姊妹化妝

其實今次不是大C第一次出JOB ,不過經過細C同同學既提醒,我終於都記得要影返低D出JOB相做REFERENCE。

剛剛過去的星期日應該是好日 ,化完妝離開酒店時己經見到有最少3部花車等接新娘啦!!!

跟大家分享下之前既妝相^^

Cinthia Trong Hair Tutorial

大C周不時都上YOUTUBE睇片，最近又睇到一個教自己DIY髮型既VIDEO不錯的，所以要介紹給大家！

我想Cinthia Trong 這個blogger未必有太多人睇，她沒有Michelle Phan update得咁密，不過佢教既頭有ｄ都幾容易自己整，如果需要出席宴會或者去飲，其實都可能用得著啊！大家可以睇下再自己試下做，遲下大C都會招募下BLOG友練妝同SET頭，如果大家有需要化妝SET頭，可以問下我有無時間啊^^

做大 C 的 練頭 model

今日我冇夾起前蔭，冇gel頭，再加埋一個小小病的樣子上班， 個個同事見到我不是說：哇，你啲頭髮長咗咁多嘅？

就是說：你係咪唔舒服呀？

係，係有小小唔舒服，不過係昨天嘅事，連瞓 4 + 8 咁多個鐘之後已經好咗八成，只係今日 hea 咗小小啫!

點解要頂住一個 hea 樣返工？因為放工借個頭出嚟俾大 C 上堂呀！

我身邊都有不少學化妝的朋友，所以我已經不是第一次做練妝練頭的 MODEL 啦!

放工就急急腳趕返學，今日原來係沒有指定要做的頭，是自由發揮呢! 好在大 C 昨天有乖乖練過吓，要不然今日都唔知 set 個咩頭好呀!

就在大 C 努力時都不忘話 :

你啲頭髮真係好薄呀.......

你啲頭髮好幼好軟呀........

死啦，削完好似冇削過咁嘅？

公主唔到添…

啲粟米夾完靜俏俏咁冇咗啦…

一路坐一路就冇咩嘢做，放是就拎起手機爭取時間打依篇blog， 近來真係忙到甩肺，疏懶哂呀唔好意思！

最尾，大 C 完成了兩個頭…

這個，就係我倆都好 like 的側髻，其實同我上年結婚出門時的髮型好似呀! 其實我影 post wedding 的時候都有 set 過呀，可想而知我對側髻幾有情意結…

其實用我又薄又幼的髮質嚟練，可以令人好沮喪，但又可以令人好有滿足感，但如果可以搞得掂我個頭應該都冇咩頭可以難到你。

相信到細佬結婚時你應該學有所成，到時就唔該你這個大嫂幫我這個二嫂變身啦…

加油啊!

Michelle's friend - Daven ( hair stylist )

看 Michelle 的 video 看見了 hair stylist Daven，一個成身紋身的肥仔。
http://www.youtube.com/user/davenmayeda

發現他弄的髮型都幾易做喎!

大C近來上緊髮型班，真的要介紹這個肥仔給她認識呀!

就好似這個側髻，找了條「鞋帶」來幫手，就可以輕易弄一個大髻出來了。
於是我無聊用麻繩試玩一下，把辮子索上去那一個步驟真的超神奇 ( 雖然可能大家都識好耐... )
因為我的頭髮是超薄超幼超塔的，但用這個方法都可以弄出一個大側髻出來，超靚呀!!!

我將這個方法用在普通正常置中的髮髻都 ok 呢，發現原來用一條繩加一個夾弄出來的髮髻，比我平時用橡筋固定髮髻來得更好啊~
平時用橡筋髮髻不是束不穩就是太緊，扯住頭皮好痛呢! 而且我頭髮薄只能做到一個細髻，但用這個方法卻能弄了一個又有又立體的髻呢!

我試過勁 fing 頭都不會散呀!

大家都不妨試做，現在天氣熱，長頭髮有時都幾焗呢! 平時返工，或者出街束起一個髮髻都幾舒服呢!

Michelle Phan - 你識唔識佢?

我第一次看 Michelle Phan 的 video，就是幾年前大 C send 給我看她教用雞皮紙 ( 即是食雞蛋仔、公文袋那些啡色的紙 ) 弄曲髮的 video，大C試過是WORK的!


近來都有追看她的 blog，的確有好多正嘢睇…我最喜歡看 michelle 的 DIY，用的東西都好便宜、也很容易買到。

大家得閒都可以去看一下…我之後都會分享一下易做，好用的…不如就身體磨砂先啦…等等呀~

http://www.michellephan.com/
http://www.youtube.com/user/MichellePhan