CINEMA SECRETS 五色遮暇

之前提過大C用過既遮暇多不勝數，今次介紹下CINEMA SECRETS既遮暇，遮暇膏呢家野，真係好睇你既用法，有人話好有人話唔好，其實都係大家用既方法唔同。



呢隻遮暇係香港賣成三百幾，對學化妝的我來說，算好抵，330/5=66 都係66蚊一隻色，但BOBBI BROWN 二百幾得一隻色咋喎!咁你話係咪CINEMA SECRETS抵好多先?

雖然，BOBBI BROWN係真係比CINEMA SECRETS濕潤度高少少，但對比價格就真係CINEMA SECRETS化算好多，而且，對於大黑眼圈的我，一隻顏色既遮暇係無可能修飾到我既眼圈。

再加上有暗瘡印的話，CINEMA SECRETS真係一盒搞掂晒! 大C呢排粒粒不停起，成面暗瘡印 =.=

對於眼圈有乾紋既問題，各位姊妹請用比較高潤度既眼霜，得有時間用眼霜按眼，敷眼膜都會對眼紋有好有既幫助嫁!!!

另外覺得遮暇膏真係好乾既話，可以加少少面霜落遮暇膏，推開再用，咁就會好好多嫁啦!!

我用既色號係KIT 1，不過KIT 3都不錯，今次準備自己係美國訂，計埋運費都比香港平成一百蚊!!!

OMG! Cherry Culture 又八折啦........

OMG, 今日下午又收到 Cherry Culture 的電郵，又做八折啦!

立刻報料俾大 C 知道…
「哇…駛唔駛咁密呀? CC 執笠呀?」

哈哈哈哈…唔好呀! 千祈唔好執笠呀! 雖然 NYX 依家已經登陸香港，但網購 + 超貴運費，都仲係平好多架!

上次儲唔夠單，今次再接再勵，一樣都係貨價 x 8.5，就係要俾既價錢，包咗美國運費架啦。

有興趣一齊買就 email 去 doublectalk@yahoo.com.hk 啦! 下星期二 9/4 cut 單架啦!

網購用咩信用咭最著數? - DBS PROMOTION

我們開得一個分類叫「宅住買」，就咁梗係成日宅住來網購啦! 各大團購日日在 facebook 洗你版、又炸你 email，真的好難忍到手呢!

而我們更加會在外國訂化妝品訂 skin care 訂香薰，既然錢都會用的啦，就當然要用得精明啲啦!

今日講吓 DBS 的網購優惠。

優惠1 :

在 YAHOO 團購累積簽賬 > $500 => 現金回贈 5% , > $1200 => 現金回贈 10%

都幾抵喎!!! 不過做埋聽日咋.. :P

優惠 2 :

用 PAYPAL 來付款買嘢…簽 2 次 $500 之上有現金回贈，而如果俾錢時輸入優惠劵兌換碼 CDBS50，就即減 $50

http://hk.dbs.com/zh/consumer/creditcards/diningclub/emarket/shopping.html#paypal

上次我訂 Kobashi，就用了 PayPal 來付款，再入埋優惠卷兌換碼 CDBS50，即時減了 HKD50，爽呢! 不過做到 9/13 咋…快啲把握時間買買買啦!

優惠 3 :

網上或用 APPS 買百老匯, PALACE / AMC 戲票三次就可以享有 $10 現金回贈, 同樣係做到 9/13

而 COMPASS 都有新搞作喎!
就係每次在網上簽賬 $500，就可以瓜分三十萬 DBS DOLLAR  啦…不過我都會選擇用 DBS CARD 現兜兜的回贈，好過什麼瓜 DBS$ 分啦…都唔知分到幾多?

http://www.compassvisa.com.hk/html/new11/onlinespend.aspx

未完架未完架... 今日講依個係限時 PROMOTION，下次講的係長期咭優惠呢!

Uniqlo best buy item#2 - T shirt

今日繼續講 Uniqlo 先…依家好多夏天 item 都特價呢…其中我另一必買 item 就係  t shirt 啦!

幾年前做緊小飛俠的時候，有同事在 $99 時買入，我就 $39 時買入，當然叫同事拿拿聲買多兩件「溝淡」個價啦!
再隔多幾星期發現可以減到 $19 一件…即時狂掃啦…  t shirt  永不嫌多的…

當做緊 $19 一件的時候，我聽到有顧客話 : 我以後都唔會正價買  t shirt  呀…

到今次見到 $39，仲要有 hello kitty, 米奇, winnie the pooh 等等圖案，即時雙眼發光啦!
不過我好忍得手，只買了一件 minnie，等吓睇睇會唔會減到 $19 再大量入貨啦!

我同肥仔老公著住 Uniqlo T shirt 在 32 度高溫下去了海洋公園，測試証明都幾透氣…老公都冇出哂成身臭汗…

不過我買白色，就覺得有小小透啦! 不過著肉色「爸爸」就無問題啦!

Uniqlo best buy item#1 - Heat Tech

話咁快，周圍都開始出秋裝啦，亦即係夏裝又開始特價啦，yeah!!!!!

我同肥仔老公一直都係uniqlo super fans，幫襯幾年啦!

其中 uniqlo 的 Heat Tech 更是每年的必買項目，真係好保暖，著一件打底唔駛著咁厚衫!

但只限上身，Heat Tech leggings 我覺得冇咩料到呢！一樣會有風入，但當普通 leggings 來著都幾舒服的呢！

又順便提一下，細碼姊妹可以買童裝短袖 140 或 150 ，只係 $39 架咋！size 同大人細碼差不多，不過衫身會短小小…但平足一半有多呀!
要買就真的要襯季頭買，因為到真係凍的時候，140 或 150 都會斷碼架啦…我早兩日去過又一城分店睇，都只係剩返一兩件 150，有買趁手呀!

同埋多數等到季尾先會特價的，早買早享受呀!

閒逛 Living Plaza 12 蚊店

忙完，開始靜下來過回正常生活，原來，我沒自己想像中堅強我都會有壞情緒…連續幾日在公司做做吓嘢會突然情緒好低落…

我知道自己要去 relax 一下…

剛好屋企樓下開了新的 12 蚊店…當然要去逛逛…見到又平又靚的東西，不用買，都開心返七成啦…

這些禮封真的好精美，將來一定要記得在這裡買，次次都手過年的利是封來封利是做人情，真的太 hea 啦!


我又發現 12 蚊店近來有好多田園風的產品喎!

memo 紙和信紙…超靚!! 碎花 + 波點的配搭，叫我怎招架得住?

碎花 + 波點的配搭還有紙袋…


和 clear folder....

碎花和波點廢紙藍…不過應該不是 12 元…唔知幾錢呢?

最後我又買了兩 pack 包裝袋，用來入我自家製的 cream 呀、按摩油來送人，還有一個波點小物袋…

$36 可以氹自己開心一下，都幾抵呀!!

從日常開支起慳..

依家樓市好貴呀，業主加了我們大拿拿 $600 租，還價後都要加 $500，即係每個月又少 $500 駛啦!

其實我已經好慳，但真係要再慳啲! 首先，就由日常的支出入手!

現在我在用 smartone 的 iphone plan，扣完回贈都要 $150 一個月…
八月尾合約就到期啦…扣完回贈後，月費更要 $160 左右，仲要係得 400mb 數據而已…轉台去 csl 更貴，要二百幾蚊一個月呀!

雖然好多人叫我三思，但…我最終都決定，過台到<電訊數碼>，每個月 $60 + $12 = $72 join 佢哋無限數據 plan

其實我明知係會慢架啦…但睇錢份上啦…
如果用每月 $150 月費來計，一年可以慳足 $1000 咁滯喎! 慳埋慳埋用來換手機都抵啦…

今日我簽咗約啦…講吓送咗啲咩先.....

我在荃灣城市中心的新店簽約過台，即送 $20 7-11 現金卷

有效期都有幾個月呢…唔係得幾日就到期架!

仲有就係送這個無聊小玩意…佢送就要來玩吓啦，買就唔會架啦!

順帶一提，在電訊數碼出 SONY 最新的三防手機 XPERIA ARCO S 好抵呢，只係 $3998，比街價平足 $600 呀! 只需 join 返 $72 plan 就 ok 啦!

其實我在發現這個優惠前已經換了這新手機，好在我買得仲平，嘻嘻!!
我覺得這部手機仲好用過 IPHONE，影相又靚個MON又正…遲小小出一篇介紹文啦! 我部 IPHONE 4G 16GB 現在 trade in 還值 $2600，即係我補 $1300 就可以換到一部新手機啦…

係咪好「毒」呢? 哈哈!

大家可以考慮吓 Sony Xperia Arco S呀!