快啲嚟啦唔該 - 按摩篇

去印尼前咪講到經前問題o既…今次繼續講埋點按摩…

溝好了按摩油，配合適當的按摩手勢就事半功倍啦!

先平瞓，膝蓋曲起，將按摩油放在掌心，由肚臍下的腹部開始，一手按在另一手上面，順時針慢慢按摩直至皮膚自然吸收，不用清洗…

仲可以按埋小腿內側及足踝內側

圖片來源
http://www.carein.com.tw/

仲有及腳踝上方四指的三陰交穴，對子宮收縮有明顯影響!



不過我未親身試過 work 唔 work 呀! 因為去到印尼第三日，唔駛按就靜雞雞嚟咗啦…

下月請早…

敗家精之美國BOBBI BROWN 郵購

大C前前後後用過的畫眼線用品，多不勝數。

最近由 EYELINE GEL又轉了用EYELINER，平時一直用開BOBBI BROWN的EYELINE GEL，最近用了KISS ME的EYELINER，即時給巨人(我老公)說我濃妝=.=

咁我轉返用EYELINE GEL囉. . .人地想試下畫好D條眼線呀MA!!!!

之前襯美國BOBBI BROWN 8折（其實已經是４月的事了），買了自己心儀的用品，又因為朋友們也很想買，一次過買了五千多元的化妝品。汗...咁...真係好抵呀ma!!!

這盒眼影原價USD 60折後USD48，連運費也只不過是港幣400 ，差不多平了百多元，香港好像賣600或560，不太記得了。

順便買了眼線掃，因為很久以前買的BOBBI BROWN EYELINE GEL BOX SET送的那支小小的眼線掃不好用，一直很想買過一支，但靚掃價錢不便宜，今次 8 折後只是港幣140，想也不想便買了!!^^

最近又身痕，看見一些眼影SET裝，又會自然地燒著了，哇哈哈!這個DESERT TWILIGHT EYE PALETTE 好像不錯啊!大約港幣480，都是比香港便宜喎!

又是時間引誘吓身邊啲朋友一齊敗家啦…大家有興趣一齊喺美國訂 BOBBI BROWN 都可以留言話我知...

Base Formula 收貨啦!

老爺的正經事都搞得七七八八啦，係時候重拾心情，繼續日常的生活。

我們 8/13 回到香港，已經急不及待要立刻上網訂 base formula 啦! 不過一落機就仆返公司，但返到公司卻做到無停手！
偷唔到時間落單！九折做完了！
（但其實我返到香港都已經朝早七點，　英國都已經係淩晨１２點啦！返到公司唔忙都落唔切單架啦）

因為我自己果盒都已經用得七七八八，而且都夾咗幾個朋友一齊買，最後原價都硬食照買！

為了幫補一下幫朋友買蝕咗的差價，我就用盡運費，買多了幾盒！　自用或者送朋友都無問題呀！

不過送件速度真係快得驚人！星期四晚回家就發現信箱有咭仔，　下午郵差已經送過貨來，不過沒人在家而已！

好啦…咁我星期六就一大朝早去郵局打算自己　ｐｉｃｋ　貨啦…但發現原來有兩大箱呀!!! 我一個女人仔點拎?

最終昨日麻煩奶奶下午過來我家等郵差再送一次來! 你看，幾壯觀!

但…其實唔算重的! 一打開好似去了波波池，啲發泡膠多到呢....真係有機會漏咗盒喺發泡膠堆入面都唔奇呀!

第一次 Base Formula 的敗家戰利品...

期待幾時會收到今日落單的 KOBASHI ...

Cherry Culture 又八折啦!!

哇…CHERRY CULTURE 話咁快又八折啦!!
http://www.cherryculture.com/index.php

上次買唔切既朋友仔今次要把握時間哦! 因為今次時間勁勁勁緊迫，美國時間 8/21 晚就完啦!

一如以往，價錢好易計 : 貨價 x 8.5 就係要俾的價錢…快啲快啲!

上次有 blog 友留咗言話一齊訂，交收時先俾錢。我又蠢豬信佢，最後訂咗返嚟就失蹤了!

所以今次一定要留低電話同入咗錢俾我先會幫你訂呢!

有興趣的，就send email to doublectalk@yahoo.com.hk
email subject 寫明 : 我想一齊訂 Cherry Culture

而email 入面要寫你既名同埋電話
name
tel :

當然仲有要寫你想買咩啦!

product name
link
colour
qty
amount 貨價 x 8.5

大家快啲揀啦…8/20 星期一 夜晚11:00 就 cut 單架啦…得2日時間咋~

SHESEIDO MAQuillAGE 秋冬2012 True Eye Shadow

大 C 被燒著了!!!!!!每次一看到新的化妝品出時，大 C 就會雙眼發光，繼而就會衝動買了很多化妝品 =.=

自從開始學化妝，就開始學忍手，因為學化妝樣樣都係錢!

但係….看了成個星期 SHESEIDO MAQuillAGE 的廣告，我忍唔住啦!!!!!最新既秋冬眼影真係燒著我啦!!!


今次這個眼影是綜合了亞洲1萬的女性意見得出，女生最吸引人的樣子是「80% 微笑」的時候。內容介紹：


全新 MAQuillAGE True Eye Shadow，不褪色、不暗啞，傾融肌膚，粧效自然，雙眼瞬時變得渾圓亮大。同時將推出 MAQuilAGE True Rouge新色4款，1支賦予美麗色彩、光澤、滋潤感和持久度。豐富女性表情美，締造迷人「微笑粧容」。

5階段修飾眼周膚色 美瞳條件 無間體驗

MAQuillAGE True Eye Shadow一盒5色，包括︰

(1)賦予明亮效果的「光感亮顯底霜」

(2)賦予豐富色彩的「亮色眼影」

(3)令亮色眼影與膚色自然融合、使雙眼倍添亮大的「調和眼影」

(4)勾畫眼型輪廓，突顯雙眼存在感的「塑型眼線」

(5)修飾暗啞的「眼下專用亮顯眼影」

好吸引呀。好想敗返屋企呀!!!!!!到底我可以忍到幾時呢?

突然的外遊告示..

在星期日晚，我和大 C 的屋企發生了很突然的大事…

最終，星期一我跟大 C 一齊踏上了飛機，但，不是去泰國玩，而是去了印尼耶加達為我們的老爺做正經事。

醒起未正式介紹過我們的關係添…我們的老公是兩兄弟，大 C 年紀雖然比我小，但她老公是我的大伯，她是我的大嫂，所以就要叫大 C 囉。

詳情唔想講啦…但因為我們正在外地，要下星期一才可回港。
所以之前講開的 Kobashi 團購會順延兩星期，大家可以繼續留言，但可能會覆得比較慢，亦都唔需要擔心 join 唔切。

而 base formula 九折做到 8/12, 就要看一下 8/13 返到香港接到幾多單才決定訂唔訂啦…

總之我們現在專心在印尼做正經事，已經接近尾聲了，回到酒店依家可以用WIFI。
今日這個下午我留在酒店做應緩，可以覆一下留言。辛苦大 C 在外努力啦!

老爺，希望我們可以為你安排好一切，你放心啦…我哋會乖乖哋架啦!

快啲嚟啦唔該!

嘻嘻! 預告一下先，細 C 8/17 - 8/21 會去泰國旅行
本來大 C 都會一齊去的，但撞正她上堂的時間…注定佢同泰國無緣，無得一齊喺曼谷血拼添..........

還有差不多兩個星期，在開始密密編行程的同時，我的「好朋友」仲未嚟呀!!
其實我的「好朋友」一直都好鐘意遲到的，而且每次來之前都很痛苦，下巴、鼻翼會長很痛的暗瘡，胸會脹痛，手腳都會浮腫，真係好多時會腫到褲都變得好緊! 而且會突然心情變差好多負面情緒…即係乜嘢 PMS 都出齊囉!
可能近來天氣熱，飲多了凍嘢…上個月「好朋友」到的第一天，我是在公司可以發冷到起雞皮呢! 超痛苦呀!

對於結咗婚的我來講，遲到依件事有時真係令人有點驚嚇。
雖然我好鐘意小朋友，但仲未係時候做人媽咪住呀!

有一次遲咗足足一個月，連老公都覺得有需要驗吓，但係我係低能到蹲在萬寧10分鐘都不懂要買哪一款驗孕棒，最後要老公代勞。
本來打算第二朝驗，但回到家發現「好朋友」已經偷偷哋到咗啦! 係咪玩嘢呀?

我計過條數架啦…在今個星期五前「好朋友」趕得切嚟，都不會打亂我的泰國之途行程。我想做 spa 又想游水，仲專登買了新泳衣呢!

立刻查書，有邊款香薰精油可以調經…
我決定用天竺葵精油、快樂鼠尾草精油和薰衣草精油來幫我!

天竺葵精油可以平衡荷爾蒙分泌，促進血液循環，幫助排水避免經前水腫和下腹腫脹、乳房漲痛! ( 哇…正…啱我! )
快樂鼠尾草精油可以改善通經、利子宮、經期不定的問題
薰衣草精油可以對抗焦燥情緒，都可以通經、解除充血和腫脹

而按摩的效果會比擴香來得快呢!

底油呢，就一定要用月見草油啦…之前都講過月見草油有豐富的 GLA，也是內分泌物質的重要來源，協助平衡賀爾蒙，所以也可以舒緩 PMS。不過月見草油不需要用太多，主力依然係用杏仁油，加少少月見草就 OK 啦!

於是我又拿拿聲開工整按摩油啦! 又係出動 DropDrop 的時候!