噴樽，就完成啦!

我真係要多謝肥仔老公，某程度上，佢真係好願意去做我的白老鼠，而且仲好捧場添，每次都給我意見去改進，仲會主動要求 encore。
其實我係一個好懶的老婆，我唔係成日得閒去用精油幫身邊最親密的老公，學完按摩，按咗幾分鐘就會嫌佢個身勁吸油成本高而放棄。

成個精油盒咁多精油，真係要用多啲、用多的、用多啲呀!!

DIY 卸妝油 真係 WORK?!

上回講完自家製的卸妝油，咁梗係要講埋係咪真係 work 啦…

其實我自己好少化妝，隨手可得的，就只有 Solone 防水眼線膠筆，和好淡色的 nyx lip stick… ( 真係淡色到差啲睇唔到... ), 大家將就吓啦…


加適量的卸妝油在皮膚上…

打圈輕力捽捽捽…其實黑色眼線已經甩得七七八八啦…卸妝能力過關…

之後就係重點啦…加少少水乳化，按摩一、兩分鐘左右。
依個過程好重要呀! 乳化這個動作要做得仔細一點，記得髮線、鼻翼這些比較易忽略的地方。

有些人話用卸妝油會起粒粒，其實應該就係乳化的動作做得唔夠妥善，見到面上的顏色已經捽走就是但用水沖沖就算數。
其實在上一個 step 用卸妝油卸去面上的化妝品，污糟就溶入咗喺油度…乳化的功用就係令到油+污糟可以乾乾淨淨地隨水沖走

不過依張相影得麻麻哋呀! 因為落油唔多, 加水後抺乾得手嚟拎相機，乳化咗既水已經漏走哂啦…

最後用清水沖洗乾淨就完成啦…好乾淨呢!

實驗証明，自家製卸妝油係 work o既…

順手一提呀! 唔好以為冇化妝就唔駛落妝呀! 其實經過一日，皮膚上都唔知痴咗幾多污糟嘢…卸妝可以更全面地清潔皮膚啊!