近來大熱…Detox Water

一連講咗幾日韓國…不如我哋今日講吓近來 hit 爆的 Detox Water

其實早在 yahoo blog 年代，我已經寫過檸檬水的 post 了…是 miss 教我們的…大家可以回顧一下…估唔到一年後的今日後會成為大熱潮流喎!

Detox water 的守則，就是要把生果浸密封的樽裡，加水浸中幾小時…做成維他命水…以達到排毒、美白等作用…

我覺得 Detox water 最適合不喜歡飲白開水的朋友，既可令自己多飲水，又可吸收水果中的維他命。我晚晚不是上學就是加班，回到家都已經十點十一點了…真的無心機去食生果了。叫我帶生果回公司食就更加困難，在公司忙到每次想去飲水或洗手間時都會有電話要接…一講就幾分鐘，不消一會第二個電話又到。一日都去唔到 pantry 兩次去拎水飲…好多時忙到急到就快忍不住才跑去洗手間…

不過近來真的水腫得好緊要，而且生活真的好緊張，便便情況真的愈來愈不暢順…所以肚肚真的愈來愈大了!

希望我都有時間晚上準備好 detox water 第二天帶回公司飲啦…這一大樽水可以解決到冇時間飲水 + 冇時間食生果的壞習慣，都幾抵呀。其實我是一個好懶食生果的人，但又好鐘意買生果…生果成日擺到爛都未食完。用來整 detox water 就最啱啦!

睇了幾個 blog 參考，都 share 俾大家呀! 原來肉桂粉都可以加入 detox water，之前瘋狂愛上整麵包時買下的肉桂粉終於有多個用途啦!

http://www.adaymag.com/2014/04/02/detox-water.html
http://www.beautyexchange.com.hk/blog/103458

今日我仲加入了一個分享 detox water 的 facebook group，大家都可以去玩吓呀!

韓國首爾之旅 - Locker 篇

上個月去日本，租過幾次 locker, 先發現原來 locker 係咁有用！

我地一落機，就搭 metro 去了首爾站，因為落機先七點幾，未有得 check in 住…所以打算先食個早餐，再周圍逛逛。又因為實在太早，而且食了少少飛機早餐，所以都未好餓…逛吓逛吓，見到 Lotte Outlets…不過要十一點先開…

行吓行吓見到 Lotte Mart…正喎! 最鐘意行超市呀! 去 shopping 吓先…

除了超市，還有我好鐘意逛的 Uniqlo 和 Muji…不過貴過日本，甚至香港好多…逛下好啦!

一入到去…見到好熟識的化妝品牌喎! 雖然搭完凌晨機 + 拖住行李…都成個人精神哂…

在手推車旁邊，俾我哋發現了 locker…哇!! 仲要有位喎!

仲正到有三小時免費添呢!!! 更係唔執輸立刻放低行李啦…我懶到手袋都放埋入去…

之後去了逛化妝品和超市，不過，未落手…時間尚早呀! 唔想拎到隻狗咁…還有大把機價掃貨…再去食早餐…等埋 Lotte Outlets 開門逛埋都夠3小時…

去拎返行李時已經好多人排隊了! 好在我哋早到啫…

之後幾日都好少見到免費 locker 了，不過在大站都會有好像這些 locker，價錢都係大約 2000 won，唔貴的! 花小小錢把行李寄存再去血拼，舒服好多架!

韓國首爾之旅 - 上網篇

上次去日本都係在 7 仔買中國聯通的上網咭…setup 都簡單…$299有5gb用七日…
去七日剛剛好…share 兩部手機加埋 notebook 用都只係用了兩三gb…

今次去韓國，都繼續幫襯中國聯通…

但…絶對係慘痛經歷!

除咗只得1gb…setting 明顯比日本咭難好多…而且仲要先登記…再等開通…資料聲稱少於10分鐘就可以搞掂…

登記唔緊要…最慘係…要用 wifi 上網頁來登記…居然仲要上載passport copy…我已經好穩陣在香港登記定…但第二日都仲未收到 confirmation…

在電話咭上仲講明…不可以重覆登記…於是我就把電話咭上的號碼和passport副本用email再send多次…但…到現在還是零回應…所以成個韓國 trip 都係只靠免費 wifi 咋…雖然韓國 wifi 熱點都算多，但總是唔太方便，同埋俾咗錢冇得用，勁蝕呀!

如果用到…可以在韓國access到「Olleh WiFiZone」無線WiFi網絡，韓國到處都有 Olleh 覆蓋架! 

下次…一定唔會再買依款咭呀!!

其實租 wifi egg 都好方便，機場借機場還，而且仲平好多添…下次真係要做定功課先得呀!!

2014 年 5 月 Kobashi 團購

哇…睇返上次搞 Kobashi 團購，原來已經是上年八月的事了…

時間真係過得好鬼快的呢! 

近來又有朋友仔 send email 俾我話好想買 Kobashi，好啦好啦…就趁自己都要入貨，我哋一齊買啦…

同上次一樣，我已經將比較常用既精油同花水既價錢計算好…只需要喺下面條 link download 個 price list，填好需要買既嘢既數量，總價錢就會自動幫你計好架啦! 

https://drive.google.com/file/d/0B-ujk-0edhGpN1N2eWNCNE5GbE0/edit?usp=sharing

註, click 個箭咀就 download 到，如果 download 唔到就留言話我知，我 send 個 file 俾你啦!

之後再 send email lepetitearoma@gmail.com 俾我，我就會覆返你入數資料架啦! 

暫定下星期 5/18 ( 星期日 ) 截 order…大家想買 Kobashi 就唔好錯過啦!

( 俾多幾日時間大家…暫定星期六吧~ 大家可以有多啲時間睇有咩想買 )

至於交收方面呢…如果無 delay 的話，六月頭就可以面交或者郵寄…時間地點就再約啦! 

當然，大家如果唔知買話好，都可以留言俾我，我可以俾啲意見你架!

韓國首爾之旅 - 酒店篇

講完 airline，當然要講埋酒店啦!

但第一樣野想講係，去韓國記得自己帶牙刷呀，聽講好多酒店都冇提供的！

由於今次我會主力留在東大門博殺，所以都想住近東大門。

因為四月先去完日本大出血，所以今次除了搵了平機票，都想搵埋平酒店。一心打算住東大門的東橫inn，但想到之前在 u travel 有 blogger 提過 airbnb.com ( 又係有 apps 可以下載的呢 ) 於是就上去撞吓運氣，酒店(或者應該叫民宿)真的多到眼花…而且好多都佈置得好靚…好吸引呢!

其中 Lavinia 是我的心水…房間整潔而且 comment 都好好…

立刻 msg 給店長 Sharon，原來只係離東大門幾分鐘路程…真係我的心水位置呀! 可惜冇房! Sharon 真的好 nice，我一個又一個的問題她都回答得好詳細…

本來想抽時間去拜訪一下她，順便視察一下地點環境，但是真的沒有時間呢! 下次一定要book這一間呀!

找了很多間在東大門附近的，都沒有房 available …

只好 book 返酒店啦…但係連東橫 Inn 都 fully booked 啦…但係…一心好老定，快快手先訂好了機票，但居然冇酒店，點算點算?

再找了一間在東大門距離三個站的，坐的士都只是港幣六七十元左右



另一間是六月東大門酒店，七百幾蚊一晚

最後，選擇了comment 奇差的六月東大門酒店…心想第一次去，選一間地點較好的吧…將就一下啦…

comment 真的無花無假，有幾差? 來看一下實況吧!

先係找了一大輪先找到間酒店…一啲都唔方便呀!

背面，看似都 ok 的!

正面…真的是一間名副其實的汽車酒店…

我們頭一晚住的是 302 房…其實個門口都幾討好的! 

房間都不算好差…而且還有 wifi… 不過…一隻窗都沒有!!

 有浴缸

仲有電腦…但 mouse 壞的，連英文都打不到…即係冇用囉!

第二朝在 lobby 有兩個台灣女仔在理論，訂時要 twin bed 但是得到的是雙人床房…於是我們就好心，跟她們換房了! 職員叫我們先到 303 拿行李再上雙人床房 509…但一打開連房都未執…我們又要把行李推返 lobby…等職員收拾好晚上才把行李搬回509…

晚上從東大門回酒店就發現被酒店名騙了…根本一點都唔近東大門…要花半小時坐七個站呀! 最後一晚從東大門回酒店，成八千幾 won 添…

講返新的 509 房…一入去已經好後悔做了好心…

因為連浴缸都冇~

洗手區在浴室外…

main point 係…無 wifi 呀!! 

真係激氣…早知訂三百幾蚊那間民宿冇咁嬲呀! 所以大家選酒店時記得睇清楚酒店位置…唔好俾酒店名呃呀!

下一篇再同大家分享另一激氣事, 就係在韓國上網的問題啦!

韓國首爾之旅 - airline 篇

一係就年幾沒去旅行，四月頭先去完大阪，五月頭又突然去了一轉首爾，突然到是今天決定要去，明天訂機票，後天訂酒店，當日凌晨就出發了!

今次的首爾之行，主力到明洞買化妝品護膚品、以及到東大門買靚衫…

好多嘢想同大家分享呀…不過我應該都沒時間一一仔細的去講了! 不如就分幾次，小小、小小同大家分享啦!

今日先講 airline 啦!

其實現在有很多 apps 可以幫助搵平機票…我自已就鐘意用 Expedia… apple store 或者 google play 都可以免費下載呢!

今次坐的是韓國 local 的 airline 真航空 ( Jin Air )… 因為 book 機票的時間有點趕，(都不只有點趕啦…係直情勁趕... ) 只能 book 到凌晨機去，早機返…連稅大約每位 HKD 2622 ( 機票 $1940 + 稅 $722 )，已經不是最平的價位了。

相比 CX 便宜了七百元有多呢~ 而且相比廉航如 HK express… Jin Air 的機票已經包了 20 kg 的行李費…其實都幾抵的呢!
而且到埗時間亦都比  HK express 的凌晨兩點幾好…到埗已經七點，出市區的交通工具都開工了…

當日 1:40 a.m 的飛機好準時就起飛，在佛誕連假的旺期下，客人連半隻機 ( 仲要係細機 ) 都坐不滿…空姐還邀請我們可以坐前一行…可以一個人坐三個人位，打橫訓足四五個小時的機程，到埗就可以即時去玩囉!

去到仁川機場連等行李的時候都慳返…行李一早就等緊我哋啦!! 

總括來講，Jin Air 都係值得推介的! 空姐雖然沒大 air line 的空姐一樣有靚靚制服，只是著 polo shirt + 牛仔褲，但態度可親而且都幾靚女。飛機餐都算是正常…去程時飛機餐中仲加了條蕉… 真係第一次食飛機餐中會有香蕉的出現呢! 哈哈!

而坐位方面，我覺得都算是闊落的…完全沒有頂腳的情況出現。

雖然是細機，但全程機都幾穩定，坐得都好安心而且瞓得好舒服! 

下次再去韓國，我都會再考慮 Jin Air 的呢! 如果不介意坐細機，除了 Jin Air，仲有濟洲航空, 易斯達航空可以考慮吓呢!

旅行的意義

嘻嘻…剛剛去完大阪睇櫻花…

回到香港，依然是滿腦子的想玩!

在第一站的和歌山見到的櫻花

不過…近來真係太忙…早在 11 月已經 confirm 的 trip…居然都要等到出發前的三日先 book 好所有酒店…

其實身邊有不少「旅行家」朋友…一有空就會去旅行…其實未結婚前我都係一個旅行發燒者…一年去兩三次旅行是等閒之事…但婚後支出大了很多，所以去旅行的次數都少了很多，一年去到一次小旅行都已經好感恩了!

昨晚都有跟老公傾過這個 topic…我有一個舊同學，兩三個月就會去一次旅行…目標係環遊世界一次…

有一次…他在 facebook 講到「旅行的意義 / 態度」引起了一點感想…不如…就 post 出來同大家分享一下吧! 

近來的生活，真的過得糊裡糊塗…人生好冇目標呀! 尤其是轉了現在的工作，連放一兩天假的勇氣都沒有，因為不知道放完假回來要還 OT 幾多日還債…

根本就不知道每日辛苦工作是為了什麼? 是否因為過度埋首於工作，沒有及時享受及時行樂呢? ( 我要賴 2013 年冇去過旅行呀! )

買樓的夢想，其實在這一刻很是遙遠…其實死慳死抵儲錢唔捨得洗…都沒有什麼大進展…

咁…不如對自己好一點啦! 趁仲後生…多享受生活吧! 工作不是一切…人係需要叉電的，只要不是傾家蕩產咪得囉…

出走女生  的 concept 也是很值得思考… 

朋友們都說：「你又去旅行？大把錢呀！」
我說：「我沒有很多錢啦。」
朋友說：「沒錢又會可以去旅行？」
我說：「平常我在省吃省用，只是你不知道吧。我去旅行過得像平時一樣，不會大花筒，我窮遊不是豪華團啦。」
朋友說：「去旅行當然是要豪駛啦，不花錢、不享受算不上去旅行。」
然後我會笑著打完場說：「哈哈，人人要的都不一樣啦。」

世上就是有很多人不會明白你，他們總愛用他們的尺去量度別人。
「為什麼為了旅行平常這麼省錢？」
「為什麼去旅行不好好享受？」
「下，只去三兩天旅行，能做什麼呀？」

通常遇上了這些對話，我也不會再繼續說下去。正如台灣服貿一樣，支持與否各有立場，反正從來自己覺得對的事，也不一定其他人也覺得對。若然只是為了證明自己是對，而不停作出辯解，那只是花費唇舌，還是省下那啖氣吧。

我們不需要得到全世界的明白，做自己覺得對的事情，跟對的人談話，懂的自然會懂。

這張照片就是在東海岸拍的，去旅行就是這麼一回事，能拍到喜歡的就會樂一整天。走一段平常不會走的路，流著比平常多的汗，做些平常不敢做的事。

從陌生角度裡，重新認識自己。

我想…我們要學習一下窮遊…比著一次的豪遊，幾次的窮遊應該會有幾多體驗和更密集的期待…年多沒有認真放過假，去完回來，果真叉足電，做事都積極了! 不過肉體還未叉完電，真的好攰呀!

photo source : http://www.pinterest.com/pin/476748310525126471/