自救

已經20日啦…隻豬腳依然都未完全好返! 但不可能長期在家工作，所以我決定明天要上班啦!

昨天多照一次 x ray，都唔知開心定唔開心好…骨頭沒有事, 沒有骨折或骨裂，那就是醫師之前的診斷錯了? 雖然之前醫師只是說「可能」有骨裂，所以才要差不多20天才康復!
當我受傷後右腳完全不能走路…但給他醫了兩天我就可以落地行了，另外他還我醫好了困擾兩個月的敏感，醫生說是癬，是內分泌跟血虛引致的。又係食了兩天藥就好了，所以我對他很信任。

可惜，真的足二十日走路還是有點痛，藥吃完了，醫生開了新的藥方，敏感居然又回來了!

連我都開始懷疑他在拖症了。

我有朋友做中醫跌打的，問了他的意見，他都是覺得醫生好像在拖症。
不過腳真的差不多好的了，現在轉醫生的作用不大，既然醫生說今個星期開始可以一星期去兩至三次就可以，就讓他多看兩次，其實腳只要不要行太多、企太多，再多兩個星期自己都會好的了!

好…我就決定這幾天自救一下…之前我已經自己用天竺葵、岩蘭草、迷迭香、薰衣草四種精油調按摩油，按完腳踏落地真的覺得鬆了很多，而且去睇跌打時姑娘都話瘀好像散了不少…

這幾天要勤力啲自救啊...

好想買岩玫瑰和永久花呀! 效果一定會更好…但看了十幾次跌打，花了幾千元，荷包好肉痛呀!
這兩隻精油都要貴嘢來的，要儲儲錢或者等保險 claim 返錢回來才買啦!

腳傷中的細 C

哇…足足有10日沒有 update 過啦…

就在上星期四細 C 發生了小小的交通意外，右腳受傷了，有輕微的骨裂和甩較! 頭兩日右腳完全發唔到力，只能靠左腳跳住來「行」…真係攞命!

就係咁…這十日以來我就睇足咁多日跌打啦…除了星期日醫師放假有得休息吓!

唔好以為 SL 有得休息，其實我只不過係不需要回公司，但依舊要在屋企開工…
又要 work from home，又要山長水遠去睇跌打，行每一步都要 energy，其實仲攰過返工呀!

感恩康復情況比醫生預期好，這兩天見腳好了一點就照舊去做正經事…
星期四夜晚返香薰、星期五朝早去為老爺辦最後一件事、今日仲醒到去了好朋友仔仔的生日會…

最後今日被醫師發現我行得太多，休息得不夠，下令我唔准再行咁多! 如果唔係康復時間會更長、留舊患的機會更大。

好好好…我唔敢啦…

下星期就專心留在家研究一下中醫跟香薰的入門概念啦!
對自己好啲，過了六點就放低公司部電腦，專心休息!

 

pending 的 blog 文好多…在香薰堂上學了很多正嘢，好想同大家分享呀! 俾小小時間我…

星期三是師奶仔的購物日

昨日是長假期的第一個工作天，我就趁 lunch time 去盡一下做師奶的本份，去完惠康再去 jusco 補倉。

我有 citibank 的 rewards，逢星期三到超市，百貨公司等地方簽賬有 30 倍積分，而每 250 分在指定地方就可以當 1 蚊用。
我打算將積分用來交電話費呀! 唔知得唔得呢?

天氣好乾燥，於是我又逛埋萬寧買最最最便宜又好用的 Aqueous Cream

剛好現在在做特價，$20.9, 原價好似要 $24.9 的。當我去付錢時，只收我 $18.8，於是我就問一下為什麼會平咗?
原來，逢星期三會員買萬寧產品有九折架!!

今日我仲要扣 enjoy dollar 來付錢，抵上抵呢!

我決定以後要補倉，都會等到星期三先出手呀!

叉電中秋假期

原來，要返工、又要返學，真係會忙到冇時間休息架! 仲何況去玩?

這四天的中秋 + 國慶假期正好叉叉電呀! 我過了一個悶悶哋但幾充實的假期。因為老公返足四日工，真係連街都冇出過呀!

假期裡去了圖書館，剛好見到大少奶的三本書喎! 即時借!

其實我沒有好深入地刨大少奶的 BLOG，只係知道她教的食譜都比較簡單易做。

原來大少奶成材前都是同我一樣對家務係零知識架!! 是名副其實的大小姐…

所以我相信我都會有一日會照顧得頭家妥妥當當架!! 等我!!

在這個假期裡面我同大 C 不停咁宅住咁放血…放到一地都係血呀! 不過我哋都深信是投票來的，加油加油!
剛好又到月頭就要好好哋做點理財功課，條數真係愈來愈難計呀…不過我深信涯多陣就會好…

到了假期的最後一日，我覺得不可以再宅在家啦!
一大朝早去了做 yoga…之後在 physical 一邊看日本雜誌一邊敷面膜…
之後又去了做師奶，在街市買毛巾買生果，回到家再悠閒地吃午飯和睡午覺。

不用趕時間，無目的地過日子，原來好 relax!
不過，一個人走在街上，我覺得有點寂寞呢…如果要做一個全職師奶應該都幾悶!

叉足電啦…明天要乖乖哋作戰啦!

Black card 儲里數抽獎

好多人都應該知道儲 miles 最快的應該係 DBS black card，我同大 C 都好努力儲呀儲…

但係儲咗幾年先儲得兩張高雄機票咋…真係要努力啲敗家先得呀!

不過結咗婚之後，由一年三次旅行變到一年都唔知有冇一次，所以我依家都冇以前咁積極儲 miles 啦…

寧願用積分來換超市現金劵仲實際! ( 唉…師奶仔係咁架啦…)

但今日收到 DBS 的電郵，見到依個 promotion 都 ok 喎!

平時本地簽賬 $6 = 1 miles，依家最少都有 $4.8 = 1 miles.....

其實都唔理自己會唔會簽到 $3000，都登記咗先lu~~~

如我所料，我係抽中咗 $4.8 = 1 miles 的 offer 呀!! 好過無啦!

http://www.dbs.com.hk/zh/consumer/creditcards/blackcard/landing/20120925_mile_conversion.html

Iherb.com 九折+ usd10 welcome rebrate + 魚油介紹

哎呀! 又唔記得通知大家 iherb.com 有九折，做到月尾咋…
同埋依家有 referral code ( 我的是 TUJ677 ) 開新account，可以減 usd10 呀，以前只有 usd5，足足多咗一倍呀!
http://www.iherb.com/?rcode= TUJ677

早前跟兩位正在餵母乳的偉大媽媽講開魚油… 因為有豐富 DHA，對 BB 腦部發展好。

原來魚油在香港買是很貴的呢! 雪肌蘭就係表表者啦，一個月的份量就要千多元，真係食到窮呀! 而比較便宜都要幾百蚊架…

而勤力媽媽YAN原來之前做過資料搜集， 有一期選擇月刊有測試過魚油呢! 得出的結果係Barlean's Fresh Catch Fish Oil DHA依一款魚油在成份、價錢等等都有比較出色的表現。

給我在網上找到那一期選擇月刊，有興趣可以研究吓…
https://docs.google.com/open?id=0B29_gFcC7yvgdnZOS0pCWElCcG8

不過，在香港搵唔到喎!

於是我們又想起不如去 iherb.com 找一下…

居然有驚喜呢! 價錢仲要好抵添!

剛巧當時正在做免運費的 promotion，就立刻訂了兩樽回來! 折實只係 HKD 160 左右咋! 

到今次有九折，加上開了一個新戶口有 usd10 的回贈，就一於買四樽，今次更抵，大約 HKD 140 一樽咋…

各位媽媽有興趣可以訂依兩款, 都係 Barlean's 的, 每日都係食兩粒…

Barlean's, Ultra DHA, Triple Potency, Omega-3, Lemonade Flavor, 90 Softgels, 500 mg Each / USD21.21
( EPA 100mg & DHA500mg )

http://www.iherb.com/Barlean- s-Ultra-DHA-Triple-Potency- Omega-3-Lemonade-Flavor-90- Softgels-500-mg-Each/37306

Barlean's, Fresh Catch Fish Oil, Ultra EPA·DHA, Double Potency, Orange Flavor, 1000 mg, 60 Softgels/USD$22.06
( EPA 783mg, DHA400mg)
http://www.iherb.com/Barlean-s-Fresh-Catch-Fish-Oil-Ultra-EPA-DHA-Double-Potency-Orange-Flavor-1000-mg-60-Softgels/14956

超忙 Double C

過去一個星期真的忙到甩轆，只是可以勉強返到兩日奶奶屋企食飯，好在都抽到一日陪媽咪食飯…

先在星期一做大 C model，大 C 仲話，剛剛仲 take 多了另一間學校學化妝，深入研究眼妝呀!

就在上堂時 check email 發現 base formula 運費半價喎，返到屋企即時 urgent call 了個 BF 團購!
昨天落了差不多 HKD 6000 單…勁呀!

又再一次証明女人錢真係好易賺呢!

而最重要的，是上星期六先報的香薰治療師文憑課程，剛過的星期四已經上了第一堂啦!

勁充實的一堂，由坐低一直寫 notes 寫到落堂…

好多 formula 想同大家分享呀! 我同大 C 講，我依家真係可以日日講香薰，一隻香薰其實可以講三日呀! 我怕啲 blog 友會悶到嘔呀! 哈哈…

真係相逢限晚呀，上三個鐘堂好過睇三日書/在網上做 research 呀!!

而昨天我仲做到另一件我想做好耐的事…花了一晚做了依樣嘢…

希望明天就可以睇到實物啦…
等星期五搞掂就可以開估話俾大家知我做到啲咩啦…期待ing.....