Double C's Talk

2013年6月10日星期一

五個準香薰治療師的戰利品

又團購啦…五月中，跟四個同學仔一齊買了超誇張的兩大箱 Florihana… (love struck)

價值成二萬幾蚊架!!

星期日晚落單，星期四就到啦…真係勁快呢!!

相比 BASE FORMULA 的波波池包裝，florihana 的確實整齊得多。

先開第一盒，花水和底油整齊地分兩層排好入箱

第二箱就是容量較大的花水和底油，以及好幾盒的精油…

精油一盒盒放得勁整齊呀!

哇…精油多到一望無際呀!! 睇到都心花怒放呀… (love struck)

花水更一望無際，成張茶几都放不完呀!! (laughing)

分貨都分了一整個晚上呢，真的好震撼!! 終於都買到一些一直想買的底油，而手頭上的 cheap 貨精油都已經買返 florihana 啦… (applause)

身為一個準香薰治療師，對精油、花水、底油都要有堅持呀!

六月，好 critical 的一個月，每個星期都有測驗，每個星期都要抽半日來上按摩堂。
在 quarter end 的工作量下四天工作，真係有少少唔好意思呀! 而且公司有點小變動，工作量預期在這幾個月會有增無減。

對住只剩低四個月的時間，要做六十個 case，一個個人營商報告，仲要應付十一月頭的 IFA 考試…

我有啲淆底呀!! (hypnotized)

加油加油加油!

2013年6月8日星期六

買書買到去 Amazon - 攻略篇

上次連續兩日講完宅買平書之後，就一直忙忙忙忙忙…我真係要認真地重新學習時間管理呀! (yawn)

等我們繼續講 amazon.cn 的攻略先…

其實好多書可能在淘寶都差不多價錢，不過我都會對 amazon.cn 比較有信心。
而且，在 amazon 不一定要用支付寶，用信用咭直接過數都 ok，起碼都慳咗 1.5% - 3% 信用咭手續費啦…
而另一個主因，亦因為送大陸地址滿 29蚊就可以免郵，比淘寶容易呀!

如果一次過買得太多本，我會送到集運俾小小錢再一次過送回家。 (big grin)

我會先將想買的書，都放進購物車。amazon 真的好細心，如果在購物車裡的貨品價格有變化，一 login 就會在頭頂 show 哂出來。

( 哇…今次大規模減價喎! 還減得幾多…是入手的好時機啊! (tongue)

)

除了不時會有特價之外，仲有有好多要入 code 的優惠，就好似下面這個買滿100元減20元，滿200元減50元，即係減完之後仲打多個八折…yeah!!

有時仲會有買滿 99 元送一本在「活動贈書區」的書，不過我自己就多數都選唔喜歡的書，都係實實際際減錢比較開心!

現在我在書店見到喜歡的書，都會停一停、諗一諗，跟住回家找找 amazon 有沒才決定買唔買…

我屋企的書櫃多書到得人驚，但本本都係睇得一半。之前都比較喜歡上圖書館借書，已經戒了買書這個習慣好多年，唔小心又 pick up 返添! (tongue)

2013年5月20日星期一

買書買到去 Amazon - 化妝書篇

有次去大 C 屋企，她讓我看她剛買的三本化妝書…

嗯…好似有點熟口熟面喎! 好似 AMAZON.CN 有喎!

於是我們就急不及待即時 search，點知…真係有喎!!!!

好在，係暫時缺貨…

唔知係幾多錢呢…

而 Kevin 這一本完美彩妝索價只需 RMB 14.9，雖則不是常常有五折，但原價都只不過是大約 RMB30 !!!!!
大 C 即時覺得好揼心，在香港買貴好多好多呀!!

大C，下次買書前記得先上 AMAZON 夾價啦…

我已經幫你揀咗兩本你沒買的 PONY 化妝書，20 蚊都唔駛… 夠抵啦啩?

http://www.amazon.cn/gp/product/B006LELZ3A/ref=ox_sc_sfl_title_2?ie=UTF8&psc=1&smid=A1AJ19PSB66TGU

http://www.amazon.cn/gp/product/B009GWSEII/ref=ox_sc_sfl_title_3?ie=UTF8&psc=1&smid=A1AJ19PSB66TGU

2013年5月19日星期日

買書買到去 Amazon

網購除了敗家以外，其實我都有買正經的東西，就係在amazon.cn買書啦！

點解我會去amazon.cn買書呢? 其實就係幾個月前有一個同事去了miss舖頭學DIY, miss 介紹了幾本香薰參考書，一向喜歡上amazon買書的她居然找到了簡體版，仲要係勁平，二三十元就有交易。
平時我對簡體書都沒什麼好感的呢，但眼見真係平好多喎! 將就吓，睇睇吓就慣架啦…

在amazon買書，好容易就可以 free 國內運費，而且速度好快，今日落單明天就到貨啦。同事把書寄去深圳office，跟其他客人的退貨一齊送來香港office，前後只需三天…運費係零支出，真係開心到暈呀!

第一次我就買了好幾本香薰參考書，先有比較著名，英譯中的參考書…其實真係悶到暈，字多圖少，但學術性較高。如果要買繁體版，要過百的，但依家都係三四十蚊本咋!!

其次，還有比較有趣 ( 即是比較多圖 (tongue)

) 其中兩本是日譯中的。

除了中文書，我亦都買了英文原著書…不過，這兩本我都不是太推介，貴得來其實不是太實用。 (broken heart)

仲等我滿心期待…

下次同大家分享吓去 amazon.cn 買書的攻略啦! (big hug)

2013年5月8日星期三

TOO FACED 8折團購急CALL!!!!

係我內心正燒得火熱火綠時,竟然突然收到TOOFACED做8折的消息,著呀著呀~到底有無人同我一齊敗家呀?

https://www.toofaced.com/

放個火先~以下呢個特別版,原價USD113,現售USD65,折埋都係52!! 包含: 9 色眼影,出名既EYE PRIMER,仲有BEST SELLER既LIP INJECTION同埋眼睫毛膏,仲要教埋點搽至可以有最佳效果!!!!!!! 有興趣快D一齊敗啦!!!好快完!

2013年5月7日星期二

便便暢通

我由細到大都受住便便唔暢通的困擾呀… (sad)

前兩日上堂我就知多了，我應該要食什麼救自己啦…

大家都知道，要多食纖維便便才會暢通。大家亦都知道纖維有分水溶性和非水溶性。

其實我都知呀, 但是兩者有咩分別我就唔係太清楚啦!

水溶性纖維 : 橙、蘋果、燕麥、菇、瓜等等
功用是 : 降膽固醇、平衡血糖、軟化大便

非水溶性纖維 : 有渣的食物, 蔬菜、水果、麥
功果是 : 增加大便面積、增加大便蠕動、減少便秘

我終於明白點解我會痾得差啦…原來我因為我唔鐘意食渣，食得唔夠非水溶性纖維呀!

以食菜為例…
因為我食菜就多數只選菜葉來食，菜葉屬於水溶性纖維、而菜莖就多數有渣所以是非水溶性纖維。

而食生果呢…
我最鐘意買蘋果，但一定要去皮先肯食，蘋果肉是水溶性纖維但非水溶性纖維在果皮呀!!

如果吸收唔夠非水溶性纖維，便便面積唔夠大，蠕動得慢，自然便意便會減少…而細細粒的便便更會黏附在大腸壁形成宿便 (at wits' end)