黑眼圈遮暇教學示範

最近很忙,忙得又荒廢了這裡...記得很久以前我說過要寫一個黑眼圈遮暇教學嗎?對...我回來還債了..我再不還債我相信我會比細C哦到樹葉都落!哈哈!

以下會有嚇人相,大家請有心理準備,因為大C的眼圈不是非一般的小,連上課老師也叫我出來做MODEL你便知道了。

欠大家的,我要還了!!!不多說,立即示範我是如何遮我的眼圈!

由於我的黑眼圈是天生(看見未遮眼圈前像一個阿婆吧?),如果那一天不夠訓會更深色,所以有時用到的產品也有所不同,這天的眼圈不算太太嚴重,所以可以只用一隻CORRECTOR->深的時候要用2隻,基本上BB及OCTARD都是我的必用產品,PAUL & JOE我比較少用,因為是以前未懂化妝時,櫃姐幫自己試,好像是真的遮到才買,但學會後便知道用在自己身上唔WORK!所以現在PAUL & JOE只會用於 MIX膏狀遮暇用,令遮暇膏好推少少或用於黑眼圈較淡的人身上。



OCTARD於草莓巴黎有售,好像是有5隻色,我買的是肉色盒那個,白色盒那個我印象中是比較濕潤,但顏色沒有我那麼深,所以我選擇了肉色這個的S52色號,其實這個遮暇真的不錯,MADE IN JAPAN但只是大約七十元,遮暇度又高!!BB的CORRECTOR出名貴,大C有黑眼圈,但是一點眼袋也沒有,所以更易起眼紋,BB用在我的眼圈上,夠濕潤,用一整日回到家,才出現少少眼紋,所以我都要繼續用佢囉.....BB我用的是PEACH,這是帶點橙色色系,如果更深時我會再用到BISQUE帶粉紅的色系再用於眼底部分。

遮眼圈時請由眼角下落第一下遮暇膏,原因是這個位置通常是色素最深的地方,由這裡落筆,再用筆上餘下的遮暇膏向眼尾帶開,由下而上遮好眼圈,不是由上而下,原因是眼珠位應只用少許遮暇(即筆上差不多用完的在眼珠位輕掃)因為使用過多會變得不自然。

另外,請在面的那一個地方作遮暇也必須輕力,因為太大力,什麼也會推走了,結果便不能達到遮暇的作用。

好像我那實實在在真的是一個圈的眼圈,其實是很難遮的,會於眼圈邊位有深至淡擴散開的會比較好遮,像我的眼圈便要像圖4一樣,於眼圈和面之間的明顯圈位畫一條斜線,再沿線位向左及右推開漸淡,我的斜線位大約會畫到面珠(眼珠對下的位置)再左右推開,做到膚色一致既效果。

如果你的眼圈沒有像我一樣,只是深至淡擴散開的,則只需要用腰果位畫法,記得,不論什麼的眼圈,也請於眼頭也有少少遮暇再用指尖輕按,以達到膚色自然的效果。
最後,必須上碎粉定妝,如果你發現自己上碎粉不久便立即出現一條條有遮暇膏的眼紋,或不消一會己經又變會黑眼圈,那便是碎粉不夠,眼紋則有可能是自己的眼真的太乾。

最後放上遮暇後的眼妝相,看到我的眼圈由有變無的效果嗎?PS我沒有痴假眼睫毛的啊!!遮了眼圈,眼睛即時亮晶晶啊!XD
因為只化了半邊面,所以只放半邊面相啊,大家自己幻想下啦~哈哈!

(號外) BASE FORMULA 3 for 2 summer offer

今日收到 base formula 3 for 2 summer offer 的 email…

哇…勁吸引呀! 計返條數，其實有成六七折呢! 但係上個月先同同學仔趁有八五折 offer 時入了一次貨…

買了幾年 BF 都好似未見過咁抵呀! 真係揼心呀!

順帶一提，有同學仔剛去完沙灘暴曬，用綠泥 + 蘆薈 GEL 做面膜，敷完即時覺得白返呀!


辛苦完一個星期，等我今晚都對自己好啲，開個綠泥出嚟先…

死亡六月終於涯過了

不經不覺，已經係七月啦!

過去的六月，無數個睡不安寧的晚上…好多事令我好擔心呀!

最擔心呢，當然係每週一測啦!

好在，頭兩科都測得幾好，但月尾測的那一科，就麻麻哋lu...

因為月尾請唔到假，大拿拿要記成 24 個佢識我我唔識佢的拉丁文，唔夠時間溫書就只有半夜起身溫啦!
但係到測驗時好多都唔記得啦! 不過盡了力就算 lu，考完就唔再諗，要學識放低呀，人生還有大把其他事情值得去花時間關注 ... 

有幾多年未試過三點起身溫書呢? 對上一次應該係讀 degree 時的考試啦!

最慘係隔離果個肥仔有得瞓我冇得瞓呀嘛!

返工前睡了兩個鐘，返完工再去測驗，哇，真係眼瞓到暈低咁滯呀!

只係測驗已經咁慘，11月考試時點算呀?

老實講，當初決定讀香薰治療時我冇諗過咁辛苦架! 不過，既然洗濕咗個頭，就硬住頭皮 gogogo 啦!

七月，我要對自己好一點…起碼都要好好休息一個星期…
過去的六月我真係連鏡都唔係太想照，臉上牛皮癬的情況時好時壞，真係令人好鬼困擾呀!

七月第一日就係假期，注定七月是一個 hea 月呀!
趁仲有小小「本錢」，真係要好好咁 relax 一下，做喜歡的事、看喜歡的書、見喜歡的朋友!

第一樣要做的事，係執好屋企呀!

How to save an hour everyday 每天多出一小時

死亡六月仲未過呀! 不過見到盡頭啦，涯多一星期就重獲新生啦.... ( 哇…講到咁嚴重... )

之前講過，真係要認真地學習吓 time management 呀! 依一項，真係我的最大的弱項。

於是呢，我就在 amazon 訂了幾本講 time management、講人生整理的書，我要改變自己呀!!

雖然仍然處於水深火熱之中，但星期五測完驗就急不及待要讓自己先放低一下…平衡一下緊張的心情，再為下星期四的另一個測驗努力!

我選擇了開始這一本 : How to save an hour everyday 超級時間整理術 -- 每天多出一小時

我習慣每拿起一本書，都會先看目錄。
一打開目錄已經覺得本書好有興趣啦…

第二章、第五章都是我最大最大的致命傷呀!

花了大約一日就已經把書看好了，真開心! 真係好少書可以一氣呵成地看完…

等我同大家分享一下吧

1. 諗一諗，如果每日可以多出一個鐘頭，那，你會做哪三件事呢?
我會將多出的那一個鐘頭，把屋企佈置好收拾整齊、看自己喜歡的書、去做運動

這三件事，都是我好想去做，但一直都因為沒有時間而忽略的事，現在有動力去為自己加油向「每日多出一小時」進發了!!

2. 來一次大掃除
無論係家裡、公司都要來一次大掃除。都唔怕羞地話你知，我家依家似足癈墟呀! 我這個購物狂今季買了不少衣服，但又一直都未有時間換季，所以新衣服都未有容身之所，但舊衣服卻仍然佔據衣櫃大部分的空間喎!  等我下星期過完死亡六月，我要來個衣櫃大掃除呀!
把沒有用的狠狠地扔走，以後就執屋的時間可以大大減少、而在癈墟中找東西的時間都可以慳埋!

3. 每日為自己寫低明天要做的五項最重要事情

記得，只可以寫五項最重要的事喎! 我覺得應該會好有用呀! 每日要做的事很多，但如果只可以寫五項，咁一定最重要的啦。
如果寫得太多，一日點做得哂? 每日都keep住沮喪的心情，邊會開心地繼續去做個列表出來呢?
其實我自己都有寫 to do list 的習慣，但我只係會知道我有什麼未做，但又睇見仲有咁多點會做得完? 最後都係 last minutes 先完成得了，其實個 list 係冇乜用的! to do list 真係貴精不貴多呀!! 而且每日只有 5 個 quota ，手板眼見功夫就拿拿聲做咗先，唔好浪費咗個 quota 去做原來只需要兩三分鐘就可以完成的工作嘛!

4. 三個做好標記的文件檔 : 行動、歸檔、留存

我覺得在家在公司我都要做這三個 folder 呀!

其實我依家我在公司就只有兩個 folder : done 同 pending，諗諗吓又真係有啲問題喎! 既然係 done，仲 keep 來做乜? 扔咗去枱面又少了一件東西啦…而個 pending file 就長期都滿滿的，每次都要分邊啲要即時做、邊啲係要等齊料先做到。明天回到公司就將 file 的 label 改一改啦!

而屋企那三個 file，我都真係要認真地建立呀! 因為我成日都唔忘記交乜費乜費…

5.  將一個的三十日分成自我日、關鍵日、事務日

我覺得依個好有意義呀! 在一整個月入面每日都好似會過得好充實咁呢! 有時返工真係返到好似失去自我咁呀!

自我日，要給自己補充能量、對自己好啲，可以用來享受生活、去做運動、去見想見的朋友。而死都唔會去溫書架啦…哈哈哈!
關鍵日，要把自己的工作集中在五個最關鍵的最重要的活動上，其他嘢就唔做住架啦。
事務日，要處理其他事務，平時沒有時間做的事，可以用來做 planning

6. 定時查看 email

我有超級嚴重的職業病，無論是公司email 或者係 personal email，我都會一得閒就去 check 住來追 email … 其實得閒就去 check email 依個習慣真係好影響工作效率，因為好多時走去處理 email 後，本來在做的事就放埋一邊，好易又爛尾了!

personal email 已經整理好啦! 在 inbox 沒有分類的 email 已經全部放入了一個備用 folder，從明天開始就把電郵分類成 "立刻行動"、"值得一睇"、和"可能有用" 啦! 而這三個類別都不如的，就 delete 啦! 集中精力在"立刻行動"的分類裡面，"值得一睇" 的分類就一星期清理一次，"可能有用" 就有多餘時間先睇吧!

7. 獎勵自己

好似我依啲有職業病無時無刻要追 email 的人，原來讓自己去 check email 都可以當成一個獎勵。當自己乖乖完成一個 report 先獎自己去 check 一轉 email，又或者如果你好鐘意飲咖啡，當自己完成了一項任務就獎自己去飲杯咖啡，我覺得都幾有趣喎!


來緊的一個星期係 warm up，過完死亡六月，七月要認認真真去實行「save an hour everyday」

能醫，而不能自醫？

返學，轉工帶來的壓力，原來比自己想像中要來得大好多好多呢!

身體終於都響起警號，要我正視一下自己的生理和心理健康

身為一個準香薰治療師， 一邊在幫身邊的人處理各種身體上和心理上的問題， 但卻救唔到自己，真係要好好檢討呀!

中醫、香薰的角度得出的結論，都係話過度緊張是主因！ 同樣叫我多做運動，令大腦釋放開心賀爾蒙!

有中藥、有老師很窩心地為我調配香薰和cream，雙管齊下，搽了兩日已經有好明顯的好轉啦…我相信我好快會好起來! 

但…每次都真係要鼓起極大的勇氣，先敢飲杯中藥，因為次次飲完都有作嘔和胃痛的情況出現…

苦口良藥嘛! 我知道的，忍耐一下啦! 

五個準香薰治療師的戰利品

又團購啦…五月中，跟四個同學仔一齊買了超誇張的兩大箱 Florihana… 價值成二萬幾蚊架!!

星期日晚落單，星期四就到啦…真係勁快呢!!

相比 BASE FORMULA 的波波池包裝，florihana 的確實整齊得多。

先開第一盒，花水和底油整齊地分兩層排好入箱

第二箱就是容量較大的花水和底油，以及好幾盒的精油…

精油一盒盒放得勁整齊呀!

哇…精油多到一望無際呀!! 睇到都心花怒放呀…

花水更一望無際，成張茶几都放不完呀!! 

分貨都分了一整個晚上呢，真的好震撼!! 終於都買到一些一直想買的底油，而手頭上的 cheap 貨精油都已經買返 florihana 啦…

身為一個準香薰治療師，對精油、花水、底油都要有堅持呀!

六月，好 critical 的一個月，每個星期都有測驗，每個星期都要抽半日來上按摩堂。
在 quarter end 的工作量下四天工作，真係有少少唔好意思呀! 而且公司有點小變動，工作量預期在這幾個月會有增無減。

對住只剩低四個月的時間，要做六十個 case，一個個人營商報告，仲要應付十一月頭的 IFA 考試…

我有啲淆底呀!!  加油加油加油!

買書買到去 Amazon - 攻略篇

上次連續兩日講完宅買平書之後，就一直忙忙忙忙忙…我真係要認真地重新學習時間管理呀! 

等我們繼續講 amazon.cn 的攻略先…

其實好多書可能在淘寶都差不多價錢，不過我都會對 amazon.cn 比較有信心。
而且，在 amazon 不一定要用支付寶，用信用咭直接過數都 ok，起碼都慳咗 1.5% - 3% 信用咭手續費啦…
而另一個主因，亦因為送大陸地址滿 29蚊就可以免郵，比淘寶容易呀!

如果一次過買得太多本，我會送到集運俾小小錢再一次過送回家。

我會先將想買的書，都放進購物車。amazon 真的好細心，如果在購物車裡的貨品價格有變化，一 login 就會在頭頂 show 哂出來。

( 哇…今次大規模減價喎! 還減得幾多…是入手的好時機啊! )

除了不時會有特價之外，仲有有好多要入 code 的優惠，就好似下面這個買滿100元減20元，滿200元減50元，即係減完之後仲打多個八折…yeah!!

有時仲會有買滿 99 元送一本在「活動贈書區」的書，不過我自己就多數都選唔喜歡的書，都係實實際際減錢比較開心!

現在我在書店見到喜歡的書，都會停一停、諗一諗，跟住回家找找 amazon 有沒才決定買唔買…

我屋企的書櫃多書到得人驚，但本本都係睇得一半。之前都比較喜歡上圖書館借書，已經戒了買書這個習慣好多年，唔小心又 pick up 返添!