我愛 Zalora

自從做了媽媽後…其實買極都是BB衫BB用品,

買俾自己的真的愈來愈少。

事關呢…現在的身型不似以前著咩都好睇…日日都趕頭趕命出門口…真的是是但但有件衫著就出門口了。

但… Zalora 的出現…真的令我瘋狂!!

因為…她的免費退貨服務。

見到喜歡的…唔駛諗啱唔啱身…著起靚唔靚了…

先買回來…試著完過唔到關就退囉…就係咁簡單。

退貨呢…仲要係用順豐到付去退…叫順豐上門收件又得…拎落順豐站又得…方便到呢。

詳情參考 這裡

下星期公司 annual dinner 要 formal dressing…好在 zalora 都不少選擇! 於是我就買了兩件比較闊身的回來「試身」…但媽媽級朋友話, 其實修身的看似更瘦…

過幾日見到幾條又買…

而最近發現自己好少帶飾物, 又在 Zalora 買了幾條好抵的頸鍊襯衫。

收到後已經急不及待要試…多了頸鍊的自己成個look果然係冇咁hea喎!

我落單時…是用了 DBS 的 75 折 promotion code…自覺勁抵啦…但優惠做到 11/30 就完了。

正當我打算收手隔一陣等新 promotion 的時間…給我看到 HSBC 做的優惠更加魔鬼喎, 係七折呀!!

有意跟我一齊買 zalora 的朋友仔…在12/1/2015 - 12/15/2015 輸入 promotion code 「HSBC30」就有七折啦!

而 12/16/2015 - 1/31/2016 輸入「HSBC28DJ」都有72折…

特價貨都有得折架!

​

而每星期四用 master card 結賬都會有 93折…因為不用入code…所以可以跟 HSBC 的優惠一齊用…所以呢…星期四入手係最最最化算的呀!!

​

Welcome, 2014

每年的一月一日，我都會對新一年充滿希望…

不過我真係一個虎頭蛇尾的人，真係未到二月，年頭定下的目標，就會忘得一乾二淨!

今年都會一樣嗎? 我唔敢肯定…不過，我會盡量 keep 住自己度氣…

2014 年的第一分鐘，我就送了小禮物給老公。

我都已經忘了有多久沒送過禮物給老公了，新一年，我要多關心老公，而唔係成日掛住瞓覺，我要為老公帶來一個五星級的家呀!

第一件事可能就係習慣每日拖地... 哈哈哈~

上星期為老公準備禮物時都順手送埋俾自己…
雖然，現在都多以精油代替香水，但有時都要氹吓自己開心敗吓家，放低身份換吓心情架嘛!

上個月我和媽咪都生日，媽咪話想買耳環，拿住會員生日 coupon 又咁岩睇得岩喎! 就買下了兩對耳環同媽咪 share 用…三千幾蚊可以買到兩對有小小鑽石的耳環，用來粗帶都幾抵呀!

雖然一月一日就已經好過份地三點都不肯落床，一整天都沒做過什麼!
不過已經實現了對自己好啲，令自己開心的願望…閒時敗吓家其實都可以原諒的! :)

(號外) BASE FORMULA 3 for 2 summer offer

今日收到 base formula 3 for 2 summer offer 的 email…

哇…勁吸引呀! 計返條數，其實有成六七折呢! 但係上個月先同同學仔趁有八五折 offer 時入了一次貨…

買了幾年 BF 都好似未見過咁抵呀! 真係揼心呀!

順帶一提，有同學仔剛去完沙灘暴曬，用綠泥 + 蘆薈 GEL 做面膜，敷完即時覺得白返呀!


辛苦完一個星期，等我今晚都對自己好啲，開個綠泥出嚟先…

TOO FACED 8折團購急CALL!!!!

係我內心正燒得火熱火綠時,竟然突然收到TOOFACED做8折的消息,著呀著呀~到底有無人同我一齊敗家呀?

https://www.toofaced.com/



放個火先~以下呢個特別版,原價USD113,現售USD65,折埋都係52!! 包含: 9 色眼影,出名既EYE PRIMER,仲有BEST SELLER既LIP INJECTION同埋眼睫毛膏,仲要教埋點搽至可以有最佳效果!!!!!!! 有興趣快D一齊敗啦!!!好快完!

淘寶，都唔一定抵架!!

真係風水輪流轉呀!本來同大C約定，以後每個星期一、三、五佢會出post，而星期二、四、六就我，真係連內容都諗埋架啦，但我居然甩哂成個星期，真係太過份啦！

因為真係好忙…忙返工、忙返學，又要忙住網購同「實購」…哈哈哈哈！

上星期日難得我倆都在家，又一齊淘寶啦!除了糖果美衣，今次大C揀了一間好合我倆心水的新店，一買就失控啦…係我失控呀! 得兩件係大C架咋，其他都係我的!!

集運進行中，貨到了告訴大家質素如何呀吓~

之前聽講座學識了飲陳皮水補氣，一直都想買個保溫杯，本來已經在淘寶揀好一個波點的，RMB19.8，但運費卻要RMB10，都未計集運返香港的運費，都已經差不多四十蚊啦!

http://item.taobao.com/item.htm?spm=a1z0d.1.1000638.53.v6shYc&id=16078989036

好似好貴咁，於是我又放低了…

星期六行開在荃灣廣場新開的一間38蚊日系精品店，之前在銅鑼灣總店行過已經好鐘意逛…

居然俾我見到有暖水杯喎! 仲要係差不多樣子…$38 一個，即時掃咗個粉紅波點

連個蓋都一樣架呢，仲抵過淘寶買呀!

所以話呢，淘寶都未必樣樣都抵架!!

得閒再去 Doilies 淘吓寶貝先~

星期四同大家分享陳皮水這個食療，嘻嘻! 今次一定唔會甩底架啦! 信我!

PHYSICIAN’s FORMULA 眼線膠 試色文

繼續試新野!!今日試埋PHYSICIAN’s FORMULA既眼線膠先!!!!一開盒,就己經覺得個質地好濕潤啦!!其實一買返黎己經急不及待試左上手,盒黑色己經比我開左封啦:)

附包裝送埋眼線掃,都幾軟,好似好難畫得靚,未試上眼唔知,不過試係手好似個筆頭線條好粗咁。



今次同埋BOBBI BROWN既眼線膠一齊試,第二張加左水,第三張用手大力捽左下。
正所謂有圖有真相---睇下PF既顏色幾實...反而BB無咁實,証明左PF易推好多啦!!!
加水大力一捽其實不論BB定PF都有少少甩色,但PF只係幾十蚊貨仔嫁喎!!有咁高防水力己經好勁啦!!!

BB我都用左好耐,不過開得耐,盒眼線膠就會乾..仲會硬左好難用....
平時我用BB,大半日就會甩左上眼皮,未知PF會唔會都係咁既....?下次試下眼試下先!!!

Physicians Formula NUDE EYE/ SMOKY EYES/ GEL LINER 開箱文

繼續介紹美國化妝品，這次是PHYSICIANS FORMULA的眼影眼線膠，看了不少評語，也說這個牌子的眼影不錯，見眼線膠又幾平，所以順便一次過訂回家！
收到後便急不及待要開箱，一見到盒NUDE EYES，好靚呀！個盒係真蕾絲黎嫁！超靚！！^_____^

２盒眼影Ｄ色都好靚，試上手都幾滑！

至於GEL LINER呢....肉眼睇好濕潤，唔知係咪真係佢所講咁LONG LASTING呢? 遲下試完話比大家知:)

女仔一定要旁身的東西

大家有冇見過這支在吉吉島 12 蚊店的「女性專用洗劑」呀?

我覺得每一個女仔屋企都要有這一支洗劑 ready 在屋企呀!

相信每一個女仔都會試過 m 到時整污糟衫褲床單的經驗吧! 以前細個唔識，都係用梘液清洗，雖然都仲會用洗衣機洗多次，但其實有時會洗得不撤底，衣服曬乾後都會有個印，之後件衫就會被打入冷宮

自從用咗依枝洗劑，血蹟比用梘液/洗衣液易清理，幾乎不費吹灰之力就搞掂呀! 有時範圍比較大，我就會先倒少少洗劑喺衣服表面，再浸一陣 ( 多數一個沖涼時間 ) 沖完涼啲顏色大致上都會退哂落水度，再用洗衣液洗一次再過一次清水就完成，真係方便又快捷呀!

唔知點解今日在家樓下的12蚊度全場九折喎! 即係全場 $10.8，抵抵抵!!

Maybelline master liner

哈, 我撈又過界啦…今次又係講眼線筆!

事源係上星期六見到10號萬寧會員全場九五折…就中咗入去逛一下…

就在當日下午看到了 Maybelline master liner 幾好用，於是就拎上手試吓!

咦，真係好易搽咁喎! 跟我上一次講的 Solone 防水眼線膠筆有點似…

而且，現在特價 $45，買兩件紫點仲要七五折…折實只係 $32…激抵!!

但激抵的代價就係買多了一支原價 $99, 折實 $70 的 Mascara，你話女人錢幾易賺呢!

其實我試過搽上次果支眼線筆返工，未到中午已經變熊貓眼，眼底黑哂啦… 大 C 話因為我沒有搽碎粉囉。
但我自己覺得又冇上粉底，只係搽防曬同遮了黑眼圈，要上碎粉咁大陣仗?

其實我真係要習慣吓上碎粉呀! 因為上了碎粉遮暇都會 keep 得耐啲!

好啦…當日我搽了 bb cream 出街，其實塊面是有小小油的! 未洗面之前我先試畫一下眼線，再過一陣見真係有啲溶，同埋眼底有點黑。於是我就洗完面再畫一次，又係過一陣再照鏡，溶的情況反而少咗添喎!! 因為眼蓋咩都冇搽比較清爽嘛!

下次我會乖乖哋上好碎粉再試…
不過，我覺得支"芯"好易斷啊! 只用了兩次已經斷咗一小截啦! 不過，斷咗反而更好畫.. :p

星期三是師奶仔的購物日

昨日是長假期的第一個工作天，我就趁 lunch time 去盡一下做師奶的本份，去完惠康再去 jusco 補倉。

我有 citibank 的 rewards，逢星期三到超市，百貨公司等地方簽賬有 30 倍積分，而每 250 分在指定地方就可以當 1 蚊用。
我打算將積分用來交電話費呀! 唔知得唔得呢?

天氣好乾燥，於是我又逛埋萬寧買最最最便宜又好用的 Aqueous Cream

剛好現在在做特價，$20.9, 原價好似要 $24.9 的。當我去付錢時，只收我 $18.8，於是我就問一下為什麼會平咗?
原來，逢星期三會員買萬寧產品有九折架!!

今日我仲要扣 enjoy dollar 來付錢，抵上抵呢!

我決定以後要補倉，都會等到星期三先出手呀!

Uniqlo best buy item#2 - T shirt

今日繼續講 Uniqlo 先…依家好多夏天 item 都特價呢…其中我另一必買 item 就係  t shirt 啦!

幾年前做緊小飛俠的時候，有同事在 $99 時買入，我就 $39 時買入，當然叫同事拿拿聲買多兩件「溝淡」個價啦!
再隔多幾星期發現可以減到 $19 一件…即時狂掃啦…  t shirt  永不嫌多的…

當做緊 $19 一件的時候，我聽到有顧客話 : 我以後都唔會正價買  t shirt  呀…

到今次見到 $39，仲要有 hello kitty, 米奇, winnie the pooh 等等圖案，即時雙眼發光啦!
不過我好忍得手，只買了一件 minnie，等吓睇睇會唔會減到 $19 再大量入貨啦!

我同肥仔老公著住 Uniqlo T shirt 在 32 度高溫下去了海洋公園，測試証明都幾透氣…老公都冇出哂成身臭汗…

不過我買白色，就覺得有小小透啦! 不過著肉色「爸爸」就無問題啦!

Uniqlo best buy item#1 - Heat Tech

話咁快，周圍都開始出秋裝啦，亦即係夏裝又開始特價啦，yeah!!!!!

我同肥仔老公一直都係uniqlo super fans，幫襯幾年啦!

其中 uniqlo 的 Heat Tech 更是每年的必買項目，真係好保暖，著一件打底唔駛著咁厚衫!

但只限上身，Heat Tech leggings 我覺得冇咩料到呢！一樣會有風入，但當普通 leggings 來著都幾舒服的呢！

又順便提一下，細碼姊妹可以買童裝短袖 140 或 150 ，只係 $39 架咋！size 同大人細碼差不多，不過衫身會短小小…但平足一半有多呀!
要買就真的要襯季頭買，因為到真係凍的時候，140 或 150 都會斷碼架啦…我早兩日去過又一城分店睇，都只係剩返一兩件 150，有買趁手呀!

同埋多數等到季尾先會特價的，早買早享受呀!

閒逛 Living Plaza 12 蚊店

忙完，開始靜下來過回正常生活，原來，我沒自己想像中堅強我都會有壞情緒…連續幾日在公司做做吓嘢會突然情緒好低落…

我知道自己要去 relax 一下…

剛好屋企樓下開了新的 12 蚊店…當然要去逛逛…見到又平又靚的東西，不用買，都開心返七成啦…

這些禮封真的好精美，將來一定要記得在這裡買，次次都手過年的利是封來封利是做人情，真的太 hea 啦!


我又發現 12 蚊店近來有好多田園風的產品喎!

memo 紙和信紙…超靚!! 碎花 + 波點的配搭，叫我怎招架得住?

碎花 + 波點的配搭還有紙袋…


和 clear folder....

碎花和波點廢紙藍…不過應該不是 12 元…唔知幾錢呢?

最後我又買了兩 pack 包裝袋，用來入我自家製的 cream 呀、按摩油來送人，還有一個波點小物袋…

$36 可以氹自己開心一下，都幾抵呀!!

Peach John Summer Sale 戰況 + 6ixty8igty 戰利品

同大家報導吓昨晚 TST Peach John Summer Sale 戰況先…

果真人頭湧湧呀!!


好多人呀!!



不過我覺得自己今次血拼前做唔夠功課…應該在 ON SALE 前去試定 SIZE 先嘛! 因為我從來未買過 PJ，所以一定要試身。

等試身都等了半小時…派號碼咭排試身房的 arrangement 都幾好，起碼可以逛住等呀嘛!
不過換句話講，應該一入去就拎定號碼咭先慢慢逛，咁就可以慳時間啦!

好不容易先等到房，一入到去見到張啡底粉紅波點椅! 要快手快腳試身的當時都忍唔住要快拍張相呀!! 如果我屋企都有張依啲椅就好啦!!

不過呢…試三件得一件啱身!! 但$200/2件喎!
最後我放棄了! 而且我覺得 PJ 的 cutting 好似不太適合我，下次少人的時間先再詳試啦!

我呢…敗家意慾好旺盛!

轉戰 LCX 的 6ixty8igty…可能個個去哂 PJ 而且時間比較晚，平時好多人好亂，今日異常少人同整齊!! 正!


好香艷呀!
清一色波點 un un ...  $128/5條 ... 而且是純棉的…抵! 而且還可以襯到 bra bra 做一 set…慳家精都係買返 6ixty8igty 算啦!

=========================================================

大 C 夜晚報料，沙田分店情況好似好好多喎! 起碼大 C 買到三件 ( 個樣仲幾靚添... )
而且仲話我知有波點…
雖然`TST 店都有，但冇我 size 呢!

下星期返沙田娘家時要去出吓血呀!