SF 用 payme 可以減 $3

之前聖誕節寄聖誕禮物給未能相見的朋友，還有寄精油給客人，甚至自己網購，都會用順豐SF，貪有 tracking。

但單單 $30 一點都不便宜，如果客人順豐 locker 取貨，為了慳 $10 我會抽時間去順豐站寄。

近來發現由上個月開始用 payme 付款可以減多 $3，不過就只限上門或順豐站先可以用，locker 我試過是沒有payme付款的!

慳得一蚊得一蚊啊~~ 網購的成本又低了少少.... 哈哈~ 優惠只做兩個月到 2/21! 

年尾系列 - 記得 Check 現金卷到期日

不經不覺，明天就是除夕了!

今年都因為疫情關係，聖誕、新年都要宅住過。

不過宅有宅的好，繼續好好享受、發掘在家的樂趣吧! 

2020 年不時都 WFH ，就造就了更多跟年妹一起的親子時光。
身為一個在職媽媽，除了放產假那十個星期外，2020 年是我們相處得最多的時光了。

除了回顧 2020 年外，還有一件很重要很重要的事! 就是打手頭上到期日是 31/12/2020 的現金卷呀…積分呀…通通趕快用掉或兌換。

明年開始，手上一有現金卷就盡快用唔好留到年尾啦! 我自己就喜歡把信用積分兌現成現金回贈，或者直接選一張可以自動把簽賬回贈交咭數的信用咭。
我試得太多啦，試過為了用一張50元的現金卷，無啦啦消費了幾百元!

CASH IS THE KING!  

得返明天一日，大家加油呀! 😙

一月之計在月頭

趁月頭出糧, 同大家分享一個跟同日媽媽學，令自己減少無謂支出💸、從而可以儲更多錢💰的方法! 就是出糧後把預計一個月的駛費一次過從銀行取出💳, keep cash！

再把錢分成4份💵，用一個小袋子袋好！每星期拿一份錢💵放入銀包，如果星期尾有剩錢💵就放回在小袋子裡！

這個做法比月頭把一整個月的駛費放在銀包來節制用錢來得舒服，又可以避免失預算月頭就把錢💵花光變「長期糧尾」，再配合記賬📝就能更了解自己的花錢習慣了！

大家可以不妨一試！🤗

愈來愈難儲積分啦!

唔知有無朋友仔同我一樣，什麼都會用信用咭付款，連交水電煤甚至學費保險都用信用咭交，務求儲盡信用咭積分換現金回贈或儲 miles + 最後一刻先找數!

不知是否好多銀行都發現我這類「精打細算」的人呢? 一間又一間信用咭取消網上繳費可獲簽帳積分的優惠了! 以我所知，HSBC、DBS、citibank 網上繳費都沒有積分的，所以我要繳費都多數會用富邦，因為星期六日簽夠300蚊有兩倍積分…

而剛收到中銀 email，由 5/19 交保單貸款又 cut 埋 lu…而其他網上繳費應該係不變的…小心中計呀!

大新食肆簽賬 5% 回贈

出街食飯我多數都會簽咭找數的，點解? 因為唔俾貼士都唔會太樣衰囉! ( 孤寒.. ) 以我的角度來睇，其實已經有加一服務費，都已經俾咗成幾十蚊貼士，用不著再俾啦!

所以我都會幾留意各大信用咭食肆簽賬的優惠…最多人知的，當然就係 HSBC 的「最紅自主獎賞」啦! 如果經常出街食飯，設定食肆簽賬做 6X 都真係幾著數呢! 不過我個人勁憎 HSBC，所以都自然簽得少....

近日收到大新的宣傳信，食肆簽賬有高至 5% 回贈，正喎! 對於我經常忘記換積分的人來說，現兜兜回贈$相比積分來得方便和實際! 

不過呢，每個月最高回贈是 $200，即簽夠 $4000 就可以收手了!

http://www.dahsing.com/tc/html/credit_card/daily/dining.html

同場給我發現了簽賬滿 $1800 可以用 $1 換鴻福堂保健自家湯..... 

http://www.dahsing.com/tc/html/credit_card/daily/spend_redeem.html

我是一個不折不扣的湯精，但又無奈經常冇湯水飲，其實鴻福堂的湯都係一個好過冇的選擇。平時在公司樓下都有擺鴻福堂外賣，當我工作得好辛苦都會獎自己飲靚湯，味道都幾濃幾好飲的呢，我平時就最鐘意揀花膠湯，養顏嘛!

等我拎返差不多封塵的大新咭來簽吓先…如果在今個月內簽到 $3600 就好啦，可以回贈到 $180，仲可以加 $1 換 UA 戲飛或者加 $2 換兩個湯包!

又係時候食飯爭俾錢啦! 哈哈.. 

AE 又送 coupon 啦~

愛加人工系列又停咗一輪添…因為我依個慳妹近來都好鬼大駛呀! 

今日由到AE推廣電郵，日常消費送現金卷的 promotion 又到啦…

相比上一次，今次的 target 勁易 meet 喎 ! 只需在 9/29 前累積買夠 $300 就可以得到 50 蚊 coupon，$600 蚊就可以得到 100 蚊 coupon, 如果收到 AE 的電郵就快啲去登記啦…

不過同上次一樣啦，唔係張張 AE 都可以登記到架! 上次同今次我都係只得國泰AE OK咋… 收唔到電郵都可以用 AE 信用咭號碼碰吓運氣~

https://enroll.amexnetwork. com/HK/zh/EDS2013/?cid=hk- eds2013-edmchi&source=eD0121& om_rid=Nsmovq&om_mid=_ BSCYUWB80ZCAjJ&om_lid=amex7

八達通自動增值

慳家精又發功啦!

之前 citibank 激得我嬲嬲哋，用了幾年的八達通信用咭俾我 cut 咗…之後 citibank 又撩返我，rebate 了一百元給我，請我用多兩個月，我見當時又沒什麼八達通自動增值的優惠，就好無骨氣地開返張咭用住先…

終於俾我等到啦…

click 嚟睇吓詳情
http://www.octopus.com.hk/latest-promotions/aavsDec12/tc/index.html

先打電話去八達通度登記，自動增值完成後就可以得到閱卡機啦…如果選擇 $500 增值額仲可以得到 $100 超市 coupon

之後就去睇吓邊張信用咭再有優惠啦…
http://www.octopus.com.hk/easy-reloading/top-up-with-aavs/apply-for-aavs/tc/index.html

發現渣打有成 $150 現金回贈喎! 好啦…我就用渣打信用咭申請每次增值 $500…

不過要拎盡 $150 渣打的現金回贈真係好難，成功申請後只有 $50 回贈，之後要有兩個月的增值額達 $1800 先可以拎多 $100 回贈…
就當只拎到 $50 回贈 ，連同八達通公司送的 $100 超市 coupon，加 $150 「人工」都唔錯呀! 

人民幣定期

好似好耐冇講過依個 topic 啦…

半年前在 citibank 做了兩萬半年人民幣定期，到期時實收 RMB20205.56…( 我唔記得當時係幾多%啦..)

到期後我都沒有時間去周圍夾價…

到前幾日請了一日假在屋企攤抖，終於有時間問了幾間銀行人民幣，其中中銀三個月定期2.8%, citibank 3%, 但都只限新資金。

因為我的人仔已經在 citibank，所以 enjoy 唔到 3% 新資金 promotion 啦!

於是我就選了中銀三個月 2.8%，三個月後將錢放回 citibank 又可以變回新資金啦!!

雖然…三個月的利息都只不過係百幾蚊人仔。但錢都係放喺度，有小小增值都好過冇啦!!

其實澳元外幣定期比人仔更吸引的呢…不過近來唔算低，要等佢跌啲先可以入手啊!

星期三是師奶仔的購物日

昨日是長假期的第一個工作天，我就趁 lunch time 去盡一下做師奶的本份，去完惠康再去 jusco 補倉。

我有 citibank 的 rewards，逢星期三到超市，百貨公司等地方簽賬有 30 倍積分，而每 250 分在指定地方就可以當 1 蚊用。
我打算將積分用來交電話費呀! 唔知得唔得呢?

天氣好乾燥，於是我又逛埋萬寧買最最最便宜又好用的 Aqueous Cream

剛好現在在做特價，$20.9, 原價好似要 $24.9 的。當我去付錢時，只收我 $18.8，於是我就問一下為什麼會平咗?
原來，逢星期三會員買萬寧產品有九折架!!

今日我仲要扣 enjoy dollar 來付錢，抵上抵呢!

我決定以後要補倉，都會等到星期三先出手呀!

Black card 儲里數抽獎

好多人都應該知道儲 miles 最快的應該係 DBS black card，我同大 C 都好努力儲呀儲…

但係儲咗幾年先儲得兩張高雄機票咋…真係要努力啲敗家先得呀!

不過結咗婚之後，由一年三次旅行變到一年都唔知有冇一次，所以我依家都冇以前咁積極儲 miles 啦…

寧願用積分來換超市現金劵仲實際! ( 唉…師奶仔係咁架啦…)

但今日收到 DBS 的電郵，見到依個 promotion 都 ok 喎!

平時本地簽賬 $6 = 1 miles，依家最少都有 $4.8 = 1 miles.....

其實都唔理自己會唔會簽到 $3000，都登記咗先lu~~~

如我所料，我係抽中咗 $4.8 = 1 miles 的 offer 呀!! 好過無啦!

http://www.dbs.com.hk/zh/consumer/creditcards/blackcard/landing/20120925_mile_conversion.html

從日常開支起慳..

依家樓市好貴呀，業主加了我們大拿拿 $600 租，還價後都要加 $500，即係每個月又少 $500 駛啦!

其實我已經好慳，但真係要再慳啲! 首先，就由日常的支出入手!

現在我在用 smartone 的 iphone plan，扣完回贈都要 $150 一個月…
八月尾合約就到期啦…扣完回贈後，月費更要 $160 左右，仲要係得 400mb 數據而已…轉台去 csl 更貴，要二百幾蚊一個月呀!

雖然好多人叫我三思，但…我最終都決定，過台到<電訊數碼>，每個月 $60 + $12 = $72 join 佢哋無限數據 plan

其實我明知係會慢架啦…但睇錢份上啦…
如果用每月 $150 月費來計，一年可以慳足 $1000 咁滯喎! 慳埋慳埋用來換手機都抵啦…

今日我簽咗約啦…講吓送咗啲咩先.....

我在荃灣城市中心的新店簽約過台，即送 $20 7-11 現金卷

有效期都有幾個月呢…唔係得幾日就到期架!

仲有就係送這個無聊小玩意…佢送就要來玩吓啦，買就唔會架啦!

順帶一提，在電訊數碼出 SONY 最新的三防手機 XPERIA ARCO S 好抵呢，只係 $3998，比街價平足 $600 呀! 只需 join 返 $72 plan 就 ok 啦!

其實我在發現這個優惠前已經換了這新手機，好在我買得仲平，嘻嘻!!
我覺得這部手機仲好用過 IPHONE，影相又靚個MON又正…遲小小出一篇介紹文啦! 我部 IPHONE 4G 16GB 現在 trade in 還值 $2600，即係我補 $1300 就可以換到一部新手機啦…

係咪好「毒」呢? 哈哈!

大家可以考慮吓 Sony Xperia Arco S呀!

恭喜，我拎到 AE 送出的 $100 COUPON 啦!

上次講起登記完 AE 的新推廣後，在超市簽賬5次就可以收到 $100 COUPON 回贈。

事隔一個月，我已經簽夠 5 次 $100 以上的簽賬，前幾天收到電郵確認，10 星期後就可以收到 coupon。

仲未登記的, 把握時間啦…
https://enroll.amexnetwork.com/HK/zh/HKFastPayJune2012/

AE 咭送 $100 COUPON

信用咭在我的生活消費佔住很重要的角色，有得簽咭的時候我都一定會簽咭。
一來是有免息還款期，二來有得儲積分/miles，信用咭運用得宜，其實能令理財是更方便。

大家有冇 AE 咭? 有沒有收到 AE 寄來的 email ?

登記後用 AE 在超市等地方簽賬 5 次.. 每次金額需滿 $100，就可以得到 $100 現金劵回贈。

登記網址以下
https://enroll.amexnetwork.com/HK/zh/HKFastPayJune2012/

平時見到類似的宣傳 email 都會好順手地 delete，但這個回贈上年已經玩過了，真的好容易就可以拎到 $100 現金劵。
不過我有兩張 AE，一張是 CATHAY 一張是 DBS，CATHAY 那一張登記成功，但另一張是失敗的。

但 anyway 都可以試試登記。

MI＄＄：「男人唔係要嚟依靠係要嚟開心」

過了工作不太順心的一週…所以這個星期都圍繞在「愛加人工」系列裡面。
見到爽報上星期的一篇副刊，覺得都幾有意思，POST 出嚟同大家共勉之…

似乎我一直由畢業到現在的投資方向都幾正確喎!
安慰自己，依家儲錢儲得辛苦少少，過多幾年就有回報的啦!

http://www.sharpdaily.hk/article/sup/20120511/88796

「男
人唔係要嚟依靠，而係要嚟開心!」當「剩女」的終極人生目標被認定是搵個老公的時候，欣然承認自己是「剩女」的張佩儀告訴大家，她的「剩女攻略」是盡早為
自己打算及保障自己，男朋友是用來談情說愛尋開心，「尤其係𠵱家男女平等，甚至掉番轉頭，女人可以叻到養番個男人!」「剩女」，其實是「盛女」，有錢有
樓傍身，活得比「有人認頭」的更豐盛。

記者:陳承龍　何凱兒

張佩儀認為，沒有甚麼人啟發她熱衷投資，一切皆是自發。

第一桶金來自磚頭

「以前係做玩具廠買手，都做到身居要職，就係因為嗰次賺到第一桶金後，有朋友叫我買進取型泰國基金，咁我又唔識，於是索性入埋理財顧問呢一行，實行由低做起，希望做到自己嘅目標，金錢係為我工作，唔係我為金錢工作!」她的第一桶金與很多香港人一樣─來自磚頭。
「90
年代初期，有次機緣巧合同朋友去睇示範單位，計過數又負擔得起，於是每人夾12萬做一成首期，買咗粉嶺蔚翠花園800方呎240萬嘅單位，揸咗幾年，97
樓市高峯期嗰陣以480萬賣咗，扣埋使費，淨袋100萬。」除此一役，她在2005年高價買入紅磡海名軒，她不肯披露作價，但該屋苑在這個樓市升浪中持續
向上，她持貨至今，至少賺一倍。基金是她另一強項「97至2007年期間，投資基金最少都有一倍回報，尤其係2000年科網熱嗰陣，是旦一隻科網基金都升
一兩倍...」

波動市 iBond可發圍

不過，觀乎現在時勢，似乎很難造就投資英雌!「𠵱家咁波動嘅市況下，都係買番保本型基金，又或買一啲息率穩定嘅債券，例如iBond咁，買樓?自住無問題，最緊要係睇有冇需要，係自己供得起...」

Denise教路：女性各階段理財策略

在學階段

先在事業訂下目標，努力爭取工作及賺錢機會，就職以後開始有穩定收入，儘量避開物質誘惑，盡早建立理財概念

初入職

有收入後應做儲蓄，以備不時之需，考慮自己的保障（如人壽、醫療、危疾）是否足夠

工作4年或以上

有一定的積蓄及生活要求，例如置業、持續進修，可按短、中、長線目標建立不同的投資組合，落實自己的人生計劃

已婚

有了家庭及孩子，開支必定大增，故要為未來預算有更好的準備，必須妥善管理家庭財政

張佩儀 （Denise） 個人檔案

年齡：30 plus
婚姻狀況：未婚
學歷：浸大經濟系學士、英國愛登堡大學工商管理系碩士
現職：美國萬利理財亞太區總裁
嗜好：投資、旅遊、行山、參與慈善團體活動
著作：自資出版《30歲做百萬富女》，收益用作慈善用途

投資心法

(1) 定回報目標─做中長線投資，有一倍回報已經好理想，如果貪心再博，最終或會衰收尾

(2) 唔了解唔做─如當初賺到第一個100萬元的時候，有朋友叫我將呢筆錢買專攻泰國的進取型基金，但我唔知係乜，咁點買得落手呢？

(3) 太高風險唔做─例如窩輪、期權等，因為無得守，投資成本會化為烏有。

(4) 唔借錢做─唔計買樓，我都有試過借錢投資，但計過條數，啲息都唔係好化算，如果市況逆轉，一個浪打埋嚟，真係無得走！

(5) 運氣─好似我嘅第一桶金，唔可以唔承認唔關運氣事囉！

環保先鋒

我同老公都算是環保分子，平時家居垃圾都會盡量循環再用，其他的垃圾都會分類再回收。

屋企每日都收好多宣傳單張，而老公的職業更加搞到成屋都係 documents!
所以廚房有個大箱儲廢紙，儲到一定數量就會拎去回收!

今次儲了很多個月都懶搬去回收，有成 22kg 呢! 勁!
但可想而知幾鬼阻地方!

但大家又估吓現在廢紙回收幾錢? 其實個價一啲都唔高，啲公公婆婆每日執紙皮同問人拎免費報紙，都不知道可以賺到幾多錢....

我家樓下的廢紙回收只係 $0.9/kg .. 今日老闆娘收順了，給我們 $20。

食到一個麥噹噹早餐。哈哈!

其實錢事少，環保意識事大呀!

炒外幣初體驗

我成日都講，現在 keep 港幣是最蝕抵的!

現在的股市真的不是人人識炒，所以呢，我開始留意外幣! 貪外幣穩陣之餘也比較容易入場。

雖然你可以話買仙股咪得囉! 但是，仙股大上大落，隨時血本無歸! 相比而言，外幣就其實低至幾百蚊都ok喎!

上年一月因為要在銀行開人民幣戶口，買入了一千元人仔。一直都沒有理會這一千元，星期日突然心血來潮想賣掉，set 了星期一放，星期一就大跌市啦!! ( 咁其實係咪意味住我不宜投機呢? )

幸好我賣的是人仔，賣的是澳元就真的血本無歸啦! 澳元已經跌破 8 啦! 上兩個月我在 8.1 入了幾千元! 同事叫我再跌一跌就係時候溝淡啦!

收到銀行過數時，發現原來這一年四個月以來，這一千元人仔幫我賺了 HKD 44!

嗯…其實只是好少錢，但我心裡卻有點興奮。

如果我買一萬蚊，就可以賺到四百幾元囉!

不過我今次在獅子銀行買人仔，其實 RATE 會比較差的。兩個月前在 CITIBANK 做了二萬元人仔的半年定期，保證利息已經有四百多元了!
同事教我在中銀試試…即管找天在中銀又買 1000 蚊人仔，看看一年四個月後可以有幾多錢賺啦!

今日加了 $44 人工.. :P 繼續留意澳元先!

我的目標 - Aromatherapist

我的目標，等我!!

努力儲錢，香薰治療師課程，半年後我來啦!

原來有 PART TIME 的香薰治療師，邊個話讀香薰治療搵唔到食架?

做好理財，加自己人工!

Double C 都不算是超級敗家精，但奈何我倆都自己有頭家之餘還要供養父母，

年年等公司加人工等到頸都長都只不過加得幾百蚊， 遠遠都追不過通脹。



雖然我們已經不用同男朋友一齊努力儲錢結婚， 但一樣要同老公一齊儲錢買樓，但…份人工都追不過通脹， 變相可以用的錢愈來愈少，仲點夠錢嚟儲呢?



其實個個香港人都係咁…可以點?



咪惟有慳啲，同埋做好理財，多留意生活中的小細節， 要自己加自己人工真的不會太難啊。



Double C 長期都要諗每個月份糧舊錢點分配嚟用，同久病成醫的道理一樣， 所以對理財都有一點點心得架!



之後會陸陸續續分享如何在生活細節上作細微的改變去做簡單的理財 !



今日就先講基本步，就是要清楚自己啲錢用了在那裡!

記賬 - 記低自己每日用了幾多錢在什麼地方上， 是一個很好的方法去了解自己的支出情況。
當然，現在有好多 apps 都可以做到記賬的功能，但我自己就鐘意最原始地用 excel 去記賬。
例如今個月我只可讓自己花三千元， 我會把這三千元分配在不同類的支出上，每天記低用了什麼錢!

這個方法我同好多朋友分享過，但是每個人都說 : 吓，我 excel 好差架喎! 我唔知點入手喎!


我相信 blog 友們可能有這個 concern，於是我準備了一個收支表的 template 給大家 download。
大家無藉口啦! 大家只需要把分類上 Budget 的數字改成自己心目中的數目就可以了，分類可加可減!

https://docs.google.com/ spreadsheet/ccc?key=0Am9_ gFcC7yvgdDQwUXI5c2lIanRGZTNRdT JJQWpKUXc



明天就是新一個月的開始了，一齊開始記賬啦! 一個月後我們來 review 一下!

用支出表時遇到困難可以留言話俾我哋知!

加油哦!!